ضيف في بيته مع واد حـبيب

[ساحر الأحزان]

بسم الله الرحمن الرحيم

اليوم بتعتبر حلقة من برنامج

ضيف فى بيتـة

ومعي عضو من اعمده المنتدي ويعتبر علامه من علامات المنتدي

ومعى مميز منتشر داخل المنتدي وكاتب صاحب قلم متعدد جميل ومميز

عامل يستضيف الناس قلت أستضيفه أنا معايه بقي ...

وهو العضو المتجدد

واد حبيب







أهلا بك معنا فى البرنامج


ونخش بقى على الأسئلة

ممكن نتعرف على بطاقتك الشخصية ؟

انا انسان بسيط عايش في الحياه زي ما ماتجي مش بدور عليها
اسمي محمد رمضان
خريج مدرسه الحياه مش بزعل علي حد غير اللي يعز عليا اوي
من محافظه الغربيه وتحديد من مدينه قطور

ترتيبك فى عائلتك؟
احنا اربعه اخوات انا ترتبي التالت في اتنين اكبر مني
بس في الحياه العامه من يوم ما ولدي اتوفي فانا الاول

مين أقرب الأشخاص ليك فى العائلة ؟
مفيش حد عندي متميز عن التاني كلهم ليهم معزه خاصه جدااا والغلاوه ليهم واحده

ياترى سرك عند والدتك ؟
انا اسراري اغلبها في قلبي مفيش حد يعرف عنها خاضه
ولدتي لما بكون عوز اعمل حاجه باخد رايها طبعا ده واجب عليا

ولا عند والدك ؟ولا عند مين أخواتك ولا أصدقائك؟
ولدي الله يرحمه مش كان ولدي كان اخويا وصحبي واخويا واقرب حد ليا
اصحابها ليها غلاوه خاصه في قلبي بس في حاجات لزم تكون في قلبك بس


صداقة الطفولة بتكون حلوة هل لك أصدقاء من الطفولة لحد دلوقتى؟
انا ليا اربع اصحاب من واحنا اطفال ولحد دلوقتي مع بعض ممكن الغربه فرقتنا شويه بس في تواصل مستمر بينا

واد حبيب

هل أنت

متسرع ؟
اي حد ما متسرعه

هادي؟
هادي اغلب الوقت

عصبي؟
الفتره الاخيره شويه ومعرفش ليه

أى الصفات أقرب ليك ؟
مش عارف الكل بيقول عليا طيب ومحترم مش عارف ليه هههه



واد حبيب

ذكرى تحب أن لا تنسا ها؟
كل انسان عشت معاه ذكره حلوه او ضحكه من القلب مش عوز انساها

..

وذكرى تحب أن تنساها؟
فراق الحبايب بس للاسف دي بتكون محفوره في القلب مش بقدر انساها



موقف عالق فى ذاكرتك؟
مفيش والله اي موقف معلق معايا خالي


حياتك الشخصية ؟

هل أنت من النوع المغلق على نفسة ؟
مش دايما بكون مقلق علي نفسي انا انسان بحب الضحك والفرفشه اغلب الوقت بس في اوقات لزم تكون مغلق علي نفسك لوقت معين


ولا من محبى الصداقات؟
مش كل واحد فضل معاك اسبوع ده يكون صديق انا من محب الصداقه بس لما تكون صداقه بجد مش صداقه علشان مصلحه

أم لك رئي أخر ؟
انا اقدر اتكلم انا مليش راي اصلا هههه


أية رئيك فى السياسة هل بتحب الكلام فيها؟
ياباشا نتكلم هيه موته ولا اتنين السجن للرجاله


وأية رئيك فى الوضع الحالى ؟
زي الهباب والله ياساحر ياخويا
كل يوم الوضع بيذيد صعوبه عن اليوم اللي قابله يمكن الي حد ما مش حسين بيه لكن محدود الدخل والناس اللي شغاله يوم بيوم فعلا عايشه في انتهار دايما
ربنا يعديها علي خير



ما رئيك فى المشاركة للسيدات فى السياسة ؟
ده شي كويس لزم يشاركو في كل حاجه مفيش فرق بين الست والراجل في العمل والجهد بس احنا عندنا مثل مش كويس في بريطانيا وايطاليا
ربنا يستر ومش يكونو زيهم احنا بنشحت لوحدنا



يا ترى مش حنشوف سيدة ترشح نفسها للرئاسة ؟
دي صعبه شويه الراجل الشرقي عامه مش بيحب الست تحكمه ودي هتكون صعبه او مستحيله

ولا رئيسة وزراء
دي ممكن وانا اوافق علي الموضوع ده بشطه


نخش على المنتدى

ما سبب معرفتك علي منتدي بنات مصر؟
من الاخ والصديق عاشق ولهان


أنت منتشر فى المنتدى بشكل جميل
اليومين دولت مش منتشر خالص والله

هل مقتصد على أقسام معينة ؟
تقريبا اغلب مشاركاتي في الاقسام الادابيه دي الاغلبيه مش معني كده اني مش بدخل اقسام تانيه لا بدخل كتير

أية السبب؟وهل ممكن نشوف كتابات جديده لواد حبيب
قريب ان شاء الله بس الفتره دي تعدي علشان بصراحه مش مركز في اي حاجه

مين الكاتب المفضل عندك فى المنتدى ؟
كل الاعضاء مبدعين هنا وكل واحد كتب كلمه من قلبه بشوف موضوعه مش لزم ارد ساعات مش بكون فاضي ارد عليه بس يكفيني ان اشوف ابداعه



ومين أقرب أصدقائك ؟
كل اعضاء المنتدي اصدقائي وبعتز بيهم

ما رئيك فى بنات مصر ؟
صديق الغربه الحقيقي وهذا يكفي

من حيث السلبيات ومن حيث الأيجابيات ؟
هوه مفيس سلبيات غير قله الدخول بس الايجابيات كتيره الحمد لله



ما أحب الأقسام عندك ؟

الشعر والخواطر


من هم الكتاب فى المنتدى المتابع لمواضيعهم ؟
كل الاعضاء اللي بيكتبو من قلبهم

أعضاء من المنتدي تربطك بيهم صداقه رساله منك ليهم للرجوع مع ذكر الأسماء
انا اكتب رساله للاعضاء اللي اكلت معاهم عيش وملح وعشنا اجمل ايام في الغربيه
عاشق ولهان ... جراج المشاعر ... قلب وكلمات ... كبرياء رجل .... جبل الخير... مشتاق لمصر بجنون
ارجعو المكان بجد وحش من غيركم

من العضو المنتدي أفتقد تواجده ؟
كل الاعضاء اللي كانو سبب في ضحكه من قلبي

من العضو تواجده يعطي نشاط للمنتدي ؟
العضو النشيط هوه من يفيد الاعضاء بموضيعه ومشاركاته مش يعمل كوبي لموضيع ومشاركات ملهاش اي لزمه


رساله منك لكل عضو غائب ماذا تقول فيها ؟
ارجع المكان في انتظار احبابه

تحب تقول أية للأعضاء فى المنتدى
انتو اجمل اعضاء في المكان التي احبه بجنون

بشكرك محمد علي الاهتمام بطلب الضيافه
سعيد بتوجدي معاك ياغالي

وأنتظرونى فى اللقاء القادم

[Fatma eissa]

لقاء شيق
لنجم المنتدي
وحوار جميل
تسلم ايدك ياامجد
مجهمود رائع

[Lamees]

محمد أطيب إنسان في الدنيا والله
ربنا يسعدك ويوفقك ويهدي بالك ويصلح حالك

شكرا يا أمجد على الاستضافه
مجهود رائع منك

[فــــــــــرح]

هدوء وبساطة وعفوية ..
حوار واستضافة مليئة بالدفء
عرفتنا بقتضاب على الاخ محمد رمضان
انسان يحب العمل بصمت وهدوء
مُنجز ويُعتمد عليه
( صاحب صحبه) ولا ينسى من المعروف شيء


شكرا استاذ امجد على الاستضافة اللطيفة
استمتعت رغم كرهي للدبلوماسية ^^

[يحيى الفضلي السودان]

جميل الضيف وجميل المضيف
دمتم سعداء وبصحة جيدة
تمنياتي لود حبيب بغال الصحة والعافية

[طبيب الهوى]

أخي الحبيب أمجد
فكرة برنامج قيمة تعرفنا على بعضنا البعض وتقرب بيننا أكثر
أحييك وأشكرك عليها
أما أخي الصغير محمد أبو إياد
مع أني لم أراه إلا أني قابلته هنا من خلال قلمه
ومحمد طيب جدا واللي في قلبه على لسانه
لا يعرف النفاق وجاد ودوغري
لهذا جميع أعضاء بنات مصر أحبوه
وأولهم أبو عصام
تحياتي وودي وورودي
أبو عصام

[دمعه حائره]

لقاء جميل مع اخ خلوق وطيب كلنا بنحترمه
طول فترة تواجده هنا قدر يسيب اثر جميل عند الجميع
ربنا يوفقك ويسعدك يارب
شكرا امجد

[العاشق الذى لم يتب]

ماشاءالله تبارك الله
والعين عليكم باردة
سعادة المدير شخصيا
وسيادة وزيرالحب
حياكم ومنورين اوى
والله زمان يسلاحى اشتقت لك فى كفاحى
ايوة كده فرحونا وشجعونا
ورجعوا ليناايام زمان
جميل الحوار
وجميل المحاور
وجميل ابو اياد
تحياتى

[أمير عسكر]

استضافة حلوه للأخ الطيب الودود واد حبيب
تعرفنا عليه بقتضاب لكن علانيته كسريرته
موفق أخي الطيب واد حبيب

وكل الشكر لك أخي العزيز أمجد
ودي وتقديري

[واد حبيب]

بشكر الأخ الغالي ساحر الأحزان علي الاستضافه الجميله دي
تسلم اخي الغالي