سماء ثامنه

[الحان الورد]

،


إياك تلوم حد على حاجة هو مالوش ذنب فيها

[الحان الورد]

،


قبل كدا كنت بقرأ نقاشات كتير عن موضوع الحسد
وكانت بيبقى في منها في المنتدى كمان
مش عارفة ايه اللي جاب الموضوع ف بالي النهاردة
بس افتكرت سؤال كان دايماً بيتسأل
ليه الحسد منتشر عند العرب اكتر ؟
ليه مابنلاقيش عند الغرب دجل وشعوذة والكلام المنتشر هنا دا ؟

التفسير اللي جه ف بالي النهاردة
ان الناس في الغرب مفيش اسباب تخليهم يحسدوا بعض اصلاً ! ^^
هناك الكل - غالباً - عايش ك إنسان ، مهما كانت مهتنه
لو كان حد فيكو شاف خواطر الموسم دا والموسم بتاع اليابان كان عرف إن - سائق التاكسي - في لندن
والمهندس المسؤول عن الزبالة - أيوا اسمه مهندس على فكرة ^^ - في اليابان
عايشين زي أجدع دكتور أو مهندس عندنا هنا ف بلادنا !
ف لما راجل شغلته بسيطة ف نظرنا يعيش هناك زيه زي المهندس او الدكتور ويمكن احسن
مش هتلاقيه فاضي يحسدهم ، أصلاً هو عايش زيه زيهم .. هيحسدهم على ايه ..
في خواطر الموسم دا ، عرفنا ان السباكين في بريطانيا متوسط دخلهم ف السنة لما نحوله للريال السعودي مثلاً
هتلاقيه بيقترب من مليون .. مليون
السباك ، اللي للأسف ف مجتمعاتنا بيعاني من مهانة ونظرة مش كويسة من باقي المجتمع ..
اصلاً الشركة بتاعت السباكة اللي كانت ف بريطانيا ، انا كنت فاكراها شركة من اكبر الشركات من نظافتها والتنظيم فيها ^^
ف لما تبقى عمارة هناك مثلاً
ساكن فيها سباك ودكتور
الاتنين عايشين في مستوى قريب من بعض ، هتلاقيهم بيحترموا بعض ومفيش مجال لحقد أو حسد بينهم
تعال شوف عندنا بقى
كفاية اصلاً انهم بيبقوا محسسينك ان الدكتور دا ايه بقى
اوعى وشك :d
الدكتور راح والدكتور جه
الطب مهنة عظيمة وليها احترامها طبعاً ، بس إحنا محتاجين نبص لكل المهن التانية بنفس الاحترام دا
لان احنا محتاجين ناس اصحاب مهن مختلفة عشان المجتمع يقوم ..
المجتمع مش هيقوم على دكتور ومهندس بس ..
بس احنا عشان دول هم اللي بيعرفوا يشتغلوا ويجيبوا فلوس بعد كدا ، مكانتهم بتترفع ف المجتمع
النقطة دي دخلتني ف حاجة تانية
احنا ليه عندنا كليات قمة ؟ وليه بنتصنف على حسب كلياتنا ومجموعنا
في حين ان المفروض - من نظري - ان كل كلية مفروض يبقى ليها شروط خاصة تضمن لك انها تكون فعلاً مناسبة ليك
وانك مفروض من الاول تكون عارف انت عايز تمشي ف انهي طريق ..
بس المشكلة هنا ف تعليمنا وهنا يطول الحديث والدنيا تتلعبك خالص بقى :d
المهم يعني واختصاراً ان العدالة الاجتماعية دي حاجة مهمة جداً
هي اللي بتشيل اي حقد وحسد وغل من نفوس الناس ..
لان ببساطة انت مهما كانت مهنتك زيك زي اي حد تاني ف المجتمع وليك احترامك ..
ومابيتفرقش بينك وبين شخص تاني على حاجة من الممكن انها كانت قدر وانك مالكش ايد فيها اصلاً ..

مممم
واضح ان قدامنا كتير لسه
:d

[الحان الورد]

،


ويمكن حاجات معينة بتفضل معانا ، بس مع الوقت بتعدي
وبتتنسي ..
هو الوقت فعلاً ممكن يخلينا ننسى ؟
او نتعود ؟
حالياً ، بقيت بؤمن ب دا بنسبة كبيرة ..


وبالنسبة للآنسة زينب ^^
شاكرة ليكِ حسن تقييماتك ورفعك من روحي المعدنية دائماً
وع المشاركة دي
منتديات بنات مصر - عرض مشاركة واحدة - سماء ثامنه
بعتت تقييم بتقول فيه حاضر
أحب أقولك حضرلك الخير يا حبيبتي

[الحان الورد]

اقتباس اللآشيء ! أنا حزين ؟ لا مكتئب ؟ لا سعيد ؟ لا محبط قليلاً ؟ لا حائر ؟ لا مُتعب ؟ لا تحتاج للراحة ؟ لا للنوم ؟ أيضاً لا إذاً .. ! لا شيء , فقط هو اللآشيء !!

# فترة سابقة ..
# كلاكيت تاني مرة ..

[الحان الورد]

،





وتطيبُ الحياة لمن لا يُبالي ..
+
ربنا يغفر لينا أيامنا اللي بتضيع مننا ، من غير مانعمل فيها حاجة تُذكر ..

[الحان الورد]

،







جيت على بالي كدا من كام يوم
قلت اما اسأل فينك ..
وكلام بيني وبينك
مقدرش انسى أيامي معاك ..
وبتوحشني عينيك
سلملي على عينيك الاتنين
دا لحد مانتقابل
مهما الواحد قابل ..
عمره ماينسى أعز الناس
لا ماتقولش ناسيك ..

أنا دايماً أقول ياريتني معاك
وأنا لو مشغول مقدرش ف يوم أنساك
بس الأيام وخداني زي ماوخداك ..


يووه
أنا جاي ف بالي حاجات كتير ، وأماكن كتير
وناس أكتر ..
كلهم بينتموا للماضي
يمكن أكتر حاجة ممكن نرجعها أو نرجع جزء منها هم الناس ،
ولله الحمد والمنة مش عارفة أوصل لأي حد من الناس بتوع زمان ^^
زمايل المدرسة ، وأصدقاء الطفولة
غالبيتهم ف أماكن لايعلمها إلا الله دلوقتي ^^
والأيام وخداهم زي ماوخدانا
اللي باقيالي من أيام زمان صديقة واحدة ، عشان كدا متشبثة بيها ع الآخر
بس جميل الماضي ، وجميلة ذكرياته
وفيه حاجات رخمة برضو ^^
وبكرا يبقى دلوقتي ماضي برضو
وأفتقده ..
وزي ماقرأت مرة :
" افرح بالحاجات الصغيرة اللي معاك ، بكرا تعرف انها كانت كبيرة "


حاجة كمان
في أشخاص كدا بيعلقوا ف ذهن البني آدم ،،
حتى لو كانوا غرباء ..
احنا لما بنكبر ، معارفنا بتكبر وبنعرف ناس كتير
مش كلهم بتفضل فاكرهم
الناس المميزة اللي بفضل فاكراهم ، دول بعزهم بشكل خاص
يمكن بحس ان كفاية أصلاً انهم من بين كل الباقيين اللي اتنسوا ،، فضلوا هم موجودين فِـ الذاكرة ..
يلا تحية ليهم بقى ^^


ممم
قرأت رواية صوفيا / لـ محمد حسن علوان
مكنتش لطيفة أوي ^^
ك لغة ، هي حلوة جداً
شخصيات الأبطال وخصوصاً " معتز " ، مش حلوة
هبقى اتكلم عنها في وقت لاحق ان شاء الله
بفكر اقرأ الروايتين التانيين بتوع نفس الكاتب وبعدين أبقى أكتب عنهم كلهم ،،
يصير خير ^^



22 رمضان
الموافق 31 / 7 / 2013 ميلادي
1434 هجري
والعمر بيجري

[الحان الورد]

،


القفوا دا كدا

Quiz Your Friends - Take Your Friend's Quiz

لقفتوه ؟
طاب تمام =)
دا عبارة عن اختبار للناس اللي انت عارفهم ، عشان يديك نسبة معرفتهم بيك
يعني انت تعرفني بنسبة اد ايه ^^
أنا عملت واحد ، لو حد جاوب عليه يبقى يقولي النتيجة كام
ومن نفس الرابط تقدر تعمل اختبار خاص بيك ..

انجووي يا جماعة =)

[الحان الورد]

،


فقط ، لأني كدتُ أن أفقدني في صخب الشارع الأمامي .. آثرت أن تكون لي غرفتي البعيدة ، التي آوي إليها
كلما ران علي التعب ، أو نال مني الموت ..

لـِ هديل الحضيف ..


مُهداة إلى سمائي الثامنة ..
^^

[الحان الورد]

،





بعد البيبان في بيبان
مرصوصة ورا بعضها ..
افتح بقلب جبان
ولا احتمي في ضهرها ..
رد اللي بعد الباب
قالي
الطريق مفتوح ..
عدي البيبان
دي حياة
ماتجوزش غير لطموح ..
غير لطموح ..

يفتح بقلب حديد
ويبص للي بعيد ..
يا يعيش في وقت سعيد
يا يعيش حزين وقتها ..
واللي حياته سراب
وزمانه كان كداب ..
يا يعدي باب ورا باب
يا يموت تعيس وسطها ..

واللي كلامه جميل
لكن في فعله قليل ..
يا يغني في المواويل
يا يفوق ويسمعلها ..
ويسمعلها ..



* أغنية لـ دينا الوديدي ..

[الحان الورد]

،


الواحد كل مايقرأ أكتر
ويسمع أكتر
ويشوف أكتر ..
يعرف انه مهما كان عارف حاجات ، هيلاقي حاجات تانية مش عارفها
حاجات مفكرش فيها بشكل مختلف ..
لازم نعرف ان عمر ماحد هيوصل لآخر العلم ولاهيبقى عارف كل حاجة
احنا هنفضل نتعلم لحد آخر لحظة في حياتنا ..
وهتبقى في حاجات فاتتنا برضو

" وقل رب زدني علما "


،،



عارفين الاوراق الصغيرة دي
اللي بنكتب فيها ملاحظات ، وممكن نلزقها ع الحيطة او في كتاب
حلوة جداً ..
جربوا تكتبوا فيها أي فكرة تيجي في بالكم
او أحياناً كدا
بتمر علينا لحظات روقان مع النفس ، ونلاقينا بنقول حكم ^^
الحكم دي اكتبوها واحتفظوا بيها
لما تمروا بـ ضيقة بعد كدا ، ابقوا طلعوها واقروها ..
هتفرق ..
ولو اتعلمت حاجة جديدة ، او سمعت حاجة جديدة
اكتبها برضو
انا اكتشفت ان دي وسيلة لحفظ الحاجات والاستفادة منها فعلاً ..
لان عقلنا في حاجات بتضيع منه ، بتِئلش على رأي صديقة =)
وياريت الاوراق تبقى قدامكو على طول
يعني لو ورق مكتوب فيه آية قرآنية بتحبها وبتريحك ، أو حلمك اللي نفسك توصله
اكيد لما تبقى قدامك على طول هتفرق معاك ..
ناوية أجرب الفكرة دي إن شاء الله
مع اني جربت الزق الورق دا قبل كدا ع الحيطة اللي قدام المكتب
لقيتها بتقع ، وكل ماجي ابص عليها الاقيها واقعة
:d
لو انا انسانة دعيفة كان زماني اتشائمت =))
بس هنلزقها بأي طريقة ، مش دي المشكلة ^^
جربوا عموماً أفكار جديدة في حياتكم ، عشان تخلوها أحلى وتبعدوا عنها الملل والضيق
ربنا خالقنا لحكمة كبيرة ، والانسان بيعيش مرة واحدة
ماتنسوش دا


صباح الخير يا ميس زينب
دا سيم بيني وبينها =))

وصباح الخير ع الكل ^^