ممنوع +18 ..~ "نقاش "

[Lamees]

يمكن تقريباً كلكم سمعتم عن كليب ركبني المرجيحة
دي مش دعوة عشان تشوفوه من الافضل بلاش
كليب عادي المشكلة انه مفهوش فن خالص
والاصوات رديئة اوي
المشكلة مش هنا
المصيبة الكبيرة في عدد الفيديوهات المعروضة بسبب الكليب ده
فضولي خلاني اتابع واسمع فيديو ورا التاني
في ناس بتنتقد بطريقة مضحكة وانا مش معاهم في كده
المصيبة ان في ناس بتنتقد بقلة أدب
يعني انا مش عارفة ازاي ينزل فيديو فيه كمية شتائم بالشكل البشع ده
انا مقدرتش اسمع الشتيمة وشلت السماعات من وداني
انا مش فاهمة في ايه
هو كل واحد عايز يعمل حاجة يعملها سواء شتيمة او فعل فاضح
زي الحاجة غادة عبد الرازق كده
طيب دول اشخاص عاديين ومفيش عليهم رقابة من اليوتيوب
طيب الافلام والمسلسلات
لو لاحظتوا في رمضان كل مسلسل عليه لوجوا +12 ، +16 ، +18
وهو معنى كده انهم يعرضوا اي حاجة
يعني انا لو شفت التحذير ده اقدر امنع او احدد من يتفرج ومين لأ
يعني هما كده عملوا اللي عليهم وحذرونا
واحنا حرين نتفرج او لأ بصراحة كتر خيرهم

ايه رأيكم في الموضوع ده
في انتظاركم

تحيتي

[bobaOo]

..

موضوع مهم وشائك
ويعتبر قضيه برضو
بس قضيه اخلاقيه
الكليبات التافهه كترت اوي
بئا الي عايز يغني يغني
والي عايز يتشهر يعمل قناة عيوتيوب ويتشهر
بس مننكرش ان في ناس تستحق الشهره

بالنسبه للمسلسلات لا حول ولا قوه
تسلم ايدك حبيبتي
موضوع مهم

ودي
.

[فداااااااااااء]

وانا عمال اقول +12 دى ايه و+16 وكنت فاكرة انها ايام لافتتاح قنوات جديدة او تجديدها ههههه

شوفى عزيزتى كل ما هو مخالف الان ومنزوع منه الحياء بقا يتروج ليه بشكل كبير
الـ نوعية دى من الفديوهات والمسلسلات مش بحب اشوفها ولا بسمح للفضول عندى انه يتغلب علي وان كنت من الشخصيات اللى معندهاش الفضول دا اصلا الا قليل جدا والحمد لله
اعتقد انه اسلوب ممنهج الغرض منه الهاء الشباب وافسادهم
المجتمع ينزلق فى مستنقع الفساد
سلمتى لميس

[^^khL oUD]

ونبي يكتبوا +18 +300 حتي الشعب بيدخل وبيتفرج
احنا شعب فضولي اصلا ههههههههههه
وبالنسبه لفن مصر دا مش فن دا عته اقسم بالله
شهره ع الفاضي وياريتها بحاجة كويسه لا شهره بقله ادب
المهم انهم بياخدوا فلوس بس
واحنا ال بنشهر اشكال زي دي
قال ركبني المرجيحه قال يركبوكي ميت عفريت ي بعيده صرعتي الشعب 😂😂😂

توبيك يستحق النقاش تسلمي

[سيناا]

المشكلة في الجهل والوعي والنضج

للاسف اغلبية المنتجين المخرجين

ظنوا او يمكن ايقنوا ان اعلى مشاهدات لاي شيء

فلم كليب مسلسل يتمحور حول جمال وانوثة البنت

ودا الي خلانا شعب يعشق الاغراء

فضائح واشياء سائت ومازال الحبل على الجرار

والقادم اعظم

مفيش فن جميل فن هادف

كله اصبح يصب في فن الدعارة الي وراء الستار

[gold rose]

الكليب دا غرضه سياسي عشان منركزشي في الي بيحصل في البلد
سواء زياده أسعار أو الجزر أو عمليات التصفية وغيره ..
دا ميمنعشي إن الكليبات التافهه والسوقية بقت منتشره بشكل مريب

بالنسبة للأفلام فممكن يكونوا عاملين " + " عشان فيها مشاهد عنف
أو قتل مششرط مشاهد إباحية يعني ..

وبعدين إحنا في زمن الفن الهابط سواء أغاني أو مسلسلات أو أفلام

ومن رأيي بالنسبة لموضوع غاده عبد الرازق وأنا مشفتش الفيديو بصراحه
" أنت حر مالم تضر " يعني أنا عجبني مسلسل ليها بتابعه مش أكتر
مليش دعوه بحياتها الشخصية مش هروح أخطبها مثلاً ^^

[حـيـــــآة ❤]

لكبني المورجيحه

يعني مش لاقيه وصف الانحدار ال بقينا فيه
بقينا بنحب الهلس والسفاهه
بقي اي حد عاوز ينجح ف البلد دي لازم يقتصر ع الاعمال المحدره دي
جهل

[عهود~]

هذه الاعمال لها اهداف وغايات كثيرة

تمييع الشباب وتضعيف القيم في نفوسهم

اشغالهم عن القضايا الأساسية والسياسية في بلدانهم

شكرا على الطرح القيم

[.Lamar]

تابعت كل الاراء و لقيتها متشابهة و دة رأيى كمان
انه اعلام موجه يتميز بالاسفاف
الغرض منه الهاء الناس عن المشاكل الحقيقية
و بعدين متستغربيش حاجة من بلد
حددوا وقت معين لصلاة التراويح و عدد ايات معين فى كل ركعة
و منعوا ميكرفون المسجد يرتفع باصوات الامام و المصلين
و لسة ياما هنشوف
و ربنا يعافينا و اياكى
تسلمى رونى على النقاش الحلو
تحياتى

[۩۩ elMagic ۩۩]

مبدأيا اسمها الميجيحه مش المرجيحه هههههه
الممنوع مرغوب
والحاجات دي بتتحط
عشان الناس تكمل فرجه للآخر اصلاً == d
عمتا الشعب عايز يتفرج
واكيد له دور رئيسي ف انتشار القصص دي
لان التفاهه لو ملهاش متابعين مش هتستمر