متحف الفجـــر للكتابه

[*فجر الاسلام*]

أتركونا (مسابقة الفضفضه)( 1)
السلام عليكم ورحمة الله وبركاته
صورة

اتركونا نعيش كما نريد
اقترب العمر من الانتهاء حتي متي سنكون مقيدين
اتركونا نحيا حياه جديده ليس فيها حزن او سكوت
رغم انكم من علمتونا ان نعشق الوحده والصمت
لكن اتركونا نخرج من عالمنا هذا
الي هذه الدنيا التي لانعرف عنها سوا اننا علي قيدها فقط
اتركونا نرى اخطائنا فنبصرها ونتعلم منها
اتركونا نسمع ضجيج هذا العالم
اتركونا نستنشق عبير الحريه
لاتقيدوا امالنا واحلامنا وتقتلوها بداخلنا
اتركونا نخطئ ونتعلم نفشل وننجح
اتركونا نعافر فى هذه الحياه بمفردنا
اتركونا قبل ان نترككم .

تحياتى

[*فجر الاسلام*]

ظلام ...مسابقة الفضفضه (2)

السلام عليكم ورحمة الله وبركاته حـــر عندما نسير خلف شئ ندرك انه ليس لنا ونتمسك به اليوم ونحن ندرك انه سيتركنا غدا كاحلام وهميه وامنيات غريبه لاتليق بواقع انانى لايفكر باحد ومع ذلك نركض خلف هذه الاشياء فنحن تحولنا الى عميان لانرى الدنيا ولكن نشعر بها ولكن مافائده الاحساس ونحن فى هذا الظلام واحيانا نقنع انفسنا ان هذا الظلام هو بمثابة حياه لنا وانه سيزول غدا بالتاكيد ولكن نحن من نتوهم بهذا حتى لانبصر فنرى ماقد يؤلمنا من الدنيا والقدر فلن يزول الظلام الا اذا سمحنا للنور ان يتسلل لاعيننا فنرى الواقع على حقيقته تحياااااااااااتى فجـــر

[*فجر الاسلام*]

كدبه بيضا

السلام عليكم ورحمة الله وبركاته كدبه بيضا ليها وش من وراها الف غش الخداع مغطيها والسودا ليها عش كدبه بيضا مداريه والسوده هى هيه مالهاش اى لون ولا ليها كام نيه هى كدبه دى اسمها بيها هى عرفتها مش ليها كلمه تانيه مهما انت وصفتها مالهاش مبرر غير لما تبقى فى الخير لما تصلح بين اتنين ويبقى صافى الضمير اتعلم ازاى تكون من اصدق العيون تبقى عند الله صديقا لحد اخر الكون فجـــر 29/7/2017

[*فجر الاسلام*]

آخـــر مــره

السلام عليكم ورحمة الله وبركاته كل مره نحط نقطه ونقول دي خلاص اخرها ولبعض ناخد لقطه عشان يبقي العقل فاكرها كل مره نقول خلاص انتهت كل الحكايه بس يرجع الاحساس يجيب تانى البدايه كل مره بننهي فيها كل لحظه من المحبه ونقول بكره نداويها بس الفرقه والله صعبه كل مره نقول مشينا ولمينا فعلا ذكرياتنا وف شنطتنا دي حطينا كل موقف من حياتنا ولما نبقي خلاص هنرسي علي شط البعاد نلاقي قلبنا مايقسي ويرجع تاني المعاد امتا مره بس نقدر نمشي ومانرجعش تانى وقلبنا مره يصبر ويبطل يبقي اناني ويفكر مره ف حالنا وياخد بجد القرار يخلص خلاص سؤالنا وينتهي بنا المشوار وتبقي فعلا اخر مره وندوس ع اللي فات حتي لو هتبقي مٌره حتي لو قلبنا مات بس تبقي اخر مره فجـــر 3/8/2017

[*فجر الاسلام*]

يارب محتاجلك

السلام عليكم ورحمة الله وبركاته انا محتاجلك خليك معايا اتسند عليك واكمل دنياي حبك هو بيحييني بينور الظلمه جوايا انا محتاج اكون معاك عشان انسي همي وياك يانبض القلب والروح مشتاقه ليك ولرؤياك طمني وخد باديا ماتسبش الهم فيا هصبر طول ما انت سندي ولو الحمل كان عليا قوينى بوجودك جمبى وقوى كمان قلبى انت الدوا للروح اغفر يارب ذنبى فجر 7/8/2017

[*فجر الاسلام*]

احنا فى زمن...

احنا فى زمن الحقيقه فيه بتجرح والواقع فيه منسى والخيال قلوبنا بيه بتفرح والوهم عليه مكسى تحب روحك فيه تسرح ويعيش قلبك فى امسى والذاكره للالم مابتمسح وماشيه على الفاضى ولا راضيه ترسى على بر الامان وللدنيا تشرح ياريت تهدى وماتقسى عشان بقى كل مانطمح تسبينا وحياتنا ياريت تنسى فجر 8/8/2017

[*فجر الاسلام*]

بكره ييجى .

السلام عليكم ورحمة الله وبركاته هتفرج بكره ماتقولوش ان الضيق مطول ماتحزنوش ده اللى فى رحاب ربه مطمن ان الدنيا ماهتاذهوش دى ايام وهتعدى وزى ماالحياه بتاخد بتدى ومش هتيجى تانى ضدى بكره ييجى ماتياسوش والفرحه تيجى معاه وكل جرح هننساه واجهوا بقوه الحياه ومنها ابدا ماتخافوش واتمسكوا بالحبيب رب القلوب وليها طبيب سامع الدعاء ومجيب بس عنو ماتبعدوش فجر 12/8/2017

[*فجر الاسلام*]

ظهر الفساد
السلام عليكم ورحمة الله وبركاته
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ
لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ

الفساد فى الارض لا ياتى من فراغ
ومش معنى قولنا فساد يبقى تخريب بمعنى تخريب فى الارض بس
ولكن
مانبقاش بنطلع على المنبر ونقول قال الله وقال الرسول
واحنا بناذى فى خلق الله ولسانا بيجرح ومخاصمين نص البلد
قال الله تعالى: ﴿ يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ * كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ ﴾
مانبقاش بناذن ونقول حى على الفلاح
واحنا ظالمين وواكلين حقوق الناس
ومتكبرين على الخلق
ماتبقاش الاخت ساتره نفسها ستار شرعى
ومش ساتره لسانها عن اذيه الخلق والغيبه والنميمه
هنا الفساد هنا الظلم للنفس هنا العقول المغيبه
هنا النفوس المريضه اللى محتاجه توجه نفسها الاول
قبل ماتوجه الاخرين

أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ ۚ أَفَلَا تَعْقِلُونَ

اللهم اجعلنا ممن يستمعون القول
ويتبعون احسنه

[*فجر الاسلام*]

ايام الفرح ....مسابقة العيد

السلام عليكم ورحمة الله وبركاته ايام الفرح قد هلت بميعاد فرح الكل بطلة الاعياد ليال عشر ويوم عرفه قد جاء لينال العباد الثواب وخيرهم فى ازدياد يا اضحى المحبةذكراك لا ينساه الفؤاد بالطاعة نستقبله وكانه الينا عاد خليل الله يبشرنا بالعفو ييوم التناد. يافرحة العيد كونى كالنور يمحى السواد عن امة الحبيب المصطفى ليسعد فيه الفؤاد فجر

[*فجر الاسلام*]

ليهم الف غيرنا

احنا مالناش غيرهم وهم ليهم الف غيرنا
والله كتر خيرهم لو فى يوم افتكروا خيرنا

كرهونا او حبونا مش هتفرق بالنسبالنا
بكره اه هيسبونا ومش هيردوا على سؤالنا

متمسكين اوى بيهم ومعلقين كمان طموحنا
وعارفين ان اديهم هى ف يوم هتجرحنا

العيب طبعا فينا عايشين مع اوهامنا
لو نقدر بادينا نبعدهم عن ايامنا

كان زمانا خلصانين ومرتاحه كمان قلوبنا
لكن احنا طماعين وده اكبر عيوبنا

عايزينهم لينا وبس وابدا مايسبونا
وقلبهم بينا ماحس ولا كانهم يعرفونا

خلاص بالسلامه وماتخافوش علينا
مش هتقوم القيامه لسه النفس فينا

فجـــر
21/8/2017