حائره..على جسر من الذهب

[دمعه حائره]

إلى عرفات النفس تشتاق
والروح تهفو جئنا نكمل الأركان
وإلى الحجيج فأنظر جمعهم
لبيك يهتف بها كل قاص ودان
والقلب من شدة الحنين غايتهُ
ينعم بقرب المصطفى العدنان
mena_hassan

[دمعه حائره]

كل سنه وانتم طيبين ويارب ينعاد عليكم الايام بخير
وديما يارب في زياده ولا ينقص منا حبيب او غالي

[دمعه حائره]

امبارح فتحت اللاب توب عشان اجيب منه صوره
وبعدين ايه فتحت الفلاشه اللي عليها المواضيع بتاعتي
ماهو انا من بعد الحاجه ماتمسحت من كام سنه
اتعلمت وبقيت احطها علي فلاشه
شوفت ايه بقي شوفت صور وألقاب واوسمه وشهادات كنت كسبتها
رجعتني سنين طويله وذكريات حلوه
ولقيت مواضيع قصص وخواطر ومقالات وخزعبلات منزلتهاش لسه ومش فاكره ليه
هو فيه فتره كده حوالي سنتين نسيت كل حاجه فيها
وبقيت اكتب لايف كده علي طول وانشر
الحاجات اللي لقيتها دي فيها مشكله
ان لو نشرتها معرفش هتكون مناسبه للوقت ولا لأ
وطريقه كتابتي اتغيرت كتير عن الاول كنت زمان بركز علي الفصحى
والمواضيع كانت طويله دلوقت بقيت اختصر اوي متهيألي القدره علي الكتابه قلت
محتاره اعمل ايه وملوش لازمه يفضلوا كده مينزلوش وملوش لازمه بردوا يظهروا
بس احتمال كبير بمناسبه المسابقات اختار منهم
لان مينفعش بالمستوي ده اللي انا فيه ده ادخل مسابقه
ف متستغربوش لو لقيتوا المواضيع متقلبه المزاج او متناقضه هي اصلا من زمان
وكل سنه وانتم طيبين عام هجري سعيد عليكم

[دمعه حائره]

عوض ربنا لما بيجى بينسيك كل الايام الصعبه اللى عدت عليك،ربنا وحده اللى عالم بيك وبتعبك وقد ايه استحملت وصبرت ودعيتله يخفف عنك،اوعى تزهق أو تقول مفيش فايده وخلى ثقتك فى ربنا كبيره وادعي كتير واستغفر، واستنى الفرج والعوض منه هو بس وهيستجيب mena_hassan

[دمعه حائره]

جميعنا أسري لبعض اللحظات الجميله التي سرقناها من الحياه مع من كانوا يشبهون أرواحنا وترتاح لهم قلوبنا،هذه اللحظات التي تفسد كل جميل يأتي بعدها أنا ممتنه لها رغم مافعلت mena_hassan

[دمعه حائره]

بضحك ودمعي حاير وسط عيني لسه 😊

[دمعه حائره]

انتم مش بتسجلوا دخول ليه ياجماعه
انا عندي خاصيه في عضويتي بشوفكم وانتم زائر
وهقول عليكم بالاسم واحد واحد
اقصروا الشر وادخلوا 😊

[دمعه حائره]

ولا بزعل ولا بفرح
ولا ليا بينكوا مطرح
لا فى يوم سألتوا مالك
ولا ساكته ليه بتسرح
القلب فى هواكوا شاكك
ده قاسى وده بيجرح
خلينى كده فى حالى
والوحده عشانى أريح
mena_hassan

[دمعه حائره]

مد إيدك خد كمان
خدلك ضريبة من الجعان
واللي عيان من زمان

واللى ساكت واللى شاكى همه للجيران
خدلك ضريبة مـ اللى رايح واللى راجع
واللى صابر ع المواجع

مد إيدك فـ الجيوب
هتلاقى إيه غير..هم واصل للقلوب
وكام رقعه يدارى فيها مـ العيوب

مد إيدك خد إتاوة
من شعب مستنى العلاوة
تلاتين جنية...!!
يعملوا إيه دة انت يا بية
بتحرقهم فى كام سيجارة

مد إيدك
هو انت ليه باين عليك حبة كسوف
ده شعب متعود إنه يعيش فى خوف
ومصدق إنها شوية ظروف

مد إيدك عاوز كمان..؟
مافاضلش غير شوية دم فى العروق
قرب ودوق
هتلاقى طعم دايب فيه مرارة
وصوت حزين بيقول خسارة
ياحلم راح قصادة شوف كام شهيد
عشان نعيش بحرية وكرامة
من غير فى يوم مانمد إيـــد ..
#mena_hassan

[دمعه حائره]

طبخت كوردن بلو ونزلت صورته علي الفيس
لقيت واحده يوتيوبر بتعرض عليا اصور الاكلات فيديو وتنزلها عندها
الشهره عاوزه مني ايه ياجماعه 😍