random variable

[ahmed 22]

2019
نورت الخرابة

[ahmed 22]

part of the great dictator speech \شارلي شابلن1940

طريقة العيش يمكن ان تكون حرة وجميلة
ولكننا ضللنا الطريق
سمم الجشع أرواح البشر
حاصر العالم بالكراهية
قادنا نحو الشقاء واراقة الدماء
قد طورنا السرعة لكننا عزلنا انفسنا
الالات التي تعطي بوفرة تركتنا محتاجين
معرفتنا حولتنا الي مخادعين
ذكائنا جعلنا قساة وغير لطفاء
نفكر كثيرا ونشعر قليلا
نحتاج الانسانية أكثر من الالات
نحتاج الشفقة واللطف أكثر من الذكاء
بدون هذه القيم ستكون الحياة عنيفة ونفقد كل شئ
الطائرة والراديو جعلا المسافة بيننا اقرب
ولكن طبيعة هذه الاختراعات تحتاج الي الطيبة الانسانية
والي وحدتنا جميعا

[ahmed 22]

سبحان الله

معظم المواضيع اللي بنزلها هنا من ساعة ما سجلت
دايما تتقبل وتنزل بعضها بيوم او اتنين مش عارف ليه
مع ان المشرفين بتاع الاقسام بتاعتها بيكونوا موجودوين يعني
او حتي اصحاب اللون الاحمر ..
والأغرب انه في اوقات كنت الاقي مواضيع في نفس
القسم اللي كاتنب فيه موضوع ليا بتنزل
وموضوعي مش بيتوافق عليه وبيتطنش
لحد ما حد يفتكره ..

يلا ربنا يهدي ..

[ahmed 22]

شكل المشرفين مابقوش يدخلوا المنتدي ولا ايه
في موضوع داخل علي اليوم الخامس اهو في قلم الاعضاء
ولسا في التلاجة ..

الا ما في يوم نزلت موضوع من ساعة ما دخلت المنتدي وظبطت ابدا هههههه

المفروض طالما اصحاب المنتدي باعوا القضية خلاص
يسيبوا بقا المواضيع علي الاقل تنزل بدون انتظار ..
وبعد كدا المشرفين لما يدخلوا يشوفوها حصرية ولا لاء ..

[ahmed 22]

السيرك القومي اللي فاتحه محمد علي بالسيسي بوائل غنيم ده لذيذ والله
فتح افاق جديدة في دماغ الواحد للتفكير

الواحد فجأة حس ان الدنيا اخر سنتين اختلفت كتيررررر جدا في مدة قصيرة جدا جدا
لدرجة ان الواحد حس انه ماكنش عايش هنا ..
حاجات كتيرة اتغيرت .. ابتدت بالفيس بوك وهتنتهي بشباب وبنات التيك توك ..

المهم ان البلد لسا ماشية بنظامها القديم ومتخيلة انها ممكن تتصدي للمعلومة بالشخصنة ...
وتتصدي للفكرة بالاشاعة .. ومتخيلة ان الناس هتكذب ولا تصدق شخص لمجرد ان سيرته سيئة
ده لو شغال قواد بره البلد .. وقال معلومة انت مش عارف ترد عليها... فشخصه لا يعنيني في شئ
لأنه يمثل نفسه انما انت بتمثل بلد ..
هو كان شغال معاك وعارف اصله .. ولما خرج من تحتك هو مازال علي اصله
وده لوحده كافي ليثبت كمية السذاجة للي بيحكم واللي في ايده القرار..
العالم بيتطور .. والناس دماغها واقف في التسعينات
وممشيينها بالحب والعشم .. كأن مافيش عقد اجتماعي بين الحاكم والمحكوم
والعقد عبارة عن واحد بسبب اللي فرعنوه محسسنا انه بيمن علينا كل يوم بوجوده
وفي الآخر بيعاتب مش بيكاشف لما حد يقول معلومة تخص ذمته ..

عامة انت كرئيس فقدت اخر ذرة من مصداقيتك معايا كشخص
لما وقعت في اللي غيرك وقع فيه
وحبيت تصدر للعالم نفس الأفكار القديمة
وهي أن بيك البلد هتقوم وبغيرك البلد هتقع
وكأن مافيش حاجة اسمها موت أو حياة ..
وكأن لو حد كان بيحكم ومات البلد هتموت معاه ؟ ولو سابنا هنغرق ..
ومررت مع مجلس الشعب قانون يمنحك حق الترشح لحتي 2030
ودي القشة اللي قسمت ظهر البعير ..
وفقدت معاها جزء كبير من شباب البلد كان بيقول ان الصبر احسن
عشان يكون في رئيس قديم ورئيس جديد ..
كان نفسي الناس ماتكونش غبية وتكون مرة علي مستوي حسن نوايانا
بس الظاهر النوايا مابقاش ليها ضمير يحكمها ..

[ahmed 22]

"يقول مسافرٌ في الباصِ
"لا شيءَ يُعْجبُني
لا الراديو
ولا صُحُفُ الصباح,
ولا القلاعُ على التلال.
أُريد أن أبكي

يقول السائقُ: انتظرِ الوصولَ إلى المحطَّةِ,
وابْكِ وحدك ما استطعتَ

تقول سيّدةٌ: أَنا أَيضاً. > أنا لاشيءَ يُعْجبُني.
دَلَلْتُ اُبني على قبري،فأعْجَبَهُ ونامَ،
ولم يُوَدِّعْني

يقول الجامعيُّ: ولا أَنا، لا شيءَيعجبني.
دَرَسْتُ الأركيولوجيا دون أَنأَجِدَ الهُوِيَّةَ في الحجارة.
هل أنا حقاً أَنا؟

ويقول جنديٌّ: أَنا أَيضاً. أَنا لاشيءَ يُعْجبُني.
أُحاصِرُ دائماً شَبَحاً يُحاصِرُني

يقولُ السائقُ العصبيُّ: ها نحن اقتربنا من محطتنا الأخيرة، فاستعدوا للنزول
فيصرخون: نريدُ ما بَعْدَ المحطَّةِ،فانطلق

!أمَّا أنا فأقولُ: أنْزِلْني هنا.
أنامثلهم لا شيء يعجبني،
ولكني تعبتُ من السِّفَرْ
فانزلني هنا


محمود درويش

[ahmed 22]

ف الأيام الصعبة ونا شحط
بفتكر الأيام الصعبة ونا عيّل
و بقول عديتهم و انت قليّل
مش هتعديهم دلوقت؟
و لو الأيام غير الأيام..
و الدنيا غير الدنيا..
انتا كمان دلوقتي زمانك واحد تاني..
او واحد تالت
انا بكبر..
و العالم بيقول لي أكبر ونا ساكت
بيقول لي كل ده عادي
و ان انا بكبر ف معادي
و مفيش شيء يستدعي الأزمة
و الحزن الفاضي ملوش لازمة
و بص لغيرك..
حطّيت نفسي ف جزمة غيري
بس لقيتني ف نفس الجزمة
و لقيتني بنفس القلب
و لقيت العالم كله بيجري حواليا من نفس الكلب
و لقيتني ف بحر الخايفين
تايه و وحيد
مش لاحق اراجع مع نفسي انا مين
خايف من بكره و خايف أتغيّر
.....
انا الزبون الدائم للمطاعم اللي بيسهروا لمتأخر
صديق كلاب المنطقة من غير أسامي
شهواني و ملول
و عدو الناس اللي بتتكلم علطول
تلميذ خيبات الأمل المتتالية
و من أنصار الباب المقفول
بعرف اقول معرفش
و بعرف اقول شكراً
و بعرف اقول للشعب العامل دُمتُم ذخراً
و بقول للشعب العطلان معلش..
انا حاسس بيك
بتمنى الدنيا تدّيني و تدّيك
بتمنى الدنيا تفهمنا واحد واحد
أو تستنانا لحد ما أحزاننا تفارقنا
بحلم زيّٙك أعيش مرتاح..
و أعيش إنسان
و بحلم يوم ما نلاقي طريقنا
تفضل حاجة ما بيننا
إحنا كمان
مش للبيع..
ولا للنسيان ..

مضطقي ابراهيم

[ahmed 22]

الحياة بقت مجرد أرقام كتيرة
و بقت بتستهلك أرواحنا في كل يوم بيعدي علينا

الخلاصة والأساس كان دايما في رقم 1
ضمير واحد
قلب واحد
روح واحدة

فلما المادة طغت علي الواحد
وبقينا بنتطور كل يوم عن اللي قبله بفعل الحياة
بقينا مقابل كل شئ بنكتسبه بفضل التطور
بنخسر حاجات أكثر قيمة ...

بقت شخصياتنا مزدوجة
لأننا مش قادرين نفلتر .. مش قادرين نوازن
المدخلات الجديدة علينا ..
بالثوابت اللي المفروض أتوجدنا بيها

فبقينا نعاني من صراع دايم
بين الايمان والواقع
الفكر والعمل
الصدق والنفاق
الحب والكره

يعني هتلاقي تعارض الإيمان مع الواقع ..
أنتج حياة مشوهة بمعايير مختلة بأرقام اكتر ..
بكلام مستهلك بنقوله كل يوم مليان مبررات وأعذار..

وده خلي قلة حيلة الفكر .. خلت كل واحد يبحث عن اقصر الطرق
عشان يحقق أهدافه في العمل .. بدون وضع اساسات صح
لمجرد أنه بكرة نعيشه .. مافيش نظرة لشهر قدام .. كله عايش يومه
وبالتالي تم ارساء مبدأ
الغاية تبرر الوسيلة .

وتعارض الصدق مع وسايلك
خلي النفاق عملة سهلة الاستخدام ..

مابقتش حتي عارف حقيقة مشاعرك للناس
سواء بتحب أو بتكره لأنك بقا دايما عندك مرونة
في تطويع مشاعرك أنها تخدم مصالحك ...

تحس انه شريط وبيسف من فوق لتحت
فلما تفرط في الأساس
كل رقم بيجر وراه ارقام اكتر ...

الحياة بقت مجرد رقم
لدرجة أنه أحيانا تلاقيك بتكتب كلام كتير
ومش عارف أنت عامل فيها واعظ
ولا مجرد بترص شوية كلام جمب بعض
عشان تعمل موضوع تعبير بتاع ابتدائي عشان تضيع وقتك ...
وبالتالي فاقد الشئ لا يعطيه ..
وهو أنه يكون عندك هدف ولو واحد ..

[ahmed 22]

حسني مبارك
نترحم عليه ولا الرحمة كتيرة عليه

مجدي يعقوب

فكونه انسان صاحب قلب طيب واعمال خيرية هيشفع ليه يدخل جنة
ولا كونه مسيحي مش علي ملتنا مش هيشفع ليه جنة



you people think tooo much

انتم فقط تنقطون بما تملوه عليه قلوبكم
في اللحظة التي لا تفكرون فيها بعواقب ما تنطق به افواهكم
قلوبنا فقط تفضح مدي سطحية عقولنا عندما يختبرها الواقع بالحوار ..
فنحشو الواقع بكلام لن يزيد او يقل منه ولن يغير ما في القلوب ..

[ahmed 22]

العالم كل يوم بقا بيفجر في اتباعه لمبدأ
( ابانا الذي في السموات .. اهدينا فيمن هديت )

الغاية تبرر الوسيلة ..

وبقا كل ما بتقل الفرص كل ما بيزيد التطرف في اختراغ وسايل للتجديد في الوصول للغاية والهدف
ايا كان الثمن.. وبقت الغاية بتهدم كل يوم وسيلة .. ومحتاجة ابتكار جديد ..

يعني من كام سنة كان اقصي هدف الناس في الكاميرا الخفية علي طريقة ابراهيم نصر
انه يسرق ضحكة للناس وكانت الوسيلة بطريقة خفيفة ...
وبقا كل يووم العالم بيتطور وقبول الناس للسذاجة بيقل وعاوزين جديد ..

لحد النهاردة ما وصلنا انه في الجزائر بيتعمل مقلب
في شيخ وداعية علي الهواء للتجديد ...
عشان الناس تضحك ..
فبتاخد الصدمة الاول ..
. وبعد كدا مع الوقت بينكسر شئ فينا يخلي الموضوع اعتيادي

لحد ما اصبحت الغاية تتنكر في الوسيلة وتهدم كل يوم مبدأ جوا فينا ..