ممثل سينما تركي(!!؟)

[د. محمد الرمادي]

لفت إنتباهي بصورة واضحة إعتماد صور الممثلين الأتراك سواء رجال أو نساء (!!؟).
أو ممثلة هندية (!!؟)..
فهل هذا يعود إلى أن الممثل(الممثلة) المصرية ليس وفق مقاييس الجمال أو إحسان الدور في الفيلم..
ولماذا لا نرى ممثلة أجنبية أو ممثل أجنبي أمريكي !!؟
أتمنى أن أجد إجابة [ليس ضروريا أن تكون مقنعة !!] !!؟
محمد
الاثنين 27 ذو الحجة 1438هـ~ 18. 09. 2017

[فداااااااااااء]

ان كنت تقصد فى السوشيال ميديا !
فى السابق كان الامريكان هم المسيطرين والكوريين ايضا

احيانا يكون الاتجاه الى ما هو غريب عنك او الي من لم تعتاد عليه
بمعنى الممثلين المصريين معتادون عليهم والبعض منهم لا يجيد التمثيل ايضا
والامريكان كذلك اعتادنا عليهم
الاتجاه الان موجه الى الاتراك ليس لانهم بارعين فى الفن بل لاجل المظهر الجمالى
ولعبهم فى ناحية المشاعر بشكل خيالى اكثر منه وااقعى

اعتقد انها مجرد فترة انبهار بما هو مختلف كسابقيها

ثم ستجد اعتماد صور اخرى لاجناس مختلفة

سلمت اخى

[.Lamar]

طيب انا هجاوب بما ان رمزيتى لممثلين اتراك

القصة مش انبهار بالغير و احساسى انهم افضل من المصريين

عن نفسى بحب المسلسل دة جداااا

شوفته مرتين و دى التالتة

و لو غيرهم كنت هختار صورة لهند صبرى و ظافر العابدين

لان المسلسل عجبنى كتييير برضو

مش قصة تحيز قد ما هى تفاعل مع الاحداث

كل الشكر اخى

تحياتى

[fanaa]

مصريين؟!
هو اساسا دول يتسمو ممثلين الفكره مش فكره شكل
الفكره فكره الفرق مابين كونك طبيعى وكونك مصطنع ودا الا الفن المصرى فاقده
الهنود عندهم كميه احساس عالى اوى وافتعالات ملامح طبعيه رغم انهم مش فى جمال التركى
والتركى برغم جمالهم الباهر تحس بنضافه فى تمثيلهم سواء بقى الطرق اسلوب التمثيل الديكورات
لكن مصرى لالالالالالا دا قرف والله المصرى دا قرف
امريكى اعتقدت انهم كويسين جدا فى الافلام وطبعا مش كل مسلسلاتهم بتعرض فمنعرفهمش اوى
طبعا الكورى ولا كلمه فيه
انا من عشاق الهندى افلام دول بيصنعو موسيقى تصويريه خيااااااال انت اصلا بتتفرج مبتبقاش عارف تحكم على ايه ولا ايه

[gold rose]

اقتباس المشاركة الأصلية كتبت بواسطة fanaa مصريين؟! هو اساسا دول يتسمو ممثلين الفكره مش فكره شكل الفكره فكره الفرق مابين كونك طبيعى وكونك مصطنع ودا الا الفن المصرى فاقده الهنود عندهم كميه احساس عالى اوى وافتعالات ملامح طبعيه رغم انهم مش فى جمال التركى والتركى برغم جمالهم الباهر تحس بنضافه فى تمثيلهم سواء بقى الطرق اسلوب التمثيل الديكورات لكن مصرى لالالالالالا دا قرف والله المصرى دا قرف امريكى اعتقدت انهم كويسين جدا فى الافلام وطبعا مش كل مسلسلاتهم بتعرض فمنعرفهمش اوى طبعا الكورى ولا كلمه فيه انا من عشاق الهندى افلام دول بيصنعو موسيقى تصويريه خيااااااال انت اصلا بتتفرج مبتبقاش عارف تحكم على ايه ولا ايه

معنديش رد أحسن من الرد دا بصراحة ^^

[د. محمد الرمادي]

أنا مَوجوع -وربنا - بالجامد قوي..
1.] منكم-الردود إلي جَت كلها من البنات؛ ومن
2.] عمتي وصحبتتها كلهم مغرمين بالمسلسل التركي حتى في الإعادة وبعدي يجي الهندي...
وطبعا بفرقع من الغيظ خاصة لما تكون هي عندي ولمدة طويلة تتفرج بس يا إما هندي يا إما تركي.. وكثيرا يحدث عراك بيننا .. خاصة إذا كان ناك برنامج عاوز أشوفه ورجعت البيت بدري لرؤيته ..أنا شخصياً كرجل بأعجب -شكلاً-بالمرأة الأجنبية: الشقراء ..الصفراء.. الزرقاء.. البيضاء وده بيظهر إثناء ممارسة عملي وحسن لباقتي في الحديث والحصول على ما يجب أن نحصله من المعاملة أو الصفقة ؛ وهو ما يسمى إجادة فن العلاقات العامة .. وهذا من حيث الشكل... إما حيث الصوت فـ المرأة الخليجية .. المسألة مسألة إعجاب وبس لكن عمري ما راح أحط صورة واحة منهم على الحيطة .. أو في كراسة حى أيام المراهقة البريئة هذه مسالة
الثانية مسالة الذوق طبعا تخص كل واحد ده بيحب هندي ده تركي ده زنجي ده غربي...إلخ
الثالثة مسألة الميديا .. والإنتشار السريع ودي مصيبة تانية
يعني tv تقدم لنا (زبالة الأفلام التركية وزبالة الأفلام الهندية)
وهذا يؤثر على الرأي العام والمناخ
الرابعة: تفاهة ما يقدم للمشاهد العربي خاصة الخليجي ثم المصري
أنا عندي وجع من المسلسلات
سواء الرمضانية أو الموسمية
الخامسة الحبكة الدرامية وقدرة إقناع الممثل على إخراج دوره.. دي مسألة فن ودراسة وموهبة ...لكن افتح موقعي المفضل أرى صورة نفرتيتي اشعر بمصريتي القديمة ؛ ومن بعدها لينا كلام..
وجه نظر (ذكورية) ولكم كامل التعبير وإبداءالرأي(!!)
محمد
الثلاثاء 28 ذو الحجة 1438

[د. محمد الرمادي]

اعتذر ... وارجو المسامحة ...كل إللي كتب لغاية دلوقت فقط

"بنوتات"!!

[دمعه حائره]

الممثلين المصريين افسدو الزوق العام
سواء بعمليات التجميل او تقديم فن بيفسد المجتمع
الممثلين الاتراك او الهنود بنشوفهم بطبيعتهم وقبلهم الامريكان
عندهم مفهوم الجمال مختلف عننا وده خلاهم ينجحوا
وقبل كل ده ديما تلاقى الانبهار بالاجنبى او عقده الخواجة زى مابيقولو
تسلم على النقاش

[ahmed 22]

خلينا مقتنعين ان الممثل عموما بره مش عاوز اقول انه بقا سلعة
هقول مثلا براند .. وليه اسم تجاري ...
مطلوب من شركات الدعاية أنه تسوقه الأول
وبعدين هو يسوق منتجات لشركات تانية .....
جزء من التسويق أنه مثلا يلبس بدلة من ماركة معينة
فالناس تتهافت علي الماركة دي لانه لبسها فيبقي تريد مارك ...

الممثلين في مصر عندنا لسا ماوصلوش للفكر ده ..
أخرهم يقلدوهم بس .... وبالتالي الوسط الفني العربي عموما
بينبهر باللي بره وبيقلدهم في لبسهم والموضة بتاعتهم
يبقي الشعب مش هينبهر بالاصلي وهيبص للمقلد ..
ايا كانت بقا مقاييس الجمال وغيره ..
الفكرة في أنك تعرف تسوق نفسك وتفرض سوقك علي غيرك ..

وبالتالي لما فجأة تلاقي المسلسلات التركي عملت غزو
فده لان احنا نعتبر سوق من اسواقهم قعدوا يجربوا فينا
لحد ما بقينا سوقهم الرئيسي ..
الأول نزلوه من غير دبلجة ماجابش نتيجة ..
بعد كدا نزلوه مدبلج فعمل صدي قوي في عمل تليفزيوني

لما تلاقي بنت فجأة مثلا كانت بتمشي تبص في الأرض
بقت تشوف فجأة شاب وسيم بتتفنن أنها تحلل ملامحه كل يوم
ويبقي زي الايدول بتاعها ... وفجأة تحس أنه يقي فارس احلامها ..
وطبعا احلامها بعد كدا بتروح بنها ..
ومع الدبلجة بدأت تشوف الصورة أقرب وكأنه جزء من تركبيتها

وبالتالي الناس عرفت سرك فبدأت تغزوك اكتر من نفس النوعيات
بتاعة المسلسلات دي وبأشكال مختلفة كسوق مستهلك ليها ..

المهم أن ده نتيجة ان احنا شعب في مرحلة انفتاح
وثورة تكنولوجية وخصوصا علي السوشيال ميديا
وفي نفس الوقت كان مكبوت ولقا الدنيا مع الوقت بتفتح قدامه ..
فبقا بيشبط في اي موضة جديدة ليس الا ..
بس مع الوقت والنضح بتلاقي كل شاب أو شابة غالبا بيبدأ يحترم سنه
ويعقل ..