هتعرفي تفتحي بيت؟

[دمعه حائره]

اقتباس المشاركة الأصلية كتبت بواسطة دموع الصمت هعرف اكيد هيدينى مفتاح 🤭🤭 حبيبتى يامنونه كلمة هتعرفى تفتحى بيت مش تتقال للبنت محدش قال انى عشن اتجوز وافتح بيت ابقى مقهوره ولا اشيل مسؤليه لوحدى ابدا وانى استحمل ضغط حياه بكل ظروفها لوحدى واخاف من كلمة مطلقه اصلى الناس هتتكلم عاليا والمفروض ندفن بعدها لو الانسان ده مش كويس وتقدر تكمل حياتها لانها بتختار رفيق عمر يكون اب واخ وصديق وحبيب وزوج يبقى الله الغنى تفضل فى بيت اهلها وعوزه اقولك كده كده الناس مش بسيب حد.فى حالو مش اتجوزت ياه انتى كبرتى واللى قدك خلف وعيالو معه اطلقتى بيتحكم عليكى من اقرب الناس ليكى حتى الارمله بيتقال عاليها بردو نحس بمعنى مس هنعلق حياتنا ابدا عشن رئى الناس هتفتحى بيت بالحب والعشره الطيبه بالاصول هيرعى وجودك وهيبقى سند ليكى اكيد بيتك وقتها هيكون قصر حتى لو ظروفكم على قدها الموده والرحمه مش ان واحد يستحمل والتانى يفرض سيطره لمجرد انو راجل والست المفروض تستحمل مش عارفه هتفهمينى ولا لا يامنونه

لا انا قولت الحياه مشاركه لكن في اساسيات وكل واحد يعرف مسؤل عن ايه
وطبعا ضد العنف او القهر مع اي طرف والا متبقاش حياه سويه
والموده والرحمه مطلوبه من الطرفين
لكن ضد الاستفزاز لاي طرف ورمي الحمل كله علي طرف راحد
بس انا بوجه كلامي للبنت والام لان البنت هي السكن واساس البيت والاسره
لو صلحت هتعرف تمشي الحياه كويس
شكرا حبيبتي نورتي

[دمعه حائره]

اقتباس المشاركة الأصلية كتبت بواسطة big bốss المثل المناسب فى الحاله دى اكفى القدره على فمها تطلع البنت لامها و فيه مثل تانى المراه تدخل جوه البحر تطلع ناشفه فمن منطلق هذا البنت لو امها فتحت بيت هتطلع زيها اما لو كانت هى راجل البيت هتطلع معقده و فاشله و النتيجه اولاد مشرده و طلاق و محاكم

هي المشكله مش مين يسيطر لكن المهم ان يكون التعامل باحترام
وكل طرف يعمل مسؤلياته بضمير
وفعلا الام عليها عامل كبير انها تربي ولادها سواء ولد او بنت
ازاي يحترم غيره ويكون قد اي مسؤليه يتحط فيها
شكرا نور نورتني

[دمعه حائره]

اقتباس المشاركة الأصلية كتبت بواسطة اندرسون المفروض يكون بين الزوجين خطوط عريضة بيتفقوا عليها في محاوله عيش حياه مستقره لانه الوضع أصبح مؤسف الزوجين اصبحو عقولهم عقول اطفال للأسف

كلامك صح الاتفاق من الاول مهم جدا
وغير مقبول التراجع فيه وضروري جدا الاحترام والمحبه بينهم
تسلم نورتني

[دمعه حائره]

اقتباس المشاركة الأصلية كتبت بواسطة شاعر الحب الحزين لو الكل بيفكر بطريقتك كانت هتبقى الدنيا بخير للأسف الجهل متفشي بشكل كبير جداً في حياتنا إعلام ومسلسلات وأفلام وأغنيات وحكايات وصاحبات ورغبات ودجالين حاجات خلت بنات كتير تخرب بيتها بإيديها لازم البنت تعرف ايه معنى كلمة بيت واستقرار ولازم الأهل يبقوا عارفين هما بيجوزوا بنتهم لمين الجواز المبني ع التفاهم والحب والأهم الدين والخلق الحسن ده هو الجواز اللي بيبقى فيه استقرار أي كانت الظروف والأقدار أنا بحييكي منة على صدقك وكلامك الباني لا الهدام رسالة لكل البنات اسمعوا كلام منة ومتسمعوش رضوى الشربيني 😅😊 أتمنى يتم تثبيت الموضوع ليستفيد الجميع أحسنتي قولا ونصحا منة شكري وتقديري وامتناني 🌺

صدقت حسن الاختيار من الاول مهم جدا
طالمها ربوا بنتهم كويس وتعبوا معاها
يبقا تستاهل اللي شبهها ويقدورا بعض
شكرا ياخالد ربنا يسعدك

[دمعه حائره]

اقتباس المشاركة الأصلية كتبت بواسطة sorara انا شايفه ان موضوع البيت دا يرجع الاول لسن الزوج والزوجة وكمان الاستقرار المادي وبعد كدة تفاهم الزوجين كمان اعتقد ان مفيش ست هتقدر تفتح بيت لوحدها اكيد بالمشاركه والحب والأصول كل حاجة هتبقي كويسه

كل طرف عليه مسؤليات بيعملها ومينفعش يقصر الا لو عنده ظروف
خارجه عن اردته وليست تخاذل
وطبعا انا ذكرت المشاركه اهم نقطه لكن فيه بنات بتحاول تبدل الادوار
وده اللي عامل كل المشاكل
تسلمي حبيبتي نورتيني

[دمعه حائره]

اقتباس المشاركة الأصلية كتبت بواسطة احساسى صحيح كلامك كله جميل يا منة بس مين يسمع التيك توك والانستا خربوا الدنيا ع الاخر والدنيا بقت سداح مداح والبنات كلها بتبص لبعض ولما تقع الفاس ف الراس يرجعوا يعيطوا

دي حقيقه وانا شفت جروبات بنات بيصوا بعض علي خراب بيتهم
وكل واحده تفتي في حياة التانيه وتشقلبها
ربنا يهديهم
شكرا ياسر نورتني

[دمعه حائره]

اقتباس المشاركة الأصلية كتبت بواسطة ☆قيثارة الصمت☆ لا هيا هتعرف تفتح نت مش بيت من بعد مابقت البيوت مفتوحه على السوشال ميديا واتس وفيس وكل واحده بقت بتتباهى باللى عندها وبقت فى مقارنه واشمعنا ميكونش عندى وعندى زيها والدنيا خربت البنت بقت تحط سقف عالى لاحلامها وترفض تعيش فى الواقع وعلى القد او انها تتحمل مسؤليه بس فى النهايه التربيه والنشأه من ناحية الوالدين بتأثر جميل موضوعك منه تسلمى ويسلم حرفك

عندك حق فعلا وكل واحده بتقلد التانيه حتي في الطلبات وطريقه حياتها
وكل ده سبب المشاكل والطلاق ولازم الاهل يعلمو اولادهم كويس
قبل خطوه الزواج ازاي يتحملو بعض وايه مطلوب منهم
شكرا حبيبتي نورتيني

[فداااااااااااء]

كلام سليم جدا ونفس تفكيرى دايما لكن للفيمنستات رأى اخر
وهو الندية الرأس بالرأس واعيش ملكة وكل حاجاتى مجابة
الحياة بن الزوجين هي مشاركة بين الطرفين مش صراع مين يسيطر على التاني ويكون له الغلبة
لكن احنا بنعيش زمن المعقدات فيها طفحت سمومهم وبدأو للاسف يأثروا بعقدهم النفسية في بيوت كتير والنتيجة نسبة الطلاق العالية
خاصة واحنا امام جيل اتربي على المسلسلات اللي بتبيع الوهم لحياة مش موجودة الا في الخيال
سلمتى منة

[فــــــــــرح]

حوار دماغي ورمت وانا بفكر فيه ..!!
يعني بعد ما تخلص بنتي دراستها
ابتدي اجيب ورقة وقلم واقولها زوجك سيدك
والغسيل والتربية والاولاد !!

مش فاهمه يعني اي المطلوب من الامهات !!

طيب لو افترضنا ربنا ما اردش للبنت الزواج
بعد ما زرعت جواها ان زواجها امر مُسلم وانك حتتجوزي
والمقروض تعملي!!

لا طبعا بالنسبه ليا مبدأ مرفوض حفاظا على مشاعر بنتي
وعلى نفسيتها ممكن تكره الفكرة بعد الحوار دا

الاصح من وجهة نظري اني اغرس في بنتي قيم
واصول الاحترام .. اداب التعامل .. انا احسن من اخلاقي
مع زوجي قدام بناتي ومقصرش معاه

انا ماما حبيبتي لو عليها تركنا جنبها ومتجوزناش لحد
فمبالك تعلمنا ازاي نفتح بيت!!

لكن شفت تعاملها مع بابا الله يرحمه ويغفرله
وفالييت ومع اخواتي بقيت بعمل زيها دلوقتي لاني مقتنعه ان دا الصح

التعامل الانساني يُكتسب من مرئيات الحياة
مش يتعلم عشان نرضي شخص على حساب. اخر


شكرا منه عالطرح المستفز ههههه

[دمعه حائره]

اقتباس المشاركة الأصلية كتبت بواسطة فداااااااااااء كلام سليم جدا ونفس تفكيرى دايما لكن للفيمنستات رأى اخر وهو الندية الرأس بالرأس واعيش ملكة وكل حاجاتى مجابة الحياة بن الزوجين هي مشاركة بين الطرفين مش صراع مين يسيطر على التاني ويكون له الغلبة لكن احنا بنعيش زمن المعقدات فيها طفحت سمومهم وبدأو للاسف يأثروا بعقدهم النفسية في بيوت كتير والنتيجة نسبة الطلاق العالية خاصة واحنا امام جيل اتربي على المسلسلات اللي بتبيع الوهم لحياة مش موجودة الا في الخيال سلمتى منة

اكيد كلامك صح النديه هي بدايه خراب العلاقات
والحياه مشاركه فعلا وكل واحد عارف هو مطلوب منه ايه ولازم يتحمله
تسلمي حبيبتي نورتيني