أوعى تقول مسيحي قول نصراني !

[booody99]

اقتباس المشاركة الأصلية كتبت بواسطة silver spectra ما قرأتش اخر سطر ؟ كانوا بيطلقوا على نفسهم نصارى في الجزيرة العربية في مصر الاسم الشائع هو الاقباط ..و الاسم الرسمي هو مسيحيين القرآن لو بحثت هتلاقي الفاظ كتير جدا مش موجوده فيه لان ماكنش لها استخدام او كانت غير معروفة ..و القرآن نازل بلهجة الناس اللي نازل عليهم لكن هو دلوقتي مسمي نفسه مسيحي ..و اسلامي اوصاني باحترام الاخر مش باني احفظ و مش ابقى فاهم ديني و اصمم اني مش اندهله باسمه لو انت ترضى بكدا فواجب عليك ترضى بان اي مجتمع يسمي المسلمين باي اسم هما يحبوه و اولهم المسيحيين في مصر ..يشوفوا الاسم اللي يعجبهم و يسموا بيه المسلمين كفايه تشدد و طائفية و عمر الطائفية ما هتزول الا لما نطهر فكرنا و نمسك الجوهر مش القشور

والله أن كان لنا اسم في كتبهم فيقولوه عادي مش هتفرق معايا

ربنا قال (هو سماكم المسلمين) وفي نفس المصحف (وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ..)

وبعدين الأسماء مش هتفرق طب ما في ناس بيتقال عليهم متأسلمين ووهابيين ونواصب ومش عارف ايه

ولا المسميات دي عادي بتوحد الصف ؟؟؟!

شوف يا غالي متحصرش مسمى انت شايف انه صح انا شايف اني صح ومعايا دليل قاطع

هات دليل لحسم الخلاف لو في خلاف يعني...

[SiLver Spectra]

الكلمة اصلها يهودي

اقتباس النصرانية و نصارى تطلق في العربية على أتباع المسيح، من الألفاظ المعربة. يرى بعضى المستشرقين أنها من أصل سرباني هو: "نصرويو" nosroyo، "نصرايا" nasraya، ويرى بعض آخر أنها من nazerenes التسمية العبرانية التي أطلقها اليهود على من اتبع ديانة المسيح. وبرى بعض المؤرخين أن لها صلة "بالناصرة" التي كان منها "يسوع" حيث يقال: "يسوع الناصري" أو أن لها صلة ب "الناصريين" nasarenes=nazarenesاحدى الفرق القديمة اليهودية المتنصرة. وقد بقي اليهود يطلقون على من اتبع ديانة المسيح "النصارى"، وبهذا المعنى وردت الكلمة في القرآن الكريم، ومن هنا صارت النصرانية علماً لديانة المسيح عند المسلمين

القرآن مش كان نازل عشان يخترع الفاظ ..القرآن نازل لقيم و مبادئ تكون صالحه لكل زمان و هو دا اللي مطلوب تفهمه و تستخلصه منه و بالتالي كان الخطاب بلهجة اصحاب من أنزل عليهم القرآن
في اسماء كتير بيكون لها اكثر من مسمى
زي الحصان و الخيل ..اللي بيذكر في القرآن هو اللفظ الشائع اكثر للناس اللي نازل عليهم الوحي

[خارج عن القانون]

دخلت المتواجدون الان

ولقيت ناس كتير قوي في الموضوع ده

فقولت اخش اشوفه واشوف ايه اللي فيه

بس بجد يا دوك انت جبت الاخر

وانا اتفق معك في كل ما قلته

بس خد بالك ليكفروك ويحلو دمك^^

[the.legend]

تمام ..

راى يجب احترامه صراحة واحييك على العرض وطريقة النقاش ..

ومن ثم اسمحلى باضافة الاتى :



1- انا فهمت من عرضك للموضوع ان زى ما انا ما اقبلش على نفسى حد يقولى يا " محمدى " مثلا بدلا من مسلم
برضه ماينفعش اقول على المسيحين نصارى

2 - اسمحلى اعرض اصل الكلمتين


النصارى : جت من ان اتباع المسيح عليه السلام كانوا فى قريه اسمها " ناصرة " ويقال برضه انهم تناصروا مع المسيح اى اجتمعوا على نصرته .


المسيحين : بيطلقها الناس اللى بتعبد المسيح زى مثلا بوذا والبوذيين

وفى القران ربنا لم يطلق عليهم المسيحيين ابدا و اغلب الايات جاءت بالنصارى


فعموما ان بنكلم اى حد باسمه مش بلقبه انما لما اجى اتكلم عنهم يبقا الافضل " النصارى"


تقبل مرورى ..

[SiLver Spectra]

اقتباس المشاركة الأصلية كتبت بواسطة booody99 والله أن كان لنا اسم في كتبهم فيقولوه عادي مش هتفرق معايا ربنا قال (هو سماكم المسلمين) وفي نفس المصحف (وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ..) وبعدين الأسماء مش هتفرق طب ما في ناس بيتقال عليهم متأسلمين ووهابيين ونواصب ومش عارف ايه ولا المسميات دي عادي بتوحد الصف ؟؟؟! شوف يا غالي متحصرش مسمى انت شايف انه صح انا شايف اني صح ومعايا دليل قاطع هات دليل لحسم الخلاف لو في خلاف يعني...

المتاسلم لفظ مستفز ..بس انا لما اقوله فانا مسلم
لكن مش اروح اتكلم عن ديانة غيري ..انا بتكلم عن ديانتي
و كلمة متاسلم بيقصد بيها الناس اللي بتزايد على الغير في الاسلام و هما اكثر الناس عداوته له
و كان ليه سؤال لشخص مسيحي هنا ..قولتله مين اكثر فئة بتكرهك في الدين بتاعها؟
كان الجواب هما المتشددين و الطائفة كذا و كذا
من هنا تقدر تستخلص مين هما اشد الناس عداوة على الاسلام
هم االمتشددين و الرويبضة
ليه ؟
لأن الاسلام نزل عشان يخلي البشرية كلها مسلمين مش نزل عشان طائفة تاخده لنفسها و تشتم في الديانات التانيه و تكره الناس فيه !
و الا كان زمان جدك مش دخل في الاسلام ..
و لو كان اوائل المسلمين عملوا كدا كان زمان الاسلام منحصر في مكة و بس
فانت عشان تنصر دينك محتاج تحبب غيرك في دينك عن طريق المحبة و الاخلاق و الرحمة و حسن المعاملة و حسن اختيار اللفظ بحيث انك تدخل قلبه و يحبك

و عشان كدا بقولك المسمى بيفرق معاه هو مش معاك انت
انا لو اديتلك مسمى دلوقتي انت اللي هتضايق

انت يا باودي مش بتفهم عربي ؟
مش معقولة التعصب بيعميك
قسما بالله ما جبت اختراع و اللي كاتبه دا شايفه و عارفه و الكل عارفه و لو قرأت موضوعي بتعمق تاني هتلاقيني منوه بكدا ..انا عايز اشوف دماغك انت فيها ايه و ايه هو تحليلك

و اقرأ ردي الاخير قبل الرد دا فيه اقتباس من الويكي لاصل كلمة نصراني

[booody99]

اقتباس المشاركة الأصلية كتبت بواسطة SiLver Spectra المتاسلم لفظ مستفز ..بس انا لما اقوله فانا مسلم لكن مش اروح اتكلم عن ديانة غيري ..انا بتكلم عن ديانتي و كلمة متاسلم بيقصد بيها الناس اللي بتزايد على الغير في الاسلام و هما اكثر الناس عداوته له و كان ليه سؤال لشخص مسيحي هنا ..قولتله مين اكثر فئة بتكرهك في الدين بتاعها؟ كان الجواب هما المتشددين و الطائفة كذا و كذا من هنا تقدر تستخلص مين هما اشد الناس عداوة على الاسلام هم االمتشددين و الرويبضة ليه ؟ لأن الاسلام نزل عشان يخلي البشرية كلها مسلمين مش نزل عشان طائفة تاخده لنفسها و تشتم في الديانات التانيه و تكره الناس فيه ! و الا كان زمان جدك مش دخل في الاسلام .. و لو كان اوائل المسلمين عملوا كدا كان زمان الاسلام منحصر في مكة و بس فانت عشان تنصر دينك محتاج تحبب غيرك في دينك عن طريق المحبة و الاخلاق و الرحمة و حسن المعاملة و حسن اختيار اللفظ بحيث انك تدخل قلبه و يحبك و عشان كدا بقولك المسمى بيفرق معاه هو مش معاك انت انا لو اديتلك مسمى دلوقتي انت اللي هتضايق انت يا باودي مش بتفهم عربي ؟ مش معقولة التعصب بيعميك قسما بالله ما جبت اختراع و اللي كاتبه دا شايفه و عارفه و الكل عارفه و لو قرأت موضوعي بتعمق تاني هتلاقيني منوه بكدا ..انا عايز اشوف دماغك انت فيها ايه و ايه هو تحليلك و اقرأ ردي الاخير قبل الرد دا فيه اقتباس من الويكي لاصل كلمة نصراني

شوف يا غالي عشان نستفيد من بعض

خلينا دلوقتي نتكلم في نقطه محدده عشان نستفيد

خلينا بصراحه كده لأنها مش اختراع هو عندي كافر بالي انا مؤمن بيه وانا عنده كافر عشان مش مؤمن بالي بيؤمن بيه واليهودي كذلك الكل يرى أن ديانته صحيحه وغيره فهو الكافر ده متفقين عليه

هل لما اتناقش معاه اقوله انت كافر

مين ده الي يقول كده هو عارف اني رسولي محمد وانا عارف ان رسوله عيسى

لكن المسمى الأصطلاحي هو النصارى مسيحيين اختلف بعد كده

والأقباط على فكرة شاملة المسلم والمسيحي لأن اهل مصر كانوا يطلق عليهم اقباط باختلاف ديناتهم وكلمة Egypt جيه من قبط على حسب ما قرأت

والويكا قالك ان ده بقى مصطلح عند المسلمين يعني

وانا بصراحه شايف ان النقاش في الموضوع ده محتوم أصلاً

انا اناديه بإسمه واقول المسيحيين طالما بيزعلوا احتراماً لوطننا

لكن المصطلح اطلاقه عموما ليس مواجهة لهم فعادي

وشكرا ليك

ههههههههههه رجعنا طائفية تاني

منور يا عم طارق

[SiLver Spectra]

اقتباس المشاركة الأصلية كتبت بواسطة booody99 شوف يا غالي عشان نستفيد من بعض خلينا دلوقتي نتكلم في نقطه محدده عشان نستفيد خلينا بصراحه كده لأنها مش اختراع هو عندي كافر بالي انا مؤمن بيه وانا عنده كافر عشان مش مؤمن بالي بيؤمن بيه واليهودي كذلك الكل يرى أن ديانته صحيحه وغيره فهو الكافر ده متفقين عليه هل لما اتناقش معاه اقوله انت كافر مين ده الي يقول كده هو عارف اني رسولي محمد وانا عارف ان رسوله عيسى لكن المسمى الأصطلاحي هو النصارى مسيحيين اختلف بعد كده والأقباط على فكرة شاملة المسلم والمسيحي لأن اهل مصر كانوا يطلق عليهم اقباط باختلاف ديناتهم وكلمة egypt جيه من قبط على حسب ما قرأت والويكا قالك ان ده بقى مصطلح عند المسلمين يعني وانا بصراحه شايف ان النقاش في الموضوع ده محتوم أصلاً انا اناديه بإسمه واقول المسيحيين طالما بيزعلوا احتراماً لوطننا لكن المصطلح اطلاقه عموما ليس مواجهة لهم فعادي وشكرا ليك ههههههههههه رجعنا طائفية تاني :d منور يا عم طارق

انا كنت هقولك ان كلمة قبطي كانت بتساوي مصري
بس مع الزمن اتحول المصطلح و بقى قبطي = مسيحي
و دا بيرجع لاختلاط العرب بالمسلمين من الاقباط
لازم تبقى فاهم يا بودي ان اللفظ مالوش اي معنى غير بالمعنى اللي الناس بتفهمه بيه
اللفظ مجرد لسان و شفايف و حنجره بتطلع صوت ..الطفل الصغير لما يتكلم كلام غير مفهوم مش بنخلي له معنى لانه كلام لا يرتبط بالعرف ..
مجرد ما الكلام بيرتبط بالعرف بيتحول للغة او لهجة ..و اللغة او اللهجة بتتغير باستمرار

كلمة قبطي = مسيحي دلوقتي
تمام
طيب ..تعرف انهم و من ايام فتح مصر و كانوا بيسموا المسيحيين بالاقباط في مصر؟
ماكانوش بيقولوا عليهم نصارى في وشهم لان مصلطح نصارى كان دارج في الجزيرة العربية و ممكن الشام

مارية القبطية .مش اتقال عليها مارية النصرانية بالرغم من انها كانت مهداه من الملك المقوقس حاكم مصر..فدا بيكون نوع من احترام الاخر في انك مش تندهله بمصطلح غريب عليه

و انت في النهاية مش هيفرق معاك حاجه . بس زي ما ذكرت بيفرق معاه هو .و بالتالي دا بيفرق معاك بشكل غير مباشر في البعد عن الفتن اللي مش بتجيب غير خراب للبلد

احنا دلوقتي مش عايشين في عصر انعزالي هتخطب بين شوية مسلمين زيك و تقول اللي في نفسك بدون حساب
دلوقتي اقل كلمة بتتقال بتوصل لكل الناس عن طريق وسائل الاعلام المرئية و النت و خلافه بل انها بتبتجاوز حدود الدول
يبقى هنا لازم الخطاب يتغير و الكلمة تبقى موزونه اكثر و في مسؤولية

انت في النهاية مصلحتك هتتحقق في محبة غيرك ليك ..من هنا لازم نكون اذكية في اختيار الفاظ تحقق حاجه زي كدا

[פﭠة ﺳگـړُھَہّ]

لو دخلنا فى كل كلمه ومسكناها وفسرناها

هنلاقى

المسيحين ناس

والنصارى ناس

والاقباط ,, هم اصل مصر وليست بديانه
لان مصر دوله قبططيه وده قبل الفتح الاسلامى

وبعيدا عن اننا ندخل فى جدال فى النقطه دى ونسيب النقطه المشار اليها

ان كل واحد لى اسم يكون الافضل اننا نتعامل باسمائنا بعيدا عن معتقداتنا الدينيه


ربنا يصلح الاحوال ,, ويبعد كل تفكير خبيث عن كل الاخوه المصريين

[lady lead]

أيوة المسميات دي بتفرق مع المسلمين كمان
يعني أستاذ عربي أعرفه قال لما تقولوا عليهم مسيحيين يبقى بتنسبوهم للمسيح و ده تشريف ليهم
مش عارفة أنا لو كان النصارى اسم يناقض التشريف ده حسب اتباعهم للمسيح عليه السلام
لكن ما احنا بنستعمل كلمة الفراعنة حتى الآن
و أكيد عارفين فرعون
زي ما بنستعمل كلمة أقباط حسب تاريخ مصر أحيانا
إما استعمال كلمة نصارى لورودها في القرآن شَغَل العلماء
موضوع حلو بجد
تقديري و احترامي

[دمعه حائره]

مسميات ومداخل للفتن احنا فى غنى عنها
المسلم الحقيقى هوا اللى يطبق تعاليم دينه فى حب الاخريين
ونزع الفتن والعنصريه
لازم زى مابنطالب الغير احترام معتقداتنا نحترمهم
ممكن المسمى مايكون فيه حاجه تدايق لكن تفسيره اللى عمل كل ده
ولكل منطقه لهجه بيختلف تفسير الكلمه من بلد لاخرى
موضوع جميل تسلم طارق