حاكم مصر الثالث عباس حلمى الاول

[الملكة كيلوباترا]

السلام عليكم ورحمة الله وبركاته
اليكم موضوع لحاكم مصر الثالث عباس حلمى الاول


تالت حكام مصر من اسرة محمد على ، والى مصر من 10 نوفمبر 1848 لغاية وفاته سنة 1854. ابن احمد طوسون باشا ابن محمد على باشا. اتولد فى جدة ونشأ فى مصر ، اهتم بيه جده محمد على باشا عشان ياهله لحكم مصر اكمنه كان اكبر افراد اسرة محمد على فى السن واحقهم بولاية الحكم بعد عمه ابراهيم باشا فاداله مناصب ادارية وحربية وعينه فى منصب مدير الغربية لكن عباس الاول ماكانش ادارى كويس واتميز بالقسوة فى تصرفاته فكان محمد على باشا بيحذره من مغبة تصرفاته ، شارك مع عمه ابراهيم باشا فى الحرب فى الشام لكن ما اظهرش كفاءه و عمه ابراهيم باشا كان هو كمان مش عاجباه ميله للقسوة و معاملته الوحشه للاهالى فاجبره على الهجره للحجاز فعاش هناك لغاية مااتوفى ابراهيم باشا فاستدعى على مصر وخلفه فى الحكم فى 24 نوفمبر 1848 ، احسن عباس حلمى فى الحكم لمدة خمس سنين ونص وفى الفترة دى اتصرف تصرفات وحشة مع افراد اسرته ورجالة جده وكان موسوس منهم وبيشك فى انهم بيتأمرو عليه فبقى بيعاملهم وحش فخافوا منه وفيهم هاجرو على استنبول واوروبا ، شخصية عباس حلمى الاول كانت غريبه وكان شكاك فى الناس وعشان كده كان ميال للعزلة و مابيخرجش الا نادر من سراياته اللى كان بيبنيها فى اماكن بعيده عن العمران ، باستثناء سراية الخرنفش وسراية الحلمية فى القاهره بنى قصر فى صحراء الريدانية اللى اتحولت لمنطقة العباسية على اسمه "عباس" وبنى قصر على طريق السويس وقصر فى بنها على ضفة النيل وهو القصر اللى اتقتل فيه ، رجع ادارة موانى سواكن و مصوع للدولة العثمانية ، قفل مدارس ومعاهد كثيرة وعاش عيشة فيها بذخ وترف و مااهتمش بشئون الدوله ، فضعف الجيش المصرى والبحريه المصريه فى عهده ، اتفتح فى عهده اول خط سكه حديد فى مصر ، اتوفى فجاءه وكانت وفاته بالاغتيال فى قصره فى بنها فى 13 يوليه سنة 1854 وخلفه عمه محمد سعيد.

التعليم فى عصره:
التعليم فى عصر عباس الاول 1849-1854.

اتسمى عصره بعصر الالغاء فى التعليم لانه قفل المدارس اللى فتحها جده كلها.

وكان من الاوائل اصحاب نظرية (من الاسهل ان تسوس شعبا جاهلا).

كان عباس راجل متزمت وكان بيكره الاجانب عشان كده اتخلص منهم وكمان بدأ يتخلص من المربيين ومنهم رفاعة رافع الطهطاوى اللى نفاه للخرطوم وهو بدوره انشأ مدرسة هناك.

عباس بقى كان محتاج اطباء لعلاجه هو واسرته فساب مدرسة الطب وكمان كان عاوز مهندسين عشان يبنوا له القصور عشان كده برضه ساب المهندسخانة.

عباس كمان الغى المدارس العسكرية كلها وضمها كلها فى مدرسة واحدة سماها المغروزة واتبع عمه سعيد نفس السياسة من بعده.

[ساحر الأحزان]

ومن اجل ذلك لم يعمر كثيرا

ونسي ان التاريخ يكتب

ويظل

انما نحن البشر نرحل

ولا نبقي


تقرير قيم كيلوباترا

دمتي بخير

[نبيله]

طرح قيم مع طريقة سرد مختلفه
مشكورره

والله يعطيك الف عافيه على هذه المعلومات

[الملكة كيلوباترا]

اقتباس المشاركة الأصلية كتبت بواسطة ساحر الأحزان ومن اجل ذلك لم يعمر كثيرا ونسي ان التاريخ يكتب ويظل انما نحن البشر نرحل ولا نبقي تقرير قيم كيلوباترا دمتي بخير

نعم هذا الكلام حقيقى واشكرك يااستاذ امجد

[الملكة كيلوباترا]

اقتباس المشاركة الأصلية كتبت بواسطة نبيله طرح قيم مع طريقة سرد مختلفه مشكورره والله يعطيك الف عافيه على هذه المعلومات

اشكـــــــرك جـــدا