كابوس الثانويه العامه

[ساحر الأحزان]

اقتباس المشاركة الأصلية كتبت بواسطة .lamar باختصار احنا اللى عملنا الكابوس بالسعى وراء كليات القمة وعقدة الطبيب و المهندس مع ان فيه طبيب فاشل مثلا و محاسب ناجح جدا للاسف سيبقى الحال كما هو عليه لحد ما عقليتنا احنا تتغير الناس بتموت نفسها و تضغط على ولادها عشان الحلم دة قليل اللى سأل ابنه او بنته انت بتحب ايه وحاسس انك هتقدر تنجح فيه فالاهل هما السبب الاول لدة واتمنى مع الوقت كل انسان يحدد اختياراته بناءا على امكانياته وشغفه مش عشان يرضى حد كل الشكر للموضوع القيم تحياتى وتقبل مرورى

اهم شيء الاقتناع وحب ما يريد وليس شرط
ان يكون كليات قمه فالقمه عندما تتفوق فيما تحب
وليس ما يفرض عليك
شكرا لك لمارا
أسعدني جميل تواجدك
تحياتي وتقديري

[شاعر الإحساس]

لكل مجتهد نصيب...
نعم كليات القمه ارتفعت نسبتها عن سابق عهدها...
لكن لنقل صدقا...سابق عهدها كان اصعب...
وكان الامر متروك لكل مجتهد...
وليس كما نرى الآن...

في الاخير الثانويه العامه...نقطة تحول
لكن من يفوته امرا ما...كلية ما
فعليه الا ييأس...
فالحياة لم تبدأ بعد...
وهناك الكثير لفعله.......
وتعددت المجالات...ولكن
النجاح قائم على الشخص ذاته..
لا المجال...


كعادتك يا ساحر ...
مواضيع من ارض الواقع...
تلامس الجميع...
احسنت القول....والحرف
دمت بكل خير وصحه وسعاده
تحياااتي وتقديري واحترامي


شاعر الإحساس

[ساحر الأحزان]

اقتباس المشاركة الأصلية كتبت بواسطة ahmed 22 عاوز اقول لكل طالب فاشل ماتيأسش يا بني من ملكات الزمن انه هييجي يوم وهتكبر وهتدخل حاطط رجل فوق ايد في اي برنامج تليفزيون بعد ما تبقي عضو مجلس شعب منتفع اد الدنيا او يبقي ليك حساب عالفيس بوك بشوية متابعين وممكن ربنا يفتحها عليك وتبقي انفلونسر اد الدنيا ويا سلام بقا لو بقيت من اللي بيعملوا تحديات عاليوتيوب بتاع عزمت حماتي عالغدا ورمت الاكل في وشي فتدخل بقا تنقد بقا نظام الثانوية العامة باللي بيدخلوها ومعاك منصة ما شاء الله ومعجبين وتشتم في اساتذتك اللي عقدتك في الحياة واحد واحد ومش بعيد لما ربنا يكرمك كدا وتاخد ليسانس حقوق ولا تجارة ويا سلام لو تضرب جمبيهم كلمة السربون وتعلي حظوظك فيختاروك تبقي وزير تربية وتعليم اد الدنيا ولا وزير تعليم عالي وتبقي متسشار في لجنة كورونا الجاية سنة 2060 ويكون من اهم وظايفك كاستشاري انك تنتقم من بتوع طب العالم الدحيحة اللي احتكروا التنسيق بمجموعهم العالي وتخلص عليهم واحد واحد بس بالطريقة وبمعلمة الحياة علمتها ليك بصياعة عشان توصل للمنصب ده أو بقا تطلع عقدك عالعالم فتخترع نظام انقح من الموجود حاليا و الناس بقا يشوفوا الويل اللي انت شوفته وتطلع اجيال كدا زي الفل علي طريقتك هي كدا الحياة لها طرقها ومنحنياتها .. بتلف تلف ومايضربكش في ضهرك غير اللي داق ذلك ..

هو وحظه بقي احمد
وبدل ما حاطط رجل علي رجل في البرنامج
ممكن يكون علي القهوه
وهو ونصيبه بقي
بشكرا أحمد علي مداخلتك الفعاله
تحياتي لك

[ساحر الأحزان]

اقتباس المشاركة الأصلية كتبت بواسطة واد حبيب هوه فعلا كابوس للناس اللي عوزه تكون في طب بنتي عمي بقالها اسبوع بتعيط علشان بنتها مش عارفه تدخل طب مجموعها 92 في الميه علي الرغم ان مجموع كويس الي حد ما لكن كليات القمه عمله هوس لبعض الناس

هي مجموعها كويس محمد
ولكن ما يدخلها معهد فني صحي
شفت التنسيق بقي وعمايله
لو حابه الطب ممكن تدخل خاص
وربنا معاها ويوفقها
شكرا لك محمد علي جميل مداخلتك الطيبه
تحياتي وتقديري

[ساحر الأحزان]

اقتباس المشاركة الأصلية كتبت بواسطة د/ عبد الله هيفضل نظام الثانوية فاشل وسبب في تأخرنا نظام يعتمد على الحفظ والمجموع والتنسيق والرغبة في كليات القمة دون مراعاة لسوق العمل ولا ميول الطالب ومؤهلاته ولا اختبارات قبول الكل عايز طب او هندسة. ما هو لو مش حابب الطب مش هتكون دكتور شاطر بعكس لو دخلت مجال بتحبه هتبدع فيه وتبقى احسن من الدكتور والمهندس

معك حق دكتور
لازم يكون حابب مجال دراسته
لانه مش معقول الكل حيخش طب وهندسه
أسعدني كثيرا تواجدك
تحياتي وتقديري لك

[ساحر الأحزان]

اقتباس المشاركة الأصلية كتبت بواسطة aya 7ekaya انا شايفه أنه السعى دلوقتى من الوزارة أن المجاميع ماتكونش عاليه اوى و مش اى حد هيقدر يدخل كليه اصلا وعند احساس أن السنة الجاية هتكون كارثه كبيرة جدا للطلبه اللى هتمتحن بالنظام الجديد محتاجين نتعامل مع الثانوية العامه زيها زى اى سنه اه ممكن تكون اهم من ناحية تحديد المصير لكن فى النهاية هى سنة دراسيه و بتعدى لكن الاهل ديما بيصوروا لأولادهم انه لو مادخلش طب أو هندسه أو صيدلة يبقى كده حياته وقفت فى حين أنه فى طلبه دى مش طموحاتهم اصلا الغريب أن بسبب الرعب ده كل سنه وقت النتيجه بتوتر جدا كأنها نتيجتى هتظهر و لحد قريب كنت بحلم بانى ف ثانوية عامه ومش عارفه حاجه و الامتحان قرب 😂 موضوع مهم ي امجد تسلم ايدك

للأسف إيه نظام الثانويه القادمه بيتعقد
بسبب التابلت من جهه ويسبب عدم ظهور الملامح
وبسبب أن الوزير حيرجع للثانويه
يخليها سنتين وده نظام قاس علي الطلبه بيضعهم تحت ضغط نفسي وعصبي ده طبعها غير ضغط أولياء الأمور إلى بتعدي سنه واحده للشهاده بالعافيه فما بالك بعوده السنتين
شكرا لك إيه
علي جميل مداخلتك المثمرة
تحياتي لك

[ساحر الأحزان]

اقتباس المشاركة الأصلية كتبت بواسطة شاعر الإحساس لكل مجتهد نصيب... نعم كليات القمه ارتفعت نسبتها عن سابق عهدها... لكن لنقل صدقا...سابق عهدها كان اصعب... وكان الامر متروك لكل مجتهد... وليس كما نرى الآن... في الاخير الثانويه العامه...نقطة تحول لكن من يفوته امرا ما...كلية ما فعليه الا ييأس... فالحياة لم تبدأ بعد... وهناك الكثير لفعله....... وتعددت المجالات...ولكن النجاح قائم على الشخص ذاته.. لا المجال... كعادتك يا ساحر ... مواضيع من ارض الواقع... تلامس الجميع... احسنت القول....والحرف دمت بكل خير وصحه وسعاده تحياااتي وتقديري واحترامي شاعر الإحساس

كلامك جميل ومحترم شاعر
ولكن النظام الجديد تبع الثانويه مع التابلت
حيدمر جيل ان لم يكن أجيال
وربنا يستر فيما هو قادم
شكرا لك شاعر الاحساس
أسعدني تواجدك العطر
صباحك سعيد