سماء ثامنه

[الحان الورد]

،



Home sweety home
^_^

مهما لفيت ورحت أماكن ، مابتلقاش الراحة إلا في بيتك
حتى لو الأماكن التانية دي تعتبر بيتك برضو
إلا ان البيت الأساسي دا بتحس ان النهاية عنده

عارفين الفكرة فـ ايه ؟
الفكرة في الاستقرار ،، ان بيبقى في مكان معين انت مستقر فيه
ومجهزه ومرتبه بحيث يكون مكانك دايماً
فـ لما بتروح حتت تانية مهما كانت حلوة ، بيبقى بيتك هو الأساس
والوقت دا طلع من أهم الأسباب اللي بتؤدي للأُلفة
زي مثلاً
احنا زمان كان بيتنا الاساسي في البلد مش في القاهرة
كنا بنحبه جداً ،، ومبنحبش نروح أماكن تانية
بعد مانقلنا ورحنا القاهرة الموضوع اختلف تماماً
بقى بيت القاهرة اللي حسينا بالألفة معاه وبقى هو مكاننا الأساسي بنبحه أكتر
وبيت البلد دا بقينا بنروحه بالعافية أساساً
( مفيهوش نت بيني وبينكو =) )
البلد نفسها مبقتش مكان مفضل ليا ولاخواتي
واللي يقولك الريف دا جميل وطبيعة واستنشاق هواء نظيف
قوله مش في مصر يا حبيبي
هي مصر فيها هوا نظيف في اي حتة أصلاً ؟ =)
ما علينا
هي آه فيها مساحات خضراء أكتر ،،
بس عموماً الريف والقرى في مصر عبارة عن مناطق غير مؤهلة للعيش بمستوى كويس
يعني آه الناس عايشة
بس عيشة بسيطة ، ودا مش تكبر ، لكن أقصد انها مش العيشة
اللي تخليك أحسن وتطورك ،، يعني يادوبك عايشين ..
ومش بس من ناحية مادية ، من ناحية انسانية فكرية برضو
+ الناس اللي تفكيرها عجيب غريب مريب اللي بتبقى هناك
والمدن مهما كانت مزعجة لا اني بفضلها مش عارفة ليه
القاهرة حلوة ^^

في موضوعين بقى عايزة أتكلم فيهم من قبل العيد
واحد هيكون هنا عبارة عن مشاركة هقول رأيي فـ حاجة بإيجاز وخلاص ،،
والتاني هيكون موضوع مستقل ..

هينزلوا على بالليل إن شاء الله

[الحان الورد]

،

هازا هو الموزوع

http://forums.banatmisr.com/msryat440243/#post4214739

لمن أراد المشاركة ،
وكل عيد وانتو طيبين D:

،،

بالنسبة للمشاركة اللي قلت عليها برضو
فـ مش هخليها كلام رص كدا ، هخليها زي النقاط كدا
بتبدأ غالباً بـ مبحبش D:

- مبحبش الناس اللي شغلتها في حياتها النقد ،
حقيقي بقيت بكرههم
لو تخليك في حالك وتركز على عيوبك هيكون أفضل بكتير من انك تشغل بالك أوي بالناس كدا !

- مبحبش الكلام المتزوق أوي ، مبيوصلنيش ومبعرفش أحسه

- مبحبش الاكثار من اللطف في المعاملة
وكلمات زي
" حبيبتي ، روحي ، قلبي ، بنكرياسي D: "
بتثير استيائي بشدة
ومبعتبرهاش حاجة من الحاجات المعبرة عن الحب يعني
خصوصاً لو من حد غريب
تعرفيني منين عشان تقوليلي حبيبتي ؟ ها ؟ D:
مش بقفش على فكرة ولا بيبان عليا
بس من جوا ماببقاش حابة

- مبقولش أنا برضو الكلمات اللي فوق دي
الا في حالات معينة قليلة جداً
ومش من النوع اللي بيصرح بمشاعره كتير
وبكسف آه أصرح بيها !
شايفاه ممكن يكون عيب أحياناً
بس مبحاولش أغيره D:

- مبحبش الكلام الطفولي
والطريقة الطفولية في الكلام من حد كبير
والدلع عندي غالباً يعني سهوكة يعني حاجة مستفزة
قليل جداً لما بحس اني في دلع حلو D:
لا أمتُ بصلة لـ فئة البنات الكيوت تقريباً =)

- بحب الابتسامة الحقيقية جداً
وبحسها فعلاً من أصدق وأقصر اللغات
وبقيت بكره استخدامها في الفيس

- مبحبش الألفاظ اللي بتطلع موضة
وبتضايق بجد لما بحس ان الافكار وطرق الحياة والالفاظ بقت موضة :\

- في الفترة الاخيرة حسيت بمشاعر سلبية كتير ناحية الناس
يمكن عشان حكاية الموضة ، واني لما بقرأ كلام حد ماببقاش عارفة دا هو بجد ولا لأ

- الحمدلله ، قدرت أوصل لمرحلة متقدمة في فن تطنيش كلام الناس D:

- مبحبش النقد ولا الكلام المعسول # كلاكيت تاني مرة D:

[الحان الورد]

،

متى تستشعر ان حياتك المعنوية في خطر ؟

عندما تبدأ الأشياء في فقدان بريقها ، وأهميتها ،، عندما تستيقظ من نومك بصعوبة
عندما تشعر ان لاشيء يستدعي الاستيقاظ ،، عندما تنام بمعدلات أكبر من المعدلات الطبيعية ..
عندما تفقد شغفك بالحياة ..

ساعتها تعمل إيه حضرتك بقى ؟ :d
لازم تراجع نفسك ، وتعمل إعادة تأهيل لروحك .. ولقيمك ، وتسأل نفسك إنت مخلوق ليه أصلاً ؟
عملت ايه في حياتك ؟ راضي عن نفسك ؟

في ناس ممكن الاسئلة دي تسبب لها قدر أكبر من التعاسة
وناس تانية تديها دافع عشان يكتشفوا السعادة الحقيقية
أنا بؤمن ان على الأرض مايستحق الحياة
وإلا مكنش ربنا خلقنا
وأؤمن برضو ان على الأرض عدة حاجات تخلينا ندوق طعم السعادة
بس مش كلنا بيسعى انه يوصل للحاجات دي
وممكن يبقى بعضنا عارفها ، بس مش قادر يمسكها
لأسباب ترجع ليه هو في الأول والآخر ،،

عيد حساباتك واعرف انت عايز ايه في حياتك

بالنسبة لـ موضوع الدافع بقى ، أنا محتاجة دافع كبير حقيقي
يخليني أحب أروح الكلية :d
ماهو مش نافع كل ماتسنح ليا الفرصة اني أأنتخ ، أأنتخ =)
هو الصراحة الموضوع مش كله معتمد ع الأنتخة
في حاجة تانية اسمها اني من صغري بعتمد على نفسي
بمعنى اني ممكن أكنسل محاضرات ، وأجيب ورق وأعتمد على نفسي الفهم
أيام الثانوي كان ممكن مفهمش حاجة أثناء الشرح
بس مكنتش بسأل اللي بيشرح
كنت بقول لما أرجع البيت انا هفهم نفسي ، وكنت بفهم نفسي فعلاً

يمكن من أكتر الحاجات اللي بحبها فيا الموضوع دا
ودي فايدة من فوايد انك تبقى ابن وسطاني

[الحان الورد]

،

وأخيراً قابلت حد من المنتدى d:
قابلت وحدة من البنات اللي بحبهم فعلاً كان نفسي أشوفهم

مي
" روح صامتة "
انتِ حد جميل والله =)
ماتعرفيش كنت مبسوطة اد ايه اني هقابلك ، وانبسطت أكتر بعد اللقاء ^^
حلو ان العلاقات اللي بدايتها نت تتطور وتبقى أكتر من كدا
لان في ناس بنعرفهم من النت ،، بنتمنى لو انهم كانوا موجودين في الواقع كمان ^^
المهم يعني ان شخصيتك جميلة بجد يامي
وانبسطت فعلاً ،، آند آي هوب ان الموضوع دا يتكرر =)

بالتوفييق يا فتاة

[الحان الورد]

،

أكبر قدر ممكن من التوهان
مفيش أوحش من إنك ماتبقاش عارف تحدد مكانك بالظبط
ولا تعرف انت هتعمل إيه ،،
ولا حتى عارف تحلم بـ مستقبلك ،، مجرد حلم
توهة كبيرة


،،


هبدأ أقرأ في رواية " ثلاثية غرناطة " بتاعت رضوى عاشور
الجميل في الموضوع إنه كتاب ورقي أخيراً ، جبتها من سور الأزبكية اللي اتعمل عندنا في الكلية
بعد عدد كبير من القراءات الالكترونية يعني ، الورق كان واحشني
وحشني إني أحط الكتاب جنبي ع السرير ^^
حاجة حلوة يعني


،،


يمكن بكرا الشمس تطلع ، يمكن .
تفاءلوا

[الحان الورد]

،





| حبة هوا لـ وليد طاهر |

كتاب لطيف أوي
عبارة عن رسومات بسيطة ، وكلمات شعرية بسيطة ، كئيبة شويتين
بس ليها معاني كتير
معظمها معاني مش باينة أوي
ودي أحلى حاجة
انك تقول كلمتين بيحملوا معاني كتيرة
وكل واحد يفهمها بطريقة
بس كل الطرق بتؤدي إلى روما غالباً ..

بمُناسبة الكآبة
كل ماحاجة تقع في إيدي اليومين دول عشان أقرأها ، ألاقيها كئيبة

دي علامة يا مارد =)
بس عِنداً بقى مش هكتئب


شوية إقتباسات من الكتاب :

كل شيء كان عادي
والمقابلة كانت عادية
عدى الوقت
واكتشفت
ان كل اللي فات
لحظات تاريخية

هو إحنا مش من إمبارح
بنقول نفسنا نبقى بكرة
ادينا بقينا بكرة
وبعد بكرة
ولسه إحنا برضو إمبارح

نعيش زي الفلاسفة التعساء
ونحاول نفهم الفولة
واللا خلينا كدا
بلهاء .. سعداء
بالدنيا المجهولة !

لو لم أكن كده
لوددت أن أكون
مش كده !

حبة هوا
طيروا الورق كله
يلا مش مهم
هو إيه اللي كان في الورق ..
أحلى من الهوا ؟!

غرقانين
وإيه يعني نفضل غرقانين
حتى فرصة نعيش مع السمك .. هاديين
بلا مشاكل
بلا خناقات
بلا بواخة بني آدمين !

طول مالنهار فارغ
الليل هيملاه .

الليل هو الشاي
والنهار هو اللبن
حط من ده على ده .. ودوق طعم الزمن .

ها .. تشربي إيه ؟
بس بصي .. بلاش كابتشينو
ولا اللي عليه .. وبلاش نسكافيه
وبلاش شاي أخضر
وبلاش شاي فتلة
وبلاش من ده .. ولا من ده ولا من ده
يا نوال .. أنا معاييش إلا ربع جنيه !

يابخت الغبار
والذرات الصغيرة اللذاذ
اللي بترقص
وتلعب
وتدور في النور
أدام الإزاز .

يابختك يابن الإيه
جبت الهبل دا كله منين ؟

ملك
سلطان
رئيس
مدير
ناظر
مش فارقة كتير
اهي كلها أسامي
وكلهم مناظر !

ليه العجلاتي قاعد كده ؟
وعنده كل العجل ده ؟
أنا لو منه
كل يوم أهرب
ومرجعش !

والنبي يا شتا
وحياة ولادك
البرد والشبورة والضباب
بلاش المرة دي لما تيجي
تيجي وتجيب لي
إكتئاب !

جريت أستخبى من قدري
لقيت المخبأ .. هو قدري !

في كهف غويط
تحت بحر بعيد
فيه سمكة مستنية
أبص في عينيها جداً
وهي .. تبص جداً .. في عينيا !


واحد عادي
ماشي هادي
روح نام .. صحي
لقى نفسه واحد عادي .

[الحان الورد]

،





ثمة وجع يخنقني ، وجع حنين ، يحاصرني من جميع الجهآت ، ويتمثل لي في أبسط الأشيآء ..!
روحي ك صحراء قاحلة !
ظمأت بما فيه الكفاية , ولم ترتوي يوماً ب غير الحنين ,
يُمزقها الى أشلاء متناثرة . ثم تُبعثرها رياح أشد قسوة , تُدعى ب الغياب !

/

كيف لي أن انزع كل هذا وأشفى من داء الحنين المستعصي
لازالت الذكرى تحوم حولي في كل مكان ,,
تقيدني وتجبرني على الاستسلام كلما أقدمت على محاولة خرقآء
للنسيـآن..!


..

# أنا مش كئيبة ، بس بحترمهم
# ميموريز وكدزا

[الحان الورد]

،








# قصة _ قصيرة _ حزينة D":


..




اور وات ؟
ضحكتني أوي =)

[الحان الورد]

،


وبنوصل في الآخر لنتيجة
إن مفيش حاجة تستاهل ،، مفيش حاجة تستحق انك تقلب أيامك لـ سواد
وتضيع سنين عمرك عليها ،،
والعمر والوقت هم الحاجتين اللي مبنقدرش نرجعهم ..
وإن أمر المؤمن كله خير ،، لو خير وشكر فـ هو خير
ولو ضراء وصبر ،، ده خير برضو ليه ..
وإن الضيق اللي بنصاب بيه في الدنيا ، مأجورين عليه إن شاء الله
وإن بعد كل عسر يسر
وإن كل الطرق بتؤدي في الآخر لـ
ربنا معاك ومش ناسيك ، ماتقلقش
المهم ان انت اللي متنساش ده

كل حلم ضاع يا إما مكنش لينا
يا إما هو لينا بس محتاج إننا نعافر شوية عشان نوصله
في حالة تفاؤل عندي مش عارفة جاية إزاي بصراحة :d
بس أنا قررت اني أحافظ عليها على قد ماقدر
علشان أحلامي تستحق إني أعافر ليها
وعشان كلنا هنموت يوماً ما
فـ خلينا نعمل حاجة تقعد لنا في الدنيا كـ ذكرى طيبة
أو تقعد لنا في الآخرة ..
وعشان أدركت برضو ان أي انسان بيحط حاجة في باله وبيصر عليها
مسيره هيوصل ليها ،،
دكتور أحمد عمارة اللي سمعته إمبارح في حلقة ع القهوة مع أحمد يونس
ليه نصيب كبير من حالة التفاؤل دي ،، يقعد ليه في ولاده بقى إن شاء الله
:d

مفيش حاجة تستاهل تحزن وتضيع سنينك عليها بجد
إلا إنك تضيع نفسك وسط دوامات الحزن وغيره
لنفسك عليك حق

*** دعوة للتفاؤل .
** يومكم جميل .
* جمعة مباركة .

[الحان الورد]

،





المذاكرة كما يجب أن تكون =)
ههههههههه
دي رسمة وحدة صاحبتي في هندسة
الموضوع بدأ بـ رياضة وبعدين قلب بـ زرافات =))

صاحبتي دي إسمها آية
عشان الحقوق وكده يعني

البنت دي دايماً بتفهمني بيني وبين نفسي
يعني إيه أحب حد من غير ماعرف ليه ،،
أول وحدة كنت بعتبرها صديقتي ،، بكل معاني الكلمة
ومن الواضح إنها بتحب الرسم يعني
فـ أنا قلت أعمل معاها الواجب وأشهرها بقى





،،


الأغنية دي جميلة ..


I don’t mind your odd behavior
It’s the very thing I love
If you were an ice cream flavor
You would be my favorite one

My imagination sees you
Like a painting by Van Gogh
Starry nights and bright sunflowers
Follow you where you may go

Oh, I’ve loved you from the start
In every single way
And more each passing day
You are brighter than the stars
Believe me when I say
It’s not about your scars
It’s all about your heart

You’re a butterfly held captive
Small and safe in your cocoon
Go on you can take your time
Time is said to heal all wounds

Like a lock without a key
Like a mystery without a clue
There is no me if I cannot have you


[youtube]