الحلقة الخامسة من ( لمن يجرؤ فقط ) مع ( SiLver Spectra )

[Lost Pearl]

حلقة حلوة اكيد ،، و مورشو اسئلة زي الفل تسلم

بس في حاجة بقي ،،

دلوقتي مرسي فعلا مكانش رئيس كويس و كلنا كنا معارضينه ،، بس لو الناس دي كلها اللي طلعت دلوقتي زي السيسي فعلا كانت بتحاول تأذيه فـ فترته او تبوظ شغله يبقي ربنا يكون فـ عونه

انت ينفع ايام ثورة 25 حد يقولك روح تقوله حاضر و تروح ؟ لأ طبعا لأنك كنت بتعمل حاجة انت مقتنع بيها 100%

اد ما كلنا كنا مقتنعين ان مبارك لازم يمشي ،، هم شايفين ان السيسي باردو لازم يمشي

فـ مش من حقك تقولهم امشو بالعافية ،، ده هيقنعهم اكتر انهم صح

و انه مافيش حل الا الضرب ،، لأ طبعا في ميت و ميت حل غير الضرب ،، ع الاقل كانو تفاوضو معاهم و لا حتي عرفوهم مرسي فين

بالعقل كدة ،، معقول واحد كان رئيس بلدك فـ يوم من الايام متبقاش عارف مكانه دلوقتي !!

مش عشان حاجة و لا حتي عشان يرجع ،، بس ده اقل حق للي كان مأيده

انما متقوليش هم مسمعوش الكلام نموتهم ،، ده مش كلام يدخل العقل حتي لو كانو عاملين زحمة او واقفين شوارع مهمة او او او

و اللي اتعمل فـ الفض ده مينفعش يتعدي و لا يتسكت عليه ابدا

و بس كدة ،، طبعا الاختلاف فـ الرأي ده شئ وارد و لا يفسد للود قضية زي ما بيقولو

تسلمو ع الحلقة

[morshooo]

اقتباس ع الاقل كانو تفاوضو معاهم و لا حتي عرفوهم مرسي فين

الوجى دا جابولهم ناس من اوربا والدول العربية ومن قطر نفسها ^_^

كان ناقص بس يجبولهم ناس من كوكب تانى .

انا بس لية سؤال صغير

انتى لو من سكان رابعه وطبعا الدنيا مكنتش واقفة فى رابعه بس

خدى عندك ( مدينة نصر ) بالكامل

ومدينة نصر طبعا سكانها مش عدد قليل والا المحلات

الى فيها عددها قليل والا المولات عددها قليل

انتى عندك فى ( مدينة نصر ) مش اقل من ( 10 والا 15 مول تجارى )

كل مول فية مش اقل من ( 80 والا 90 محل )

وعندك ( سيتى ستارز ) لوحدة اكيد روحتية وشوفتى المول فية محلات

عاملة ازاى وغير الشركات وطبعا عارفة يعنى اية عمارات كاملة

والعمارة مش اقل من ( 15 والا 20 ) دور كلها مكاتب شركات .

تخيلى لما كل دا كان واقف بقالة يجى 40 يوم .

او تخيلى انتى ساكنة هناك وكل ما تدخلى وتخرجى

تفتيش واية الى معاكى ورايحة فين وجاية منين

والا اكنهم اتولدو للتفتيش .

وياترى اية هى الحلول التانية الى بتقولو كانت تتعمل

وياترى لو مدخلوش اكل وشرب زى ما فى ناس بتقول

كنتو هتقولو اية عن الجيش وقتها عايزين يموتوهم من الجوع .

[Lost Pearl]

اقتباس المشاركة الأصلية كتبت بواسطة morshooo الوجى دا جابولهم ناس من اوربا والدول العربية ومن قطر نفسها ^_^ كان ناقص بس يجبولهم ناس من كوكب تانى . انا بس لية سؤال صغير انتى لو من سكان رابعه وطبعا الدنيا مكنتش واقفة فى رابعه بس خدى عندك ( مدينة نصر ) بالكامل ومدينة نصر طبعا سكانها مش عدد قليل والا المحلات الى فيها عددها قليل والا المولات عددها قليل انتى عندك فى ( مدينة نصر ) مش اقل من ( 10 والا 15 مول تجارى ) كل مول فية مش اقل من ( 80 والا 90 محل ) وعندك ( سيتى ستارز ) لوحدة اكيد روحتية وشوفتى المول فية محلات عاملة ازاى وغير الشركات وطبعا عارفة يعنى اية عمارات كاملة والعمارة مش اقل من ( 15 والا 20 ) دور كلها مكاتب شركات . تخيلى لما كل دا كان واقف بقالة يجى 40 يوم . او تخيلى انتى ساكنة هناك وكل ما تدخلى وتخرجى تفتيش واية الى معاكى ورايحة فين وجاية منين والا اكنهم اتولدو للتفتيش . وياترى اية هى الحلول التانية الى بتقولو كانت تتعمل وياترى لو مدخلوش اكل وشرب زى ما فى ناس بتقول كنتو هتقولو اية عن الجيش وقتها عايزين يموتوهم من الجوع .

ههههههه هم كل ده جايبين ناس تقنعهم باي حاجة عشان تمشيهم

و هم طلبهم كان واضح يعني

كل ده سوء تصرف من قيادات الجيش >> لأن هم اصلا ناس مش بتوع سياسة زي ما كنا بنقول عليهم بعد تنحي مبارك و لا ايه

انا مش بقولك انه ده اثر بشكل سلبي علي اللي حوالين رابعة

لأ طبعا اثر و نص ،، و وقف حال ناس كتيرة جدا اكيييد

بس السياسيين شغلتهم ايه الا التفاوض يعني ،، لو كان فـ نيتهم انهم يتكلمو معاهم بجد و يراضوهم كانو عملو كدة

بس هم كانو بيهددوهم او بيقولو اقتراحات و هم بيرفضوها >> و ده حقهم زي ما احنا رفضنا قبل كدة ان مبارك يعد لحد اخر فترته ،،

بس بقي من الاخر ،، السياسة دي مقرفة حقيقي

[العاشق الذى لم يتب]

كلام جميل
وحوارطويل
ماأقدرش أقول حاجة عنه
غيرتسلموا انتم الاتنن
طبعا الاختلاف فى السياسة لايفسد للود قضية
كلام اخويا طارق فيه الكثير من المنطقية والحكمة
ولكنى اتحفظ على بعض النقاط اوبمعنى اصح بعض الصفات والتى وصف بها الاخوان وكذا مرسى
سعدت وانا اتابع اسئلتك الجريئة يارشرش
واتعيش وتتحفنا كما تعودنا منك

تقبلوا تحياتى وودى

[~♥ Queen sozan♥~]

لا الحلقة حلو . الله ينور يا مورشو

واجبات طارق بتعبر عن وجهه نظرو .. وتحترام
ولا ون اكتر الاعضاء هتفهم انك كدة
مع الناس اللى مضحوك عليها يا طارق

وبتصدق اى حاجة ..

ومنتظرين الحلقة القادمة

[حَرفُُ هجآءّ]

انا مش معى رجوع مرسى وده عشان اسباب كتير منها ضعفه الشديد فى الحكم
لكن احنا بنتكلم على الاعتصام نفسه
انت دلوقتى مقتنع برأيك وغير كذلك
والناس دى مقتنعه برأيها واللى شايفينه
ينفع بئا اجور على حق الناس لتحقيق حقى انا
فى يناير اعتصم الشعب ومش كله طبعا
وطلع اللى كانوا ايام مبارك روحوا ونتفاوض
ونغير فلان ونشيل علان
كان حد سمع كلامهم؟
طيب لما خرجت الشرطه على المعتصمين فى التحرير وموتوا كتير
خرج اد اللى فى التحرير اضعاف مضعفه والنتيجه سقطت الدوله
شوف اللى حصل فى رابعه والنهضه خلص خلاص
واللى بيطلع لاسقاط الحكم العسكرى دلوقتى اكتر من اللى كانوا فى رابعه
عايزين حل واضح وصريح
محاكمه السيسى ومحمد ابراهيم
بكل بساطه
انا ازاى ادى الامان لحكومه قاتله طاغيه اهدرت ابسط حقوق البشر
السيسى يتحاكم محاكمه ثورية
مع ان اللى بيقتلوا دلوقتى بيخرجوا براءة
ده حتى اللى عمله السيسى بدون تفكير ووعى
احنا بطبعنا شعب عاطفى حبتين
لما عمل المذابح دى الناس دلوقتى بتقول مرسى معملش كده
وبعد ما كان مرسى مرفوض دلوقتى بئا رمز لثورة على الحكم العسكري

الحل السيسى ومحمد ابراهيم يتحاكموا عشان البلد دى تهدى
مهو مش ناس تموت واللى قتلهم فى نعيم سلطته
ده العدل
وانتخابات جديده

[ana aboodya]

الحلقه بجد حلوه اوي

[morshooo]

على فكرة انتو بتقولو حاجات بتاكد ان الجيش اخد الموقف السليم

انتو بتقولو يناير والجيش ومعملش كدا

عشان الجيش شاف ان الشعب مش عايز مبارك

والجيش اعلن انة مع ارادة الشعب

ودلوقتى نفس الموقف حصل الشعب نزل ومش عايز مرسى

والجيش اعلن انة مع ارادة الشعب

ودلوقتى بتهاجمو الجيش هو عشان الجيش

مش مع ارادتكم يبقى الجيش بقى خاين فجاة

المهم انتو شايفين ان الشعب عايز اية بالظبط

حتى لو فض الاعتصام حصل فية تجاوزات ياترى

لازم او اجبارى ميبقاش فى اخطاء مفيش اى بشر مبيغلطش

مش شرط الجيش او الداخلية لما داخل قرار وتنفذة يكون مثالى

انتى عندك دول كبيرة ومن اقوى الجيوش فى العالم وبتاخد قرارات

وبتعمل عمليات وبيكون فيها اخطاء منها ( امريكا )

كتير عملت هجمات ومنها مثلا ايام ( بن لادن )

الدولة اتكلفت المليارات وضربت ناس وموتت ناس وفى الاخر

يطلع الهجوم او القرار كان غلط .

[Lost Pearl]

لأ طبعا في حاجات الغلط فيها مش مسموح

مش مسموح باهدار روح واحدة يا احمد ابداااااااااااااا

ما بالك باللي حصل

و مش معني ان دول كبيرة غلطت و قتلت ناس

نقول احنا كمان عادي نغلط

يغلطو و لا يولعو فـ بعض

بس احنا منغلطش ،، خصوصا فـ الارواح

كان ممكن يبقي اخوك او اخويا ،، اكيد ساعتها موقفك هيبقي غير

و باقي ردك ده اختلاف فـ وجهات النظر بقي

[morshooo]

اقتباس المشاركة الأصلية كتبت بواسطة lost pearl لأ طبعا في حاجات الغلط فيها مش مسموح مش مسموح باهدار روح واحدة يا احمد ابداااااااااااااا ما بالك باللي حصل و مش معني ان دول كبيرة غلطت و قتلت ناس نقول احنا كمان عادي نغلط يغلطو و لا يولعو فـ بعض بس احنا منغلطش ،، خصوصا فـ الارواح كان ممكن يبقي اخوك او اخويا ،، اكيد ساعتها موقفك هيبقي غير و باقي ردك ده اختلاف فـ وجهات النظر بقي

وهو مين قال ان اهدار الدم حلال

والا انا قولت ان الناس الى ماتت تستاهل انها تموت

لكن .

لو شايل سلاح وبيضرب بيه وشغل ارهاب يبقى هو الى عمل كدا فى نفسه

والدليل على كلامى هو لما ناس بتدخل تضرب كامين فى ( العريش ) مثلا

وبيموتو ياترى دا يتقال علية حرام قتله .