أوعى تقول مسيحي قول نصراني !

[حنـــــون]

اقتباس المشاركة الأصلية كتبت بواسطة booody99 والله أن كان لنا اسم في كتبهم فيقولوه عادي مش هتفرق معايا ربنا قال (هو سماكم المسلمين) وفي نفس المصحف (وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ..) وبعدين الأسماء مش هتفرق طب ما في ناس بيتقال عليهم متأسلمين ووهابيين ونواصب ومش عارف ايه ولا المسميات دي عادي بتوحد الصف ؟؟؟! شوف يا غالي متحصرش مسمى انت شايف انه صح انا شايف اني صح ومعايا دليل قاطع هات دليل لحسم الخلاف لو في خلاف يعني...

عارف الدليل لحسم الخلاف ايه يابودى
الدليل هو مفهوم روح القران نفسه مفهوم
انك مش تاخد الشئ متجمد كدا وتقول ايوا هو دا
لا خده وافهمه فسره
دلوقى القران نزل فى منطقه كانت ليها لغه مختلفه
يعنى هو كان ينفع ربنا لما يجى يضربلهم مثل فى القران يقول
طياره ولا قطر ولا سفينه فضاء ؟؟
ولا البديهى انو يضرب مثل بالاشياء الموجوده فى الوقت دا زى الحمار
والكلب والجاموسه ؟؟
ولان ربنا اعلم كان فى اخر الايه يقول ويخلق مالاتعلمون
هو اسم نصارى كان موجود ودارج عند الناس وقتها فعشان كدا ربنا ذكره
لكن هل من العدل انك تجيب انسان وتجرحه وتقوله كلمه هو مش بيحبها
عشان هى اتذكرت فى القران مع ان ربنا مش هيحسبك لو قولتها او ماقولتهاش
فا من الطبيعى ان تحب لنفسك ماتحبه لغيرك
انت نفسك لما بتسمع متأسلمين ووهبين ومعرفش ايه بتقول دا مش من الدين ان
تقول كدا يبئه ايه بئه تشدد مع شركاء الوطن وخلاص ؟؟

ـــــــــــــــــــــــــــــــــــــ
موضوع رائع ياطارق شكرا ليك

[Words Whisper]

(( قبط مصر ))
أصلها كلمة عامة تطلق على المصريين عامة
بس مش عارفة إيه سبب إطلاقها على المسيحيين ( النصارى )
بالنسبة بئا لكلمة مسيحيين ونصارى
من وجهة نظري شايفه انها مش تفرق
فلو مسمى هيضايق شخص انك تناديه بيه
يبئا الصح يُنادى بالمسمى اللي يقبله
مسيحي >> نسبة للمسيح عيسى عليه السلام
نصراني >> نسبة لمن نصروا عيسى عليه السلام
والقرآن ذكرهم بكلمة نصارى اللي بردو أصلها تشريفي ويحترم من تطلق عليه
وفي نفس الوقت مش في القرآن آية تمنع ذكرهم بكلمة مسيحيين
الحالتين نسبة لإيمانهم بالمسيح عيسى عليه السلام
وفي أمور كثيرة دينيا بيكون الحكم فيها بناء على القياس
فلو من نفس الوجهة دي مش فيه آية تحرم كلمة ( مسيحي )
إذن مادام هو دا اللفظ اللي بيتقبلوه يبئا واجب عليّ كإنسان احتراما لهم أناديهم فيه
وكمان ديني أمرني باحترام الآخر وعدم مناداته بما يكره
وإن كنت مش فاهمة سبب رفض المسيحيين لكلمة نصارى !!


عامة كمان الموضوع أبسط من كدا
أصل الطبيعي لما تخاطب شخص تخاطبه باللي يتقبله ..


شكراً
دمت بخير ..

[Sєяєєη●•ʚɞ]

اممممممممم
طب انا ليا وجه نظر تانية خالص !
لانى بردوا عاوزة افهم !
هما زعلانين من اسم نصارى ليه !
مع انه مش يعيبهم فى حاجة
هو بس اللفظ الشائع اللى متعودين نقوله هو مسيحى
انت قولت ان المستشرقين ارجعوا اصله انة يهودى
بس مش يمكن الكلام غير دقيق مثلا !
العقل بيقول ايه ولما بنبص للقران بتاعنا

قَالَ تَعَالَى (وَقَالَتِ الْيَهُودُ عُزَيْرٌ ابْنُ اللّهِ وَقَالَتْ النَّصَارَى الْمَسِيحُ ابْنُ اللّهِ ذَلِكَ قَوْلُهُم بِأَفْوَاهِهِمْ يُضَاهِئُونَ قَوْلَ الَّذِينَ كَفَرُواْ مِن قَبْلُ قَاتَلَهُمُ اللّهُ أَنَّى يُؤْفَكُونَ)،
قَالَ تَعَالَى [ وَقَالُواْ لَن يَدْخُلَ الْجَنَّةَ إِلاَّ مَنْ كَانَ هُودًا أَوْ نَصَارَى تِلْكَ أَمَانِيُّهُمْ قُلْ هَاتُواْ بُرْهَانَكُمْ إِنْ كُنْتُمْ صَادِقِينَ
سَمَّاهُمْ رَسُولُ اللهِ صَلَّى اللهُ عَلَيْهِ وسَلَّمَ (نَصَارَى)، كَمَا في قَوْلِهِ صَلَّى اللهُ عَلَيْهِ وسَلَّمَ [ وَالَّذِي نَفْسُ مُحَمَّدٍ بِيَدِهِ؛ لا يَسْمَعُ بِي أَحَدٌ مِنْ هَذِهِ الأُمَّةِ؛ يَهُودِيٌّ وَلا نَصْرَانِيٌّ؛ ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ؛ إِلاَّ كَانَ مِنْ أَصْحَابِ النَّارِ ] رَوَاهُ مُسْلِمُ،

طيب هنا القران والسنة فصلوا بين اليهود والنصارى يعنى ذكروا لفظين يهود ونصارى ومش اتكلم عنهم كوحدة واحدة
يبقى اكيد كلام المستشرقين عن ارجاع الكلمة لاصل يهودى ممكن يكون غير دقيق
فبالعقل كدة الكلمتين مختلفين وماينفعش تكون كلمة نصارى هى اليهود او حتى نرجعها لليهودية
واظن بردوا ان اللى بيستخدم كلمة نصارى عاوز يستخدم الكلمة الاصح اللى ذكرت فى القران والسنة كنوع من التطبيق ليهم بس دة مش يكفر اللى بيطلق عليهم كلمة مسيحى لان مافيش حاجة تحرم دة فى القران والسنة !
يبقى حتى لو حد قال نصارى يبقى مش بيقلل منهم !
بس احنا بنقول مسحيين لانة اللفظ الدارج
زى قبطى كدة كانت زمان بتتقال ع المصرين كلهم ودلوقتى بنقول مصرى لانها اللفظ الدارج
دة اللى انا فاهماه يعنى ولا انا فاهمة غلط !
دة انا اكتشفت كمان لما عملت بحث سريع كدة ان كلمة انصار غير نصارى !
..وشكرآ ع الموضوع يآطآرق

[SiLver Spectra]

اقتباس المشاركة الأصلية كتبت بواسطة Sєяєєη●•ʚɞ اممممممممم طب انا ليا وجه نظر تانية خالص ! لانى بردوا عاوزة افهم ! هما زعلانين من اسم نصارى ليه ! مع انه مش يعيبهم فى حاجة هو بس اللفظ الشائع اللى متعودين نقوله هو مسيحى انت قولت ان المستشرقين ارجعوا اصله انة يهودى بس مش يمكن الكلام غير دقيق مثلا ! العقل بيقول ايه ولما بنبص للقران بتاعنا قَالَ تَعَالَى (وَقَالَتِ الْيَهُودُ عُزَيْرٌ ابْنُ اللّهِ وَقَالَتْ النَّصَارَى الْمَسِيحُ ابْنُ اللّهِ ذَلِكَ قَوْلُهُم بِأَفْوَاهِهِمْ يُضَاهِئُونَ قَوْلَ الَّذِينَ كَفَرُواْ مِن قَبْلُ قَاتَلَهُمُ اللّهُ أَنَّى يُؤْفَكُونَ)، قَالَ تَعَالَى [ وَقَالُواْ لَن يَدْخُلَ الْجَنَّةَ إِلاَّ مَنْ كَانَ هُودًا أَوْ نَصَارَى تِلْكَ أَمَانِيُّهُمْ قُلْ هَاتُواْ بُرْهَانَكُمْ إِنْ كُنْتُمْ صَادِقِينَ سَمَّاهُمْ رَسُولُ اللهِ صَلَّى اللهُ عَلَيْهِ وسَلَّمَ (نَصَارَى)، كَمَا في قَوْلِهِ صَلَّى اللهُ عَلَيْهِ وسَلَّمَ [ وَالَّذِي نَفْسُ مُحَمَّدٍ بِيَدِهِ؛ لا يَسْمَعُ بِي أَحَدٌ مِنْ هَذِهِ الأُمَّةِ؛ يَهُودِيٌّ وَلا نَصْرَانِيٌّ؛ ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ؛ إِلاَّ كَانَ مِنْ أَصْحَابِ النَّارِ ] رَوَاهُ مُسْلِمُ، طيب هنا القران والسنة فصلوا بين اليهود والنصارى يعنى ذكروا لفظين يهود ونصارى ومش اتكلم عنهم كوحدة واحدة يبقى اكيد كلام المستشرقين عن ارجاع الكلمة لاصل يهودى ممكن يكون غير دقيق فبالعقل كدة الكلمتين مختلفين وماينفعش تكون كلمة نصارى هى اليهود او حتى نرجعها لليهودية واظن بردوا ان اللى بيستخدم كلمة نصارى عاوز يستخدم الكلمة الاصح اللى ذكرت فى القران والسنة كنوع من التطبيق ليهم بس دة مش يكفر اللى بيطلق عليهم كلمة مسيحى لان مافيش حاجة تحرم دة فى القران والسنة ! يبقى حتى لو حد قال نصارى يبقى مش بيقلل منهم ! بس احنا بنقول مسحيين لانة اللفظ الدارج زى قبطى كدة كانت زمان بتتقال ع المصرين كلهم ودلوقتى بنقول مصرى لانها اللفظ الدارج دة اللى انا فاهماه يعنى ولا انا فاهمة غلط ! دة انا اكتشفت كمان لما عملت بحث سريع كدة ان كلمة انصار غير نصارى ! ..وشكرآ ع الموضوع يآطآرق

لا انتي فهمتي غلط
اصلها يهودي يعني اليهود هما اول من اطلقوا على المسيحيين لفظ نصارى حسب مصدر الاجتهاد
مش بان اليهود كانوا نصارى

بصي العملية مش انك تقوله هو انت زعلان ليه لما اقولك يا نصراني
زي لو حد قال عليك يا محمدي ..تخيلي المسيحيين طلعوا و قالوا مش هنقول مسلمين هنقول محمديين او وهابيين ..انت هتضايق صح و لا لأ ..على الاقل النفوس مش هتكون سليمة
الموضوع بان الكلمة كانت بتطلق في الجزيرة العربية مش في مصر..المصريين كانوا بيسموا بالاقباط لان اغلبهم كان له ديانه واحده و هي المسيحية ..ماكنش زي الجزيرة العربية اللي كانوا قبائل كتير و بديانات مختلفة فكانوا بيحبوا يميزوهم بألقاب دارجه عندهم

يبقى ليه استفزه و اسميه بلفظ غريب عليه !

كلمة نصراني مافيش فيها اي شيء يعيب
بس من الذوق هو انك تسميه بالمسمى بتاعه ..
لكن نظرية انك لو قولت مسيحي يعني بيتبع عيسى و هو مش بيتبعوه ..دي نظرية خاطئة
و بمجرد ما تشغل عقلك شوية هتكتشف انه اجتهاد ضعيف من ابن عثيمين
و الدليل هو ان نصراني كلمة بتوصف بلد سيدنا عيسى

اقتباس معنى كلمة نصارى أو نصراني في مختصر تفسير ابن كثير للصابوني جاء الآتي في تفسير قول الله تعالى {إِنَّ الَّذِينَ آمَنُواْ وَالَّذِينَ هَادُواْ وَالنَّصَارَى وَالصَّابِئِينَ مَنْ آمَنَ بِاللَّهِ وَالْيَوْمِ الآخِرِ وَعَمِلَ صَالِحاً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ} (62) سورة البقرة (النصارى وسموا بذلك لتناصرهم فيما بينهم، وقد يقال لهم أنصار أيضاً كما قال عيسى عليه السلام: {من أنصاري إلى الله؟ قال الحوارين نحن أنصار الله} وقيل إنهم إنما سموا بذلك من أجل أنّهم نزلوا أرضاً يقال لها ناصرة، قاله قتادة وروي عن ابن عباس أيضاً، واللّه أعلم.) أما لو بحثنا في معاجم اللغة العربية عن كلمة نصارى فسنجد أنها تنسب إليهم نتيجة لبلد السيد المسيح. مختار الصحاح للرازي (و نَصْرَانُ بوزن نجران قرية بالشام تنسب إليها النَّصَارَى ويقال اسمها ناصِرَةُ و النَّصَارَى جمع نَصْرَانٍ و نَصْرَانَةٍ كالندامى جمع ندمان وندمانة ولم يستعمل نصران إلا بياء السبة و نَصَّرَهُ تَنْصِيراً جعله نَصْرَانِياً.)

و الدليل التاني هو اننا بنطلق على اليهودي يهودي ..اليهودي بكل معتقداته بيسمي نفسه يهودي في نفس الوقت انت بتندهله بنفس الاسم
يبقى ليه مش بننده باسم تاني عشان هما مش ماشيين على خطى سيدنا موسى حسب معقتداتنا ؟
و بالنسبة للديانات المستحدثه هنعمل معاها ايه ؟ هنعد نغير في اسم كل ديانة!
هو ايه علاقة الاسم بالايمان اصلا ؟

شوفي الفيديو دا حلو جدا

[تيتشر نفشه ツ]

سيبك انتَ من كل دا
انا كنت فاكره ان النصرانيه ديانه والمسيحيه ديانه تانيه خالص

# عيله ف الضياع بصحيح

# جمايلك كترت عليا ياطارق

[تيتشر نفشه ツ]

ايوا صحيح
ليه كلمة نصارى بتزعلهم ياطارق ؟

[كوين ميرو]

اولا احب اشكرك جدا يادكتور طارق

على الحياديه تللى حضرتك بتتكلم بيها

ثانيا كلمه نصرانى مش هنكر انها كانت بتزعلنى الاول لو حد قلهالى

بس مع مرور الوقت بقيت بتقبلها رغم انى مش دقيقه فى الوصف

يعنى فعلا هى راجعه لبلد الناصره اللى فى فلسطين اؤلى كان منها السيد المسيح

واليهود اطلقوها بعد كده على المؤمنين بالسيد المسيح وخصوصا ان التبشير الاول كان داخل فلسطين بس كان لسه التلاميذ مخرجوش للامم

بس لو هنيجى نقواه على اقباط مصر الميسحين مش هيكون دقيق لانى قبطيه ميسحيه

وزى ماحضرتك قولت المستحب ليا يتقال ميسحيه نسبه للمسيح مش نصرانيه نسبه للبلد

وبردو زى ماحضرتك ذكرت ان لفظ ميسحى مش محرم فى القرأن الكريم يعنى مفيهاش اى ضرر لو اخوتنا المسلمين قالوإا


تحياتى وامتنانى لشخصك الكريم

[sokara]

انا مااعرف ايه سبب اننا نبحث عن امور تفرقنا

ليه دايما نحب نجرح غيرنالمجرد انه على غير دينا
وكل من ينادى بالالتزام بحرفيه القران فى اسم هل طبق كل مافيه

ولم يرى قول الله تعالى
لو كنت فظا غليظ القلب لانفضوا من حولك
لن يضرنا ان نقول مسيحى لن يخرجنا عن المله
لكن هتكون سبب للبغض بين اهل بلد واحده
طرح راقى دكتور طارق
وراق لى المشاركات بما فيها من عقلانيه حتى الاختلاف لابد احترامه ونوضح انها لمصلحه وطن يجمعنا
دمتم بخير وتقبلوا تحياتى