الحلقة الخامسة من ( لمن يجرؤ فقط ) مع ( SiLver Spectra )

[حَرفُُ هجآءّ]

اقتباس المشاركة الأصلية كتبت بواسطة morshooo اها اشوفة من على الجزيرة هههههههههه الى كانت كاتبة اهل بورسعيد يتغلبو على الحظر وهم معندهمش حظر اصلا ^_^ والا كل يوم بليل يكتبولنا اهل ( ..... ) يتغلبو على الحظر ويخرجو بالالاف وهم كلهم على بعضهم 100 والا 150 واحد . عموما هشوف الفيديو

هى الجزيره هتجيب كومبرسات تحطهم فى رابعه يمثلوا فيلم الموت الكبير
ههههههههههههههههههههههههه
بص انت مش هتقدر حجم الناس اللى بتزل الا لما تنزل بنفسك
انا امبارح كنت فى مسيرة مش هقول مليون عشان مكدبش
بس عدد رهيب

بص انا شوفت اعاده برامج على السى بى سى
عن امبارح
جايبين صور على الشاشه ان مفيش تجمعات فى مصر
جيبي ايه بئا صورة لغمره
صوره لمسجد الحصرى
صوره لرمسيس اللى الجيش محتلها
ومش جايبين حلون مثلا اللى كل يوم تطلع مسيره رهيبه
ولا اسكندرية
ولا اطفيح ولا مدينه نصر امبارح
ولا المهندسين امبارح
فاكر ايام يناير لما التليفزيون يجبلك الكوبرى فاضى بالظبط كده
ووقتها الجزيره هى بردوا اللى كانت بتجيب الميدان والمظاهرات على مستوى الجمهوريه
دلوقتى الجزيرة بئت كخه

[morshooo]

والنبى بلاش مسيرة المهندسين
عشان شوفتها بعينى هههههههههه
الباقى مشوفتش بس طالما قولتى المهندسين
يبقى طمنتينى على الباقى

[همسه الجوارح]

توبيك جميل وشخصيه معروفه بثقافتها وفكرها
والدكتور طارق معروف بارائه
الواحد بصراحه لا له فى مرسي ولا له فى غيره
هيعملنا ايه الرئيس يعنى
بقالنا سنتين من غيره عايشين
الواحد بس بيتقطع من جواه على كميه الجثث
كل يوم وخربان البيوت وتيتم الاطفال
والدم اللى بقا زى الميه
دى دم مصريين مسلمين
وفى ناس كتير راحت وسط الرجلين
لا هى اخوانيه ولا تبع الجيش ولا الحكومه
ومنهم واحد جارنا
لا له فى التور ولا ف الطحين
اولاده اتيتموا ذنبه فى رقبه مين

يارب احقن دما المسلمين
منور يادكتور
منور مارشو ظواهر

[Mo chahin]

انا اخدت الحلقه خُطيفي كده عشان الافتتاح اللى انا فيه

هرجع تانى لانى لاحظت ان طارق مش ناوى يعديها ع خير هععع

ربنا يباركلك يا طارق والله مافى اطيب منك

وليا عوده عشان نعقب على الاجابات بتاعت طارق

حلقه متميزة يا مورشو كالعاده

[واد حبيب]

اقتباس المشاركة الأصلية كتبت بواسطة حَرفُُ هجآءّ هههههههههههههههههههههههههههههه ال6000 دول على مدار 10 ايام اللى ماتوا من الجيش والشرطه كام بالظبط صحيح اكيد فى ناس ماتت من اماكن تانيه بس مش هيجوا ربع اللى ماتوا فى رابعة والنهضه

هما اللي ماتو من الشرطه والجيش دولت
مش تابع الجيش المصري
ولا احنا مستوردنهم من البرزيل

[Mo chahin]

من الحاجات اللى بتعجبنى فى طارق كا انسان ومواطن عادى ..

انه مدرك وواعى جدا للى بيحصل حواليا ..

امال ليه الواحد بيستنى موضوعاته التثقيفيه اللى بينزلها كل فين وفين ؟

ماهو عشان يستفيد شويه من خبراته .. ودا مش عيب ان الواحد يتعلم من غيره ..

دا غير تصرفه بعقلانيه فى جميع الموضوعات المطروحه امامه ايا كان نوعها ..

ومش هقول تانى بقى انه انسان طيب وكويس جدا ..

انا كـ شاهين بحبه لله فى لله ..

وانا بتفق تماما فى ما يتعلق بالنقط السياسيه اللى احمد عرضها وطارق جاوب عليها ..

حبيبي يا بو طارق ويا حبيبي يا مورشو

[SiLver Spectra]

ايه يا جدعان
أنا أروح و آجي الاقي الموضوع بقى 7 صفحات

المهم ماحدش ادانا حل
يعني لو المفاوضات فشلت ..ايه الحل ؟

أنا كنت كاتب في استضافة قريبة قبل ما الاعتصامين يتفضوا
و كان السؤال : شايف ان في تفاؤل قادم في الفض
قولت مش شايف تفاؤل لا في استمرار الاعتصام و لا في الفض
لان الاولى فيها فوضى و انعدام للدولة و دم
و التانية هيكون فيها دم اكتر لان في ناس تم تغييبها من الشيوخ (اللي هما اول ناس هربوا) عشان تموت في مكانها

فهو الكلام سهل ..بالذات و انت حاطت ايدك في مايه بارده و تقول : ماكانوا يتفاوضوا
امال هما بقالهم شهر و نص بيعملوا ايه !!
لو هتسيبهم على طول فخلاص بقى خليهم يعملوا المخيم بتاعهم و نخش في نموذج لبنان !

انا مش شايف اي حد قدم طريقة تفض بيها اعتصام مسلح !

كمثال آخر .. و دا للوست بيرل بما انها مراقبة
سهل جدا تلاقي عضو جاي يقولك : انتي ليه اديتي لفلان حظر ليه مش حذرتيه و تفاوضتي معاه و نبهتيه
هتردي عليه و هتقولي : ما انا نبهته كتير و مافيش فايده بيخالف برضو و مش راضي يراجع نفسه
فبرضو العضو اللي حاطت ايده في مايه بارده هيرد و هيقول : لا لا مش مقتنع بالحظر دا ..كان المفروض تتفاوض

يا ابني طيب و بديل التفاوض ايه ؟
يعني لما التفاوض يفشل و العضو دا مش يدي اي درجة للاستجابة و قاعد عشان يتحظر
هتعمل ايه !؟

و ضيف على كدا كمان ان الاعتصام كان ليل و نهار بتطلع منه مسيرات لمؤسسات تانيه من الدولة و كان بيعمل ارهاق امني يومي في متابعة مسار المسيرات و تامين المؤسسات اللي رايحالها
دا غير افتن اللي بتبث من المنصة و انشقاق الجيش و التصريحات المعادية و غيره
يعني قول للامن القومي بتاعك مع الف سلامة ..احنا بصراحة كنا في شبه دولة

و الاخوان مش عايزين يفهموا ان في غضب من الشارع و دي المصيبة
هما مفكرين ان اللي ضدهم شوية فلول و بلطجية !
و مهما تحاول تقنعه انك منبوذ و ان الناس مش طايقاك يقولك ل احنا زي الفل ..انتوا بس شوية فلول
فدا واحد تعرف تتفاوض معاه!

كان لازم يحصل فض لوضع حد ليهم
و بصراحة شغل الدلع دا مش نافع ..
و بمناسبة الشريعة و كدا
فالشريعة كانت صارمة جدا مع قطع الطرق و ماقدمتش اي رحمة ليهم
هو في اكتر من اني اقطع ايدك و رجلك !

و لا هو الدين ماكنش انساني !!!
في امور معينه مافيش فيها هزار .. و عايزه واحد يكون قلبه ميت

ثم ابدا بدراسة الموقف قبل و بعد الفض بشكل امني
ايه الافضل ؟
مش الامور هديت شوية دلوقتي و التصعيد وقف ؟

[SiLver Spectra]

البلد دي لو كان ماسكها شوية ستات كانت خربت هههههه
مش بتلاحظوا ان الولد دايما بيتمرد على امه و مش بيعملها اعتبار زي ابوه ؟

ليه بقى ؟
عشان امه بتدلع فالواد بياخد عليها و بيستهيف عقابها لانها مش بتنفذ حاجه
لكن تلاقي الواد بيترعب من ابوه ..عشان ابوه مسيطر و لو اداله امر و خالف بيعاقبه جامد
فالواد تلاقيه بيعمله حساب و بيلتزم بأوامره اكثر من الأم اللي كتير بتكون فاقدة السيطرة عليه

دي حته كدا لاسيل بتاعت النصائح الاجتماعية

[Lost Pearl]

اكيد البعيد غير اللي فـ الموقف نفسه يا طارق (و القتل حاجة لا تقارن بالحظر )

بس انا بقول التفاوض كان تفاوض وهمي ،، بمعني ان بيتفاوضو فـ حاجة مش مقبولة بالنسبة للمعتصمين >> و محدش قرب الحلول ليهم ،، كانو ممكن يهدوهم من اول يومين لو فهموهم صح

انا معاك ان اللي كانو بيطلعو ع المنصة دول مستفزين (و جدا كمان) بالذات استاذ صفوت حجازي ده

بس هم اغلبتهم كان مؤمن بحاجة مهمة جدا بالنسباله ،،

تخيل لو مرسي اول ما مسك كان اعتقل مبارك و حطه فـ مكان محدش يعرفه ،، هل كان حد هيكست او يرضيه الاسلوب ده ،، مع ان ده مبارك اللي لو مات هتنبسط يعني ..

الامور مهديتش و لا حاجة ،، المسيرات اهي شغالة اد كدة

ربنا يصلح الحال بقي ،،

طبعا الستات مينفعش يحكمو حاجة ،، عشان احنا بنفكر بمشاعرنا اكتر شوية

[حَرفُُ هجآءّ]

اقتباس المشاركة الأصلية كتبت بواسطة واد حبيب هما اللي ماتو من الشرطه والجيش دولت مش تابع الجيش المصري ولا احنا مستوردنهم من البرزيل

تبع الجيش اكيد
لكن مفيش مقارنه بين العدد ده وده
وده بردوا اللى يثبت من اللى افرط فى استخدام العنف
وبعدين كله دم وسال على الارض
الشرطه والجيش لهم حقهم اكيد
والقتلى من رباعه والنهضه اكيد لهم حقهم وان شاء الله يرجع للكل