random variable

[ahmed 22]

ودي مسودة المفروض لنص
بس بقاله شهر مش عاوز يتحرك



عايشين
وسط زينة مغرمين
بين قلوبهم مقسومين
بمرايتهم دورنا احنا
ان هٌما يكونوا دايما
بين نارين


: ، - - )))*

دور جميل
ميزته دايما انه
احنا متشافين
في نفس المرايا
محطوطين
برواز يجمل في الحكاية
في دراما المكفوفين

Change ++up
وفي النهاية

البطل



مشتاقين


لؤم

مثالية احلاامنا
بتسرقنا

--

[ahmed 22]

علي قدر ما الدنيا بطلت تفاجئ الواحد
بس ده مايمنعش انك تكتشف مع الوقت
انك ممكن تكون بتعامل ناس باحترام
ويطلعوا في الاخر شوية عيال ...

لا ينفع يتلامو علي كلامهم
ولا ينفع تديهم قدر مش بتاعهم
بأنك تعاتبهم اسااسا ..

[ahmed 22]

ادي عيب اما تحب تنزل نسخة ز
وده جزء احتمال احتاجه مستقبلا

احد العيوب اللي ممكن تهدد الاقتصاديات والاسواق الناشئة انه ممكن العمل يكون سريع لدرجة
انك تكون معرض لاحتمالية انك تفقده .. من الاخر لا تستطيع اللحاق بنجاحك ...

يعني تخيل مثلا شركة فاتحة بمنتج جديد ... والمنتج ده اتعمل عليه رواج كبير ...
بس انت مثلا فجأة تلاقي كمية ضغط عالموظفين رهيب لدرجة انهم ممكن مايناموش ..
و بسبب الاقبال ده جهاز البيع اتوقف
بسبب ان المخازن فاضية ومافيش انتاج يقابل الطلب علي المنتج ...
وبالتالي انت قفزت قفزة انت مش مجهز نفسك ليها
ولا مهيأ الاجهزة اللي معاك ليها ولا كنت دارسها
وبالتالي بتسقط بسبب نجاحك لأنك مش مجهز لاستمراريته
وماكنش عندك النظر انه اهم من صناعة النجاح هو الحفاظ عليه ..

[ahmed 22]

النت حرفيا بيحتضر بقاله يومين
بس الواحد اتعلم مع الايام من بلادنا
انه النت لما يحتضر
سيبه يحتضر للاخر ... لا تلمس راوتر
ولا تحاول تتفزلك عليه
ولا اصلا تفتح لاب ولا تليفون ..
لحد ما يخلص معاناته لوحده

[ahmed 22]

واحد صاحبنا
اول حرف من اسمه عبفطتاح

بيعامل البلد معاملة
الست اللي كل ما تشوف جوزها
تقوله لو مش عاجبك طلقني ...

[ahmed 22]

مش عارف ليه النهاردة عاوز اشكر بعض الناس
ولو حتي اني عارف ان الشكر ده مش هيوصل ليهم ..
وهدوس مع نفسي كدا في الكلام علي سبيل الفضفضة
مش اكتر ...

انا حرفيا ممتن للرجل اللي عمل فكرة المنتديات عامة
فاكر انا سنة 2010 ...
تقريبا في نفس الشهر اللي احنا فيه ده اللي هو سبتمبر
كنت غارز بنسبة كبيرة في الشات
في الوقت ده ماكنش في دماغي حاجة غير الهزار
واني اضيع وقت مش اكتر .. زي ناس كتير يعني ..
لدرجة ان في الوقت اللي كنت داخل اسجل في المنتدي بتاع الشات
لما الفضول زارني اعرف ايه الرابط اللي كل شوية طالع نازل بيزاولني في الشات ده ...
كان صاحب الموقع تقريبا علي ما اتذكر اردني
بيقولي عاوزك ادمن لروم جديدة
وتاخد الجماعة صحابك دول اللي عاملين دوشة في المكان
ومع نفسكم في الروم دي هههههههه
كنت مكون شلة غريبة عامة ... وتقريبا هو زهق من كتر ما حجب
هو ماكنتش ضايع ... بس كنت بايعها شوية

بس هو فكرة انك تجد البديل المفيد في وقت مناسب
يمكن شئ عبقري بتخترعه الصدف ..

بس انا ممتن اكتر للناس اللي لاقيتهم هناك في الوقت ده في المنتدي
وشاكر لوجودي بينهم لفترة من الزمن مش قليلة ..
كانت تشكيلة فريدة من الجنسيات العربية بالنسبة ليا في البداية ..
وتنوع رهيب في الثقافات ... والمشكلة ان كل واحد فيهم
فعليا عنده شئ مختلف وعنده موهبة من نوع ما سواء في الادب او الفكر
ممكن تحبطك في البداية او تحمسك علي حسب شخصيتك ..
ده طبعا مع وجود الهزار والفعاليات ومسابقات ورمضان والجو اللطيف ده ..

كنت تلاقي جنسيات من سوريا .. اليمن .. المغرب .. تونس ..
الاردن .. السعودية .. فلسطين .. الامارات وغيرهم واحنا طبعا كمصريين ..
وفاكر حتي شخصية كانت عايشة في انجلترا ودخلت معانا فترة
تقريبا بتدرس في جامعة هناك
مش ناسيها دي بالذات .. لان كانت افكارها جديدة عليا
ودخلنا في نقاش طويل ...
يمكن كان الرد بيوصل انه يكون اطول من اطول رد ليا هنا 3 او 4 مرات ههه
بس كانت تجربة مفيدة ..
وكان كل بلد ليها علامة كدا .. يعني السوريين اكاديميين لدرجة تتعبك
اهل اليمن تحسهم في اللغة متمكنين
الاردن دايسين في الادب شوية ... وهكذا
انا بكلم طبعا علي اللي عاملتهم ..

كان جو جميل بأمانة .. عارف ان الزمن قطع علاقات كتير
وكل واحد شاف طريقه .. بس انا سعيد اني اتعرفت عليهم
وعاشرتهم فترة طويلة .. واتعلمت كتير من وجودي وسطهم ..
واهم من التعلم .. المعرفة والذكري الطيبة ..

انا كنت داخل عالأبيض عامة معاهم .. لا افقه شئ ..
انا اتعلمت حاجات كتيرة بالتفاعل وسطهم ليس اكثر ..
انا اشوف اي موضوع عامة مش فاهمه .. وادخل ارد
تقولي ازاي مش فاهمه وبترد اقولك والله ما اعرف ..
بس احيانا كنت بقول كلام مفيد يعني ..
واهم حاجة اتعلمتها انك تكون جرئ ..
وتكون فاهم انك كدا كدا هتغلط مش اكتر ..

يعني كتير جدا من الناس بتستغرب لما اقول انا عمري ما قريت كتاب او رواية حتي لحد النهاردة ...
دي حقيقة مش بفتخر بيها .. هي حقيقة مؤسفة معطلاني كتير ههه..
لأنك اكيد في الحياة هتلاقي اللي قرأ كتاب او رواية كاملة ..
ولو قصة لميكي ماوس ههه

اعتقد اني اكتر واحد في الحياة نزل روايات وكتب pdf علي الموبايل بتاعه
وقال انه يقرأ فيهم .. وما قرهاش ..
اقرأ اول صفحتين واحس اني عاوز انام ..
وده من سخرية القدر يعني اني بقعد اكتب ردود اطول من حياتي
عشان كدا بقدر لو حد ما قرهاش او ماردش .. متفهم الاحساس ده ههههه

وبالتالي المنتديات كان اكتر شئ مناسب لجيلنا وليا شخصيا ..
اللي عاوز الحياة سريعة ومستعجل النتايج ومش حابب يقرأ كتير في شئ ثابت ...
لاني ماكنتش امل من قراية ردود او نقاشات .. بس امل من كتب ..
عاوز شئ حي قدامي يحفزني مش اكتر .. والا بكسل

لأن من التفاعل المنتديات بقيت اعرف اختار اللي اقراه مش اكتر كمقالات او اساسيات
واعمل عليه تراكم منظم ... وفهمت ازاي ماكنش مستقطب من حد ...
واميز الافكار واقدر احلله .. واني اعرف المعلومة نقية بدون اي تأثير من حد .
وعليها ابني كلامي ...
ومن خلال ده كله احاول اني اقول كلام جديد
طبعا مش بخترع كلام .. جديد بالنسبة ليا .. احس اني بذلت مجهود
اني فكرت فيه مش اكتر .. مش تقليدي او نمطي ..
لدرجة ان افكار كتيرة من اللي بتبناها اكتشفت بعد كدا
انها في كتب ومتقالة من ناس وماكنتش اعرف
وماكنتش قريتها ليهم ولا سمعتها في تليفزيون غير بالصدفة
اوك انا ماخترعتش .. بس مش عيب انك تحس انك حاولت
او وصلت لشئ بدون ما تملك طريق ليه
كله عامة ممارسة لو الواحد حابب ..

يمكن كمان حظنا كان حلو ان الفترة ما بين 2011 ال 2014
كانت غنية وكان فيها شغف كبير
وكلام كتير ماكنش بيطلع وطلع ...
واتفتحت ابواب كتيرة للكلام كانت مقفولة ..

انقراض المنتديات يمكن شئ محزن ..
فرصة انك تلاقي مجتمع عربي متنوع
تتشارك معاهم ثقافتهم ومشاكلهم واحلامهم
دي تجربة للعمر ..
وكانت ممكن تعوض شباب كتير عن سرعة الحياة
بأنها تحفزهم انهم يكتشفوا شئ مش عارفينه عن نفسهم
او يكتشفوا ميولهم اللي ممكن عوامل التعرية بتاع الزمن افسدها..
وخباها وسط ملهيات كتيرة جدا قابلتهم ...

طولت اوي تاني
يلا ماحدش واخد منها حاجة ..

[ahmed 22]

اعتقد اني النوع ده من الاشخاص
اللي كل مرحلة عمرية بيقرب يخلصها
بيفكر كتير ... شكلها لعنة وملاحقانا ..

يمكن اخر ثلاثة او اربع شهور كنت بفكر كتير جدا بيني وبين نفسي ..
كتير لدرجة ان الواحد نفسه مابقتش مستوعباه ..
وبقيت اخرج عن المألوف بتاعي ..
يمكن حتي التعليقات اللي زي ده او اللي قبله خارج المألوف بتاعي
وده مؤشر يمكن صعب ..
اخاف اكون بهرب من اسألة كتيرة محتاجة اجابة ..
لان الاجابة بقت مستعجلة
بقيت افكر في مواقف ومراحل في حياتي لدرجة تخوف

انا يمكن محظوظ اني قدر الامكان حاولت احافظ علي التشتت ده
بيني وبين نفسي وماثرش كتير علي الشغل او حياتي بشكل ما

وحاسس اني محتاج فعليا استغني عن حاجات كتير بحبها
وحاجات تانية اركنها علي جنب مؤقتا لشوية سنين
وحاسس اني محتاج سعي اني احصل علي حاجات تانية
تعزز فرصي في مستقبلي وحياتي ..
فعليا انا محتاج هدنة مع كل حاجة حواليا لفترة من الزمن
عشان اقرر حاجات كتير من جديد ..
أو اقرر اني ابطل تفكير اساسا .. لانه يمكن قلق مالوش عازة ..

يا اخي النفس صعبة برضه
يلا الحمد الله

[ahmed 22]

اللهم صل وسلم وزد وبارك علي سيدنا محمد
عليه افضل الصلاة والسلام ...

[ahmed 22]

الحياة بطيخة كبيرة

[ahmed 22]

#طالباب

لو بتتكلم عن الواقع .. ففى الواقع الجيوب هانت كل الدوافع ...
الديابة هاجت على كل الوقائع والمخارج والمداخل ...
ففى الواقع ردمنا كل المواقع ابتذلنا كل المراجع خمس حروف من الحاء للنون كفاية تثبتلك قصدى ايه
لما اقول على نفسى مسجون البضائع...

اصل المؤدى تاجر ولطوب الارض خاضع>>
كل القروش لفجع الكروش امنا بنظام البدل سخرنا لخدمة القروش ...
لو الامل فى جنس البشر عشب مزروع فأرضنا بور وحتى المبانى يابنى أيله للسقوط ...
بضاعة متعلبة فى قوالب ..

وجوه كل قالب شنطة بتلمع وعود
شايلها سيادة السياسى المخضرم عضهروا سعره مكتوب ..
في قوالب خرسان مصبوب ..
يا عم بالك خليك فى حالك ابشر الضلام حالك
وقوالم موجات الراديو اخترقت الخطوط ..

وقف الاغنية اربط حبل فى سقف البيت واشنق دماغ بفراغ السواد مملية ..
لو بنتكلم عن الواقع فاية فايدة الكلام لو العقل لسه حجر
اية فايدة كل الورق لو الحبر لسه حجر
سقط الحجر عاش الحجر نهتف لحجر ونمجد نفس الحجر ....
لو هنتكلم عن الواقع فأولى تعرف ابنك اول حروف الابجدية ..
أ استعمار لكل ثروات البلاد من تجار الاحتكار .
ب بيقراطية لعينة تقيد الطوفان بكوم اختام لو مش جاى على البال .
ج لجنون جنود جماعة مين مسموحلها تدهن كل الجنود بصبغة دين مشوش .
د يسيح دمك فى مستشفى عام وشياطين الارض تضحك
وبالنسبة للدولة ارادة اله يعنى ملكيش دية ..

هيحلفك بالدواير والى ضارك والى نافع ان الليل عليهم عمروا ما يليل الا لما طول...
الليل عليهم عمره ما يليل الا لما تولع كل لمبة فى عمود الشوارع ...
واية الموانع لو السكوت اسمه جبن والفقر اسمه ضعف...
اية الموانع لو كل شارد اسمه ساذج والتمرد اسمه جنون
اية الموانع ما سموا الوهم واقع ... وقالوا اسكن فيه كيف ما يكون..
فاللى احتج و رجع فى كتابهم اسموا موهوم
واللي رسم صوره أوقع قالوا ابن مجنون >>
خليها تتحرق ورقهم بيهم يتدفن ورقهم ياما دارى ولسة يدارى كل لون فى عجزهم ..

حابب تتكلم عن الواقع اتنفس ملى جرام من الواقع
اعمل دماغ وهم تخطف نفسك من الواقع تقدر ..
فوء .. تحويشتك هوا.. خطيبتك هوا .. صحابك هوا ..
وعقدك المؤقت هوا ..والوهوم ساحبك علي حجره بيك ارتوي

اتنفس ما تعسهم بيغذينا ..غنى اغنيتين صور صورتين
اكتب كلمتين والواقع بيضااجع مجارى المدينة
اسمك اية مش مهم عمرك كام مش مهم جنسك اية مش مهم
بس المهم ان مهما كلمة اتحاكت فى النسيج .. العضم انتشى بالسم ..
مش مهم لو الكلام مش مريح يا سيدى الواقع اقبح

اه والله