مع الوقت

[شاعر الحب الحزين]

بيملانا الصمت

في عز ما احنا نفسنا نتكلم

وبيعدي الوقت

ف الوقت اللي عايزين فيه نتعلم

اضحكلي ي بخت

احبش كشرتك اضحك كده واتبسم



مع الوقت يا قلبي

انا وانتا هنلاقي السلام

انتا بس خليك جنبي

متجيش عليا مع الأيام

متبقاش زي حبايبي

شاطرين ف هجر وخصام



مفيش حاجة بتفضل على حالها

مع الوقت كل حاجة بتتغير

حلوة وحشة لا بد تتبدل أحوالها

اديك كبرت تقدر ترجع صغير

ملامحك حتة من روحك ف جمالها

بتفضل حلوة مهما الشكل يتغير

خليك غني بقلبك لو جيوبك قل مالها

واختار اللي عايزه لو كنت مخير



تعبك هيبقى مجرد وقت

لو بطلت تفكر فيه

عمرك بيعدي ويا الوقت

وهو العمر إيه بعديه



ش . ح

[ساحر الأحزان]

وما اجمل من روح الود

مع الحب

بين المحبين

احسنت شاعرنا الجميل

تحياتي وتقديري لك

[شاعر الحب الحزين]

اقتباس المشاركة الأصلية كتبت بواسطة ساحر الأحزان وما اجمل من روح الود مع الحب بين المحبين احسنت شاعرنا الجميل تحياتي وتقديري لك

أنت أجمل أخي الغالي أمجد
سلمت والنبض الطيب يا طيب القلب
أحسن الله إليك أبو المجد الغالي
أسعدتني حضوراً وقولا
شكري وتقديري وامتناني ❤️

[نجاة حسام]

الحياه كلها على بعضها مجرد وقت
تحياتى شاعر

[شاعر الحب الحزين]

اقتباس المشاركة الأصلية كتبت بواسطة دموع الصمت الحياه كلها على بعضها مجرد وقت تحياتى شاعر

أكيد عمرنا كله مجرد وقت
تسلمي ويسلم نبض قلبك
أسعدتيني حضوراً وقولا يا طيبة
شكري وتقديري وامتناني 🌺

[ويبقى الأثر]

مفيش حال بيدوم وتلك الايام نداولها بين الناس
مع الوقت بنتناسى ونشفى
احسنت البوح خالد ربى يسعدك دنيا واخره

[شاعر الحب الحزين]

اقتباس المشاركة الأصلية كتبت بواسطة ☆قيثارة الصمت☆ مفيش حال بيدوم وتلك الايام نداولها بين الناس مع الوقت بنتناسى ونشفى احسنت البوح خالد ربى يسعدك دنيا واخره

صدقتي وأحسنتي منة الله
مع الوقت كل حاجة بتعدي

أحسن الله إليكي يا نقية النبض
سلمتي وسلم نبض قلبك الرقيق
أسعدتيني حضوراً وقولا منة الله
شكري وتقديري وامتناني 🌺