الحلقه الثامنه من برنامج الحكايه ومعانا الرائعه ( Aya 7ekaya )

[واد حبيب]

السلام عليكم ورحمه الله وبركاته
اعضاء منتدي بنات مصر المبدعين
اهلا ومرحبا بيكم في حلقه جديده من برنامج الحكايه ومعانا مبدعه بجد مش كلام وخلاص
مبدعه في كلامها ومبدعه في اسلوبها واحترامها مبدعه في ثقتها في نفسها
معانا ومعاكم المبدعه المتالقه

Aya 7ekaya

هلا بيكي في البرنامج

قبل أي شي بكون سعيد جدااا وانا بعمل معاكي أي استضافك
ميرسي لذوقك انا مبسوطه اكتر اكيد
عوزين نتعرف علي ايه حكايه في سطور قليله
اسمى آية زى ما كله عارف
من محافظة البحيرة وحالياً مقيمة فى الاسكندرية
بحب الرسم و التصوير و اى حاجة ليها علاقة بالفن عموماً
شخصية هادية بميل للبساطة ويس كده

مين اقرب حد ليكي من اخواتك
اختى الصغيرة

اسرارك ممكن تكون مع حد ولا بتخليها في قلبك
فى قلبى غالباً

مين أقرب الناس لقلب ايه حكايه
امى

اي الحلم اللي حلمتي بيه وعوزاه يتحقق
انى اطلع عمره أو حج

هل تفضلين العمل ولا تكوني ست بيت
الاهتمامات بتتغير الاول كنت بفضل العمل حاليا هفضل الاهتمام بالبيت اكتر


أي المنصب اللي تتمني تكوني فيه
امممم لا مابحبش المناصب انا

ما هى الصفه التى لا تستطيعى تغيرها فى نفسك
التفكير الزائد

ماذا تفتقدين فى حياتك
النووووم

اي علاقتك بمطبخ سطحيه ولا عميقه
نص نص كده

اي أفضل الأكلات اللي مفضله ليكي
البيتزاا

أي الفرق أيام الكليه ودلوقتي
ايام الكليه فى أصحاب وخروجات و كان أقصى همومى عندى مشروع لسه ماسلمتهوش دلوقتى اكيد المسؤوليات زادت و مفيش لمة أصحاب و لا خروج

أي اكتر حاجه بتحبيها في شخصيتك
التغافل

اجمل سنه بنسبالك سنه كام؟
2019
كم مره غيرتي من بنت
مفيش واحدة واثقه من نفسها هتغير من واحدة غيرها

اتعرفتي على زوجك ازاي ؟
كنت بشتري حاجه من مكتبة جمب البيت و هو كان موجود شافنى و سأل صاحب المكتبه و فعلا كان يعرف والدى لانه جارنا و اتقدملى بعدها

وايه اللي جذبك ليه ؟
انه شخص حنون وكريم

ويا ترى اتجوزتوا عن حب ولا جواز تقليدي ؟
الاول كان تقليدى لكن مع الوقت الحب بيكون موجود

أي الفرق بين الخطوبه والزواج وبعد ما بقيتي ام
الخطوبة لهفة البدايات وكل حاجه حلوة وكل شخص بيحاول يبهر التانى و يبين افضل ماعنده لكن هى فرصه إننا نعرف الشخص ده الصح اللى نقدر نكمل معاه ولا لا
الزواج مسؤولية كبيرة و حياة وبيت بيجمعنا بشخص عنده شخصية مختلفه وافكار مختلفه و ممكن كمان عادات مختلفه وتحدى هل هنقدر بكل ده نكون بيت جديد وأسرة جديدة ولا لا
الأمومة بقا دى شعور تانى خالص صعب يتوصف بصراحة هى فطرة وعاطفة ربنا زرعها فينا و اعتقد لو دى مش حاجه فطرية فى اى ام مكنتش هتقدر تتحمل الجهد المبذول فى الأمومة الا لو بتبذله بحب

أي المشكله اللي وجتيها بعد الزواج
اكيد اى اتنين بيكون بينهم اختلافات و بيحاولو يتأقلموا على طباع بعض ف بيحصل خلافات بسيطه

كم مره ندمتي انك اجوزتي ههههه
كل مرة مابنامش فيها من الزن و العياط ههههههه

احكي لينا موقف حصل معاكي أثناء الخطوبه ومش قادره تنسيه
فى حد كلم خطيبى اللى هو زوجى حالياً وحاول يوقع بينى وبينه لكن الحمد لله ماوقعش فى الفخ و مراعاة لمشاعرى ماقالش ليا الموضوع ده وعرفته بالصدفه بعد الزواج

كيف تتعاملين مع المشاكل الزوجيه
بعيط ههههههه

وسبتي البيت كام مره
ولا مرة

امته دخلت منتدي بنات مصر
من زمااان من 12 سنة تقريبا

ليه اخترتي الاسم ده علشان تسجلي بيه
كنت مسجلة الاول باسم وردة خجولة و بعدين غيرته لأية حكاية لان جدتى الله يرحمها ديما كانت بتقولى كده

عرفتي المنتدي ازاي واي اللي شدك تسجل فيه
وقتها كانت المنتديات منتشرة جدا و عرفته صدفة ولقيت تفاعل و أعضاء كتير ف سجلت فيه

اي اكتر الاقسام المحببه لقلبك في المنتدي
الهوايات

اصعب المواقب اللي مريتي بيها هنا؟
مواقف كتير هحتفظ بيها لنفسى افضل

هل بكيتي مره بسبب المنتدي
حصل

اكتر تكريم فرحك من قلبك كان اي
أول مسابقة شاركت فيها كانت فى الخواطر انت كنت عاملها و كنت لسه عضوة جديدة مش ف دماغى انى ممكن اكسب اصلا و فزت بالمركز الأول رغم إن وقتها كان فى اقلام كبيرة جدا ومميزة ف المنتدى ف فرحت جدا ومكنتش مصدقة ولاقيت الكل بيدخل فى رسائل الزوار يهنينى

مين العضو اللي بتشوفي فيه نفسك في موضيعه
انا

مين اكتر الاعضاء بتشوفي موضعهم دايما في المنتدي
واد حبيب و شاعر الحب الحزين وساحر الأحزان

أي سبب غياب المستمر عن المنتدي
المسؤوليات اكيد

أي المشكله اللي حصلت معاكي اثناء الاداره وزعلتك
مفيش مشاكل ولا حاجه
^^
شايفه ان في حد زعل علشان مسكتي الاداره
كتييير هههههه

هل اعتذارك عن الاستمرار في الاداره كان لسبب معين
اكيد

لو قولتلك المنتدي محتاجلك ترجعي الاداره هتوفقي
امجد الخير والبركة ماشاء الله عليه

مين اقرب الاعضاء لقلبك هنا اختاري باسماء
دمعة حائرة

مين اللي نفسك يرجع المنتدي تاني ويفضل علطول
هبة ستوب انا التوب

قولي لينا المنتدي ناقص أي علشان يرجع زي الأول
ناقص أعضاء زمان يرجعوا

عوزين منك نصيحه لاعضاء المنتدي
بلاش ننسى إن هنا مكان للترفيه مش للخناق و المشاكل والكره

كلمه لواد حبيب
بصراحه من اكتر الناس اللى بتتعب فى المنتدى و مهما كله يغيب عمره مابيغيب تستاهل كل خير

سعيد بتوجدك هنا يا ايه انتي من الاعضاء التميزين وصاحبه قلم راقي وجميل
تقبلي مني كل احترام وتقدير

[أمير عسكر]

استضافة جدا راقية لشخصية خلوقة ما شاء الله
فنانة رسم وهوايات وشعر ، عرفتنا أكتر من أ / آية
ارجو لها كل خير ربنا يسعدها في كل حال
لكِ التحية اية وخالص الود والتقدير

والشكر لك أخي الطيب واد حبيب

[ساحر الأحزان]

ومرت الايام ايه وكبرتي

وتزوجتي

تلك هي الايام

استرجع سنوات حكايه وهي في الجامعه وحكايتها مع الرسم والهوايات

ايه من الاعضاء اصحاب جميل النشاط والعطاء داخل المنتدي

بتمني لها التوفيق بحياتها مع اسرتها

وان نراها معنا بجميل تواجدها

احسنت حبيب الاستضافه مع ايه

بحلقه جميله ومميزه

تحياتي وتقديري لكم

[يحيى الفضلي السودان]

ناطق حرفك وردت كلمة
كان اسلوبها هو المتميز
كلما تسال تجد الحالة
دون إغفال او متحيز
جمال الكلمة منها تطلع
صوت عصفور بها متميز
ربي يكرم يزيد تعليمها
احلي نقاش مكانه حيز

[Fatma eissa]

لقاء مبدع
مع المبدعه المتالقه
ايه
ماشاء الله حوار جميل
تسلم ايدك يامحمد
يدوم المجهود

[طبيب الهوى]

أخي الحبيب محمد
فكرة برنامجك قيمة جدا تقرب بين الأعضاء كثيرا
أحييك وأشكرك عليها
أما ابنتي الحبيبة آية
أولا اباركلها على الزواج والانجاب مع الاعتذار عن التأخير
ايه البنات اللي بيكبروا بسرعة وينزوجوا وينجبو ويعجزوني
بدري بدري
١٠٠٠ مبروووك ابنتي الله يسعدكم ويستركم ويحفظكم من كل سوء وشر آمين
ابنتي آية
شخصية قوية حازمة ومحترمة جدا
تعاملت معها كثيرا وحدث خلاف بيني وبينها
وهي كانت على صواب وأنا كنت المخطيء
واعتذرت لها بعد ذلك لكني أحببت أن أعتذر لها مجددا
هنا أمام جميع الأعضاء
أنا آسف ابنتي لما حدث مني في لحظة غضب
تحياتي وودي وورودي
أبو عصام

[دمعه حائره]

حبيبتي ايوش بنت المنتدي انا فاكره زمان لما سجلتي
كان اسمك ورده خجوله وكنتي صغنونه وبحبك من يومها
وانتي اختي فعلا والله
طول السنين اللي فاتت الكل يشهد باخلاقك
وانك نعم الاخت الطيبه المحترمه
اكيد سايبه اثر جميل ومميز في كل قسم هنا
واتمني تفضلي مكمله بكل موهبه عندك
ربنا يسعدك ويخليلك بنوتك العسوله ونسمع عنك كل خير يارب
شكرا محمد

[فــــــــــرح]

استضافه هادئه ناعمة لطيفة وصادقه جدا
بعيده عن الدبلوماسية ..
استمتعت جدا باستضافتك وبمعرفتك
وكل التوفيق اتمناه لشخصك ولتواجدك


شخصيتك الظاهرة لي رائعه ….
حبيت ^^

[الملكة كيلوباترا]

آيه شخصية محبوبة وطيبة واجابات روعة جدا وتسلم على الحلقة ياواد حبيب

[Aya 7ekaya]

اقتباس المشاركة الأصلية كتبت بواسطة واد حبيب السلام عليكم ورحمه الله وبركاته اعضاء منتدي بنات مصر المبدعين اهلا ومرحبا بيكم في حلقه جديده من برنامج الحكايه ومعانا مبدعه بجد مش كلام وخلاص مبدعه في كلامها ومبدعه في اسلوبها واحترامها مبدعه في ثقتها في نفسها معانا ومعاكم المبدعه المتالقه aya 7ekaya هلا بيكي في البرنامج قبل أي شي بكون سعيد جدااا وانا بعمل معاكي أي استضافك ميرسي لذوقك انا مبسوطه اكتر اكيد عوزين نتعرف علي ايه حكايه في سطور قليله اسمى آية زى ما كله عارف من محافظة البحيرة وحالياً مقيمة فى الاسكندرية بحب الرسم و التصوير و اى حاجة ليها علاقة بالفن عموماً شخصية هادية بميل للبساطة ويس كده مين اقرب حد ليكي من اخواتك اختى الصغيرة اسرارك ممكن تكون مع حد ولا بتخليها في قلبك فى قلبى غالباً مين أقرب الناس لقلب ايه حكايه امى اي الحلم اللي حلمتي بيه وعوزاه يتحقق انى اطلع عمره أو حج هل تفضلين العمل ولا تكوني ست بيت الاهتمامات بتتغير الاول كنت بفضل العمل حاليا هفضل الاهتمام بالبيت اكتر أي المنصب اللي تتمني تكوني فيه امممم لا مابحبش المناصب انا ما هى الصفه التى لا تستطيعى تغيرها فى نفسك التفكير الزائد ماذا تفتقدين فى حياتك النووووم اي علاقتك بمطبخ سطحيه ولا عميقه نص نص كده اي أفضل الأكلات اللي مفضله ليكي البيتزاا أي الفرق أيام الكليه ودلوقتي ايام الكليه فى أصحاب وخروجات و كان أقصى همومى عندى مشروع لسه ماسلمتهوش دلوقتى اكيد المسؤوليات زادت و مفيش لمة أصحاب و لا خروج أي اكتر حاجه بتحبيها في شخصيتك التغافل اجمل سنه بنسبالك سنه كام؟ 2019 كم مره غيرتي من بنت مفيش واحدة واثقه من نفسها هتغير من واحدة غيرها اتعرفتي على زوجك ازاي ؟ كنت بشتري حاجه من مكتبة جمب البيت و هو كان موجود شافنى و سأل صاحب المكتبه و فعلا كان يعرف والدى لانه جارنا و اتقدملى بعدها وايه اللي جذبك ليه ؟ انه شخص حنون وكريم ويا ترى اتجوزتوا عن حب ولا جواز تقليدي ؟ الاول كان تقليدى لكن مع الوقت الحب بيكون موجود أي الفرق بين الخطوبه والزواج وبعد ما بقيتي ام الخطوبة لهفة البدايات وكل حاجه حلوة وكل شخص بيحاول يبهر التانى و يبين افضل ماعنده لكن هى فرصه إننا نعرف الشخص ده الصح اللى نقدر نكمل معاه ولا لا الزواج مسؤولية كبيرة و حياة وبيت بيجمعنا بشخص عنده شخصية مختلفه وافكار مختلفه و ممكن كمان عادات مختلفه وتحدى هل هنقدر بكل ده نكون بيت جديد وأسرة جديدة ولا لا الأمومة بقا دى شعور تانى خالص صعب يتوصف بصراحة هى فطرة وعاطفة ربنا زرعها فينا و اعتقد لو دى مش حاجه فطرية فى اى ام مكنتش هتقدر تتحمل الجهد المبذول فى الأمومة الا لو بتبذله بحب أي المشكله اللي وجتيها بعد الزواج اكيد اى اتنين بيكون بينهم اختلافات و بيحاولو يتأقلموا على طباع بعض ف بيحصل خلافات بسيطه كم مره ندمتي انك اجوزتي ههههه كل مرة مابنامش فيها من الزن و العياط ههههههه احكي لينا موقف حصل معاكي أثناء الخطوبه ومش قادره تنسيه فى حد كلم خطيبى اللى هو زوجى حالياً وحاول يوقع بينى وبينه لكن الحمد لله ماوقعش فى الفخ و مراعاة لمشاعرى ماقالش ليا الموضوع ده وعرفته بالصدفه بعد الزواج كيف تتعاملين مع المشاكل الزوجيه بعيط ههههههه وسبتي البيت كام مره ولا مرة امته دخلت منتدي بنات مصر من زمااان من 12 سنة تقريبا ليه اخترتي الاسم ده علشان تسجلي بيه كنت مسجلة الاول باسم وردة خجولة و بعدين غيرته لأية حكاية لان جدتى الله يرحمها ديما كانت بتقولى كده عرفتي المنتدي ازاي واي اللي شدك تسجل فيه وقتها كانت المنتديات منتشرة جدا و عرفته صدفة ولقيت تفاعل و أعضاء كتير ف سجلت فيه اي اكتر الاقسام المحببه لقلبك في المنتدي الهوايات اصعب المواقب اللي مريتي بيها هنا؟ مواقف كتير هحتفظ بيها لنفسى افضل هل بكيتي مره بسبب المنتدي حصل اكتر تكريم فرحك من قلبك كان اي أول مسابقة شاركت فيها كانت فى الخواطر انت كنت عاملها و كنت لسه عضوة جديدة مش ف دماغى انى ممكن اكسب اصلا و فزت بالمركز الأول رغم إن وقتها كان فى اقلام كبيرة جدا ومميزة ف المنتدى ف فرحت جدا ومكنتش مصدقة ولاقيت الكل بيدخل فى رسائل الزوار يهنينى مين العضو اللي بتشوفي فيه نفسك في موضيعه انا مين اكتر الاعضاء بتشوفي موضعهم دايما في المنتدي واد حبيب و شاعر الحب الحزين وساحر الأحزان أي سبب غياب المستمر عن المنتدي المسؤوليات اكيد أي المشكله اللي حصلت معاكي اثناء الاداره وزعلتك مفيش مشاكل ولا حاجه ^^ شايفه ان في حد زعل علشان مسكتي الاداره كتييير هههههه هل اعتذارك عن الاستمرار في الاداره كان لسبب معين اكيد لو قولتلك المنتدي محتاجلك ترجعي الاداره هتوفقي امجد الخير والبركة ماشاء الله عليه مين اقرب الاعضاء لقلبك هنا اختاري باسماء دمعة حائرة مين اللي نفسك يرجع المنتدي تاني ويفضل علطول هبة ستوب انا التوب قولي لينا المنتدي ناقص أي علشان يرجع زي الأول ناقص أعضاء زمان يرجعوا عوزين منك نصيحه لاعضاء المنتدي بلاش ننسى إن هنا مكان للترفيه مش للخناق و المشاكل والكره كلمه لواد حبيب بصراحه من اكتر الناس اللى بتتعب فى المنتدى و مهما كله يغيب عمره مابيغيب تستاهل كل خير سعيد بتوجدك هنا يا ايه انتي من الاعضاء التميزين وصاحبه قلم راقي وجميل تقبلي مني كل احترام وتقدير

شكرا ي محمد على الاستضافة اللطيفة دى
سعدت انى كنت من ضمن ضيوفك