متحف الفجـــر للكتابه

[*فجر الاسلام*]

أيها الصبر

لست بعيدا عن قلوبنا المتالمه

ولا عن اجسادنا الموجوعه

ايها الصبر انت لست بعيد

اقترب اكثر حتي نرضي بما كتبه الله لنا

اقترب حتي نتحمل

حتي نصبر علي الدعوات التي نرسلها كل يوم الي السماء

اعطنا القوه لننتظر استجابة تلك الدعوات

كن بقلوبنا حتي تجعلنا نعيش يومنا هذا دون التفكير بما حدث بالامس

او ما سيحدث غدا

كن بالقرب فوجودك يخفف الاقدار

كن بقلوبنا دائما واعطنا الامل في غدا مشرق بالعافيه وبالفرح والسعاده

الهى ارزقنا الصبر لنتحمل مالانستطيع تغييره
/07-24-2016

[*فجر الاسلام*]

انتى كل الحنان (شاعر العاميه)

يا أمى
الدمع مش سايبنى..شيلنى هم السنين
بقيت أكبر من سنى..محتاجه للحنين
يا أمى قربك منى..بينسينى الأنين
قوليلى إيه يصٌنى..علمينى يا نور العين


يا بنتى
الدنيا دى قصه..لازم تقرى السطور
وتاخدى فيها كم حصه..عشان تفهمى كل دور
خليها دايما ف بالك..الأخلاق ليكى نور
وأدبك ده سر جمالك..هتبقى أحلى من الحور


يا امى
كلامك كله حنان..علمتينى إزاى اعيش
حبك حب الرحمن..حياتى بدونك ماتساويش
حضنك فيه كل الأمان..عليا أبدا ماتخافيش
بس أخاف من الزمان..ف يوم عنى ماترضيش


يابنتى
قلبى هو قلبك..إنتى نور فى دنيتى
وحياتى فى قربك..هى أكبر فرحتى
ورضايا من حظك..مهما كانت قسوتى
كله عشان بحبك..وسعادتك أمنيتى


خلينى فى حضنك خلينى.كلامك بينسينى الاه
دى فرحتك بتداوينى..وقربك عندى بالحياه
عشتى عمرك بترضينى.وتحببينى فى الإله
بتمنى إنك تسامحينى..هو ده اللى بتمناه
/07-24-2016

[*فجر الاسلام*]

خلص بنــــا الكلام

وندمنا واللي كان كان

وعمر ماهيتصلح اللي اتكسر

بعد مافهموا كلامنا اشكال والوان

ايه اللي ممكن يتفسر

لوهنفسر كانت سليمه نيتنا

لكن الفهم خد طريق الاوهام

ندمونا اننا اتكلمنا كان لازم نسكت ومانسمعهم كلام

قولولنا بعد الجراح إيه ممكن يتقال

هنعتبر كلامكوا ده راح وخلاص هنمنع السؤال

وكأننا ما اتقبلناش والطريق اللي بنا مقفول

مش مهم لو ماسألناش مش مهم مين المسئول

عشان خلاص خلص بنا الكلام .
/06-14-2016

[*فجر الاسلام*]

ردا على رائعة حكاية حب مش هكتبلك تاني

تعبت عشان ارضيك وتعب منك الإحساس

وحروفي اللي كانت ليك انا همحيها خلاص

ومش هكتبلك تاني ماتستاهلش كلامي

وطبعك الأناني اتمحا من قدامي

لماتبقي انسان يعرف بجد يحب

ابقي اخلي الالوان ترسمك تانى ف القلب

دلوقتي خساره الحبر عشانك يضيع ع الورق

بعدما اتعلمت الكبر والإهتمام منك اتسرق

فمش هكتبلك تاني

لاني بكتب للغالي اللي بجد يقدرني

وانت نسيت حالي وبقيت مش معبرني

يبقي اكتبلك ليه ماتستهلش اوصف كيانك

وكلامى مش هتبقى فيه مش هتعب تفكيري عشانك

فمش هكتبلك تاني

/08-08-2016

[*فجر الاسلام*]

الغلط مالينا

ماتقولوش حاجه مش فينا

عشان ماطلعوش عنينا

وتخلونا نصدق ده

وهو الغلط مالينا

وتعلوا سقف طموحنا

لحد مايقع علينا

فيها إيه لو تقولوا

يمكن كلامكوا يخلينا

نبص علي عيوبنا

ولطريق الصح يهدينا

اللي يحب حد ينصحه

مش يكدب عشان يرضينا

مش يسكت لو اتكلمنا

وهو عارف كلامنا هيأذينا

لو احنا حبايب بجد

من عيوبنا هيداوينا

ويقولنا ده غلط

كده هنحس بحبه لينا

/07-27-2016

[*فجر الاسلام*]

مصرياحبيبتي(شاعر العاميه)

مصر ياحبيبتي ياحضن يضمنا .. ياشمس تنور طريق حلمنا

ياروح ساكنه ف كل واحدمننا .. ياتاريخ عايش في دمنا

http://st-takla.org/Gallery/var/albu...f?m=1419425419

مصر ياحبيبتي يا أم الدنيا يا أصيله .. يابيت مجمعنا علي أرضك الجميله

يانار تاكل كل إيد عميله .. تحاول تفرق منك العيله

http://st-takla.org/Gallery/var/albu...f?m=1419425419

مصرياحبيبتي يانور عنينا ..هنفضل نحبك يا أغلي مالينا

وهتفضل غلاوتك ساكنه فينا ..مهما يقسي الزمن علينا

http://st-takla.org/Gallery/var/albu...f?m=1419425419

مصرياحبيبتي كل الحكايه .. إن إنتي مش مجرد رايه

وحبنا ليكي مش قصيده أوروايه .. إحنا بنعشقك ومعاكي للنهايه
/08-01-2016

[*فجر الاسلام*]

القلب الاصيل
يابخت الناس اللى تشيل باديها دمعه كانت تسيل

وكلامها ده يمحى الالم من غير عتاب ولا ندم
والكره منها اتعدم وماتنتظرش رد الجميل
هو ده القلــب الاصيل

قلب يحب كل الناس ومابيجرح الاحساس
والحب عنده شئ اساس والخير ليه هو الدليل
هو ده القلب الاصيل

ينسى الالم ينسى الجراح ينسى الماضى واللى راح
عنوانه دايما السماح قلب مالوش مثيل
هو ده القلب الاصيل

قلب مليان بالوفا مايعرف الغدر ولا الجفا
بجواره يبقى الشفا وكل القوب ليه تميل
هو ده القلب الاصيل

بيحب ربه وماينساه عايش يتمنى رضاه
بيمضى دايما فى الحياه كانوا عابر سبيل
هو ده القلب الاصيل

/08-24-2016

[*فجر الاسلام*]

الـــهـــي


الهي انت الذي من نورك يرتوي قلبي
يسعده ويداويه فكن دائما ياحبيبي بقربي




حبك يأثرني يغمرني ويحتويني
دائما انت تسمعني وكلامك يداويني




الهي نظرتي تراك في عفوك ورحمتك
في غفرانك في حماك ففي القلب محبتك




قد اتخذت الصبر نورا في طريقي
فانت تحبه فمنه العبر فجعلته رفيقي




لا اخشي بشر فالكل تحت ارادتك
فلن اصاب ب شر فثقتي‎ ‎جزء من عبادتك




فاحط قلبي بنورك ولاتمكن الظلمات مني
واجعله يأنس بحضورك واغفر قبل ان تأخذني

احبك ربى
فجـــر
/08-26-2016

[*فجر الاسلام*]

نفسي افضفض

ونفسي افضفض ياناس بس الكلام مش راضي يطلع
اصل انا عندي احساس ان مهما اتكلمت محدش هيسمع

ولوسمعوا إيه هيفيد اصل كلامهم مش مقنع
ومافيش فيه جديد مر قبل كده ع المسمع

هيفيد بس بإيه حديثهم للسانهم هيرجع
واسألتهم كده بس ليه فللإجابه مش هخضع

واتعبهم ليه معايا واتعب نفسي واصدع
اخلي اللي جوايا جوايا وعن الكلام احسن أمنع

[*فجر الاسلام*]

السعاده ^_^

السعاده ليست بعيده هي في داخلنا

إذا فقط اعطينا فرصه للنسيان أن يأخذ مقعده

السعاده تأتي إذا فتحنا لها الأبواب واغلقنا في وجهه الحزن الباب

أنت بيدك أن تسعد نفسك بنفسك

النسيان ليس بأيدينا لكن بأيدينا أن نتجاهل الذكريات السيئه والأحزان المميته

فإذا تجاهلت سيأتيك النسيان علي طبق من ذهب

لاتغلق قلبك وعقلك وتقول كيف لي أن أنسي ..!

وكيف لك أن تعيش حياتك هكذا غارق في حزن قد مضي

والله أعطاك يوما جديدا لتحيا روحك من جديد
لتمضى تاركا ما مضى ومتفائلا بما سياتى

فإستعن بالله وأمضي وإبتسم

والله لايترك قلبا توكل على الله واستعان به
الله لن يتررك تغرق فى احزانك فهو يحبك
فلاتحزن