لما الثقة تموت

[شاعر الحب الحزين]

لما الثقة جواك تموت
رح تتهدم مشاعر وبيوت
ح تعيش حزين يائس مكبوت
هتبقى حياتك زي حياة
النبي يونس في بطن الحوت
هيبقى جواك كلام كتير
وهتبقى لغتك الوحيدة السكوت
هتقفل قلبك غصب عنك
وتدوس عليه لو سمعتله صوت
هيعدي قطر الحب قدامك
وبكل برود هتسيبه يعدي ويفوت
هتعيش تساير في أيامك
أحلامك الحلوة هي كمان هتموت
هتخاف تقرب هتخاف تجرب
هتحب وحدتك هتمثل إنك مبسوط
هتداري حزنك وهيبقى متسرب
لما تبان هش أرق من بيت العنكبوت
لما تموت ثقتك هتبقى قوي
هتواجه كل الصدمات بقوة وجبروت
بس قلبك هيبقى مجروح قوي
وبيتقطع خيط خيط لحد ما تتقطع كل الخيوط


ش . ح

[بحر القمر]

وصف صادق لما الانسان يوصل لحالات كده
احسنت الوصف والمضون اخي الغالي
الله يكرمك وينعم عليك بكل السعاده

[حـيـــــآة ❤]

ربنا يسعد قلبك
أجدت التعبير والله
تسلم ايدك

[إيلاانا]

فعلاً شعور صعب وله تأثير كبير على الشخص
وتصير اخاف من كل الي حوليك .. وممكن تنعدم الثقة
من الي حوليك كمان وتحس كل الي فيك ما عنده رغبة لأي شيء
وصفت ووفيت بأسلوب جميل كجمال روحك
ابدعت أسلوب متناغم وجميل
راقت لي كثيرًا
لك خالص تحياتي وتقديري واحترامي
أسعدك الله وحفظك
إيلانا

[khL ouD]

عندك حق فعلا ...كلام جميل ومعبر وكلمات دقيقه معبره جدا للاحساس دا
تسلم ايدك

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي وصف صادق لما الانسان يوصل لحالات كده احسنت الوصف والمضون اخي الغالي الله يكرمك وينعم عليك بكل السعاده

ولك بالمثل أخي الحبيب ياسر
سلمت والنبض أبو اليسر الغالي
أسعدتني بحضورك ودعواتك الطيبة
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة حـيـــــآة ❤ ربنا يسعد قلبك أجدت التعبير والله تسلم ايدك

ويسعد قلبك يارب يا طيبة
يسلم نبض قلبك الطيب هاجر
أسعدتيني بحضورك الرقيق ودعواتك الغالية
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة إيلاانا فعلاً شعور صعب وله تأثير كبير على الشخص وتصير اخاف من كل الي حوليك .. وممكن تنعدم الثقة من الي حوليك كمان وتحس كل الي فيك ما عنده رغبة لأي شيء وصفت ووفيت بأسلوب جميل كجمال روحك ابدعت أسلوب متناغم وجميل راقت لي كثيرًا لك خالص تحياتي وتقديري واحترامي أسعدك الله وحفظك إيلانا

فقدان الثقة بيكون التعامل صعب من بعده
هو فقدان لكل الأمور الجميلة وشعور
قاسي جدا جدا على صاحبه

صدقتي وأحسنتي بإضافتك الكبيرة يا إيلانا
سلمتي والنبض الطيب إيلانا
أسعدتيني بحضورك وصدق تفاعلك وجمال ردك وكلامك
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة khl oud عندك حق فعلا ...كلام جميل ومعبر وكلمات دقيقه معبره جدا للاحساس دا تسلم ايدك

الله يسلم نبض قلبك يارب
حضورك أجمل يا خلود
أسعدتيني حضوراً وقولا
وربي يديم هالطلة يارب
شكري وتقديري وامتناني 🌺

[العاشق الذى لم يتب]

والثقة تموت ليه
دعك واثق من صفاء قلبك
وماعليك من جهل المنفكين الضائعين المنهزمين
جمل انت
وجميل السطر والمعنى
لك السلام