مالك يا جنيه اتجننت ولا ايه

[حازم34]

السلام عليكم َرحمه الله...... مالك مالك يا جنيه.... ايش جرالك كنت سايبك وعندك.... شلن وبريزه وربع ونصف جنيه..... بقيت معدن واتركنت على الرف يا خساره يا خساره يا جنيه.. كنت اركب بيك واشرب واكل بعشره زيك وعامل نفسي بيه
لاتلومني... وقول لمصر ايه يا مصر جري ايه...... ايه ال حصل وايه السبب دلوني عليه...... مش بيدي يا ولدي نفسي كل مصري.... يعيش عليا بيه..... طيب والدجاجه ال كنا ناكلها غصب ونقول لازم لحمه يا بيه... دلوقتي الدجاج نفش ريشه والكيلو عدي ٣٠ جنيه دا الأبيض... ال كنا ما نقرب عليه كان لازم الأحمر والديك بيدن الفجريه وبالليل ناكل ونسهر عليه.... يا بيه شوف البانيه ٥٠ و٦٠ جنيه ليه هو حصل ايه.... والفول اكله شعبيه حلوه وجميله والكل بيه يفطر ويمشي عليه .... السندوتش بسبعه جنيه هو ايه جري ايه... وخش على البطاطس تسد النفس بطاطس تلاجات يا بيه وال ايه الكيلو بخمسه جنيه.... حاجات كتير اتغيرت حتى النفوس يا بيه .... وسلم لي على الجنيه.... مش كدا ولا ايه

[.Lamar]

الجنيه معادش له قيمة فعلا
ناقشت الموضوع بكلمات بسيطة ومميزة
ربنا يرحمنا برحمته
دمت مميز استاذنا تعبيرا وفكرا
نورت مكانك من تانى

[حازم34]

اقتباس المشاركة الأصلية كتبت بواسطة .lamar الجنيه معادش له قيمة فعلا ناقشت الموضوع بكلمات بسيطة ومميزة ربنا يرحمنا برحمته دمت مميز استاذنا تعبيرا وفكرا نورت مكانك من تانى

اهلين اهلين اهلين هلا وغلا ومرحبا بالاخت الكريمه لمار..... كم اسعدني هذا المرور الجميل كما اعهده دايما يبعث على التشجيع وإنما يدل على فكرك الراقي الجميل الذي تعلمت منه الكثير ... اسعدني مرورك كتير والله دمتي بخير دائما

[واد حبيب]

والله ولا العشره جنيه ليها قيمه دلوقتي
الطفل دلوقتي مش بيقولك عوز جنيه بيقولك عوز 10 جنيه علشان يروح الحضانه منه لله اللي كان السبب في انهيار الجنيه كده
موضوع جميل ودمه خفيف
نورت المنتدي ياغالي

[شاعر الإحساس]

للأسف مفيش حاجه بتفضل عل حالها..
والجنيه بعد ماكان فين....
وصل فين..
وحتى الاسعار عامة بقى مبالغ فيها...
ونقول الله المستعان...


الجميل ...حازم
تناولت الموضوع باسلوب ساخر جميل
عاميه سلسله سهله ممتعه...
فيها سجع موسيقي رنان..
وانتقاء للمحتوى والتنقل بين اجزاءه
بصوره اتقنت صياغتها....

دام تواجدك الجميل...
ودمت بكل خير وسعاده
تحياااتي وتقديري واحترامي


شاعر الإحساس

[حازم34]

اقتباس المشاركة الأصلية كتبت بواسطة واد حبيب والله ولا العشره جنيه ليها قيمه دلوقتي الطفل دلوقتي مش بيقولك عوز جنيه بيقولك عوز 10 جنيه علشان يروح الحضانه منه لله اللي كان السبب في انهيار الجنيه كده موضوع جميل ودمه خفيف نورت المنتدي ياغالي

اهلين اهلين اخي نورت وانرت والله والله يا اخي شي محزن جدا حقا والواحد بيقول والناس الفقراء الغلابه دول عايشين ازاي فعلا حتى العشره جنيه أصبحت بلا قيمه الله المستعان اسعدني مرورك والمنتدي منور بكم عقد جميل طيب اسعد بتواجدي معه تحياتي اخي

[حازم34]

اقتباس المشاركة الأصلية كتبت بواسطة شاعر الإحساس للأسف مفيش حاجه بتفضل عل حالها.. والجنيه بعد ماكان فين.... وصل فين.. وحتى الاسعار عامة بقى مبالغ فيها... ونقول الله المستعان... الجميل ...حازم تناولت الموضوع باسلوب ساخر جميل عاميه سلسله سهله ممتعه... فيها سجع موسيقي رنان.. وانتقاء للمحتوى والتنقل بين اجزاءه بصوره اتقنت صياغتها.... دام تواجدك الجميل... ودمت بكل خير وسعاده تحياااتي وتقديري واحترامي شاعر الإحساس

اهلين اهلين اخي نورت وانرت والله وشهاده جميله اعتز بها من قلم جميل راقي يحبه الجميع وهي وسام اخي والله فعلا كل شي مبالغ فيه وحقا الله المستعان تحياتي اخي ويسعدني المرور الراقي الجميل لك خالص تحياتي وتقديري اخي

[دمعه حائره]

الجنيه خلاص راحت عليه من يوم ماعوموه وغرق
الدنيا باظت والناس مش عارفه تعيش ولا تعمل ايه
موضوع جاي في وقته وباسلوب جميل
تسلم ونورت المنتدي اخي

[حازم34]

اقتباس المشاركة الأصلية كتبت بواسطة دمعه حائره الجنيه خلاص راحت عليه من يوم ماعوموه وغرق الدنيا باظت والناس مش عارفه تعيش ولا تعمل ايه موضوع جاي في وقته وباسلوب جميل تسلم ونورت المنتدي اخي

.....

اهلين اهلين اهلين اختي الكريمه منه تحياتي الك واسأل الله ان تكوني بخير دائما مرور جميل ورد وافي حقا الناس مش عارفه تعيش ولا تعمل ايه.... يارب هئ لمصر أمرا رشدا يارب.... اسعدك الله وكم انا سعيد بمرورك الراقي الجميل لكي خالص تحياتي وتقديري دمعه حائره

[big bốss]

انتم نور عنينا يا دوك

الجنيه 💷 خلاص راحت عليه