مليش فيه

[شاعر الحب الحزين]

رجعيلي قلبي زي ما خدتيه

مليش فيه

رجعيه وبعدها براحتك انسيه

مليش فيه



وحشني قلبي اللي كان صاحبي

قبل ما يفكر يعرفك

دلوقتي لا انتي ولا هو جنبي

ولسه نفسه بجد يعرفك

قلبي مات من ثقتي وكتر حبي

ولساه بيحبك وبيستلطفك




رجعيلي قلبي سوبر ديلوكس

زي قبل أول دقة جواه ليكي

زي ما عرفتيه وصحيح العكس

ولا عرفتي حجم ثقته فيكي

مليش فيه رجعيلي قلبي وبس

وبعدها امشي مش هتقل عليكي




قلتي إن انتي هتحبيه

ولا مرة فكرتي تعاتبيه

كان حبك إنك تهمليه

تهتمي ف كل حاجة

ما قدرتيش تهتمي فيه

مليش فيه عايزك ترجعيه

زي قبل ما يسكن حبك فيه

مليش فيه



ش . ح

[ويبقى الأثر]

سلامة قلبك خالد ربنا يسعده ويطمن بالك اخى
بس ايه هوا السوبر ديلوكس

[ساحر الأحزان]

انت جميل

وتستحق الكثير

يا عذب الاحساس

وصاحب القلم الجميل

تحياتي وتقديري لك

[شاعر الحب الحزين]

اقتباس المشاركة الأصلية كتبت بواسطة ☆قيثارة الصمت☆ سلامة قلبك خالد ربنا يسعده ويطمن بالك اخى بس ايه هوا السوبر ديلوكس

يعني نضيف زي اللوكس 🙂
كلامك حنين كلامك دوا يا منة الله
الله يسلمك ويسعد قلبك الطيب يا طيبة
أسعدتيني بحضورك وكلامك ودعواتك القلبية منة الله
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ساحر الأحزان انت جميل وتستحق الكثير يا عذب الاحساس وصاحب القلم الجميل تحياتي وتقديري لك

بعض مما عندك يا صاحب الحضور المؤثر
والكلمات المشجعة النقية أبو المجد الحبيب
سلمت والنبض الطيب أخي الغالي أمجد
أسعدتني بحضورك وكلماتك الطيبة وتقييمك الغالي
شكري وتقديري وامتناني ❤️