random variable

[ahmed 22]

صدق من قال وماشفتوش قاله

اللي يشوف يآس الناس يهون عليه يآسه

[ahmed 22]

وكمان

كل ما تتخزوق افتكر ان اللي جاي اسوأ

[ahmed 22]

انا مش عارف
بس انا ابتديت اشك اني نزلت موضوع في قسم النقاش
من 3 او 4 ايام .. ولا كنت بحلم ولا ايه
لاني شايف مشرف القسم موجود كل يوم هنا

او اذ ربما نسيت ابعت ارسال ولا حاجة

تساؤل مالوش لازمة ستجيب عنه الحلقة القادمة
اصلا الموضوع تعبان فمش فارقة سواء نزل ولا تم تطنيشه
ولا نسيت اعمله ارسال

[ahmed 22]

النهاردة خدت جولة في الموضوعات القديمة بتاعتي
ولاحظت حاجة مهمة
ماكنتش بفكر فيها عامة
ويمكن ماكنش في دماغي الموضوع
كدا كدا انا بكتب للهواية وخلاص

بس انا شفت مواضيع كتيررررر ليا مافيش فيها ردود
بالقدر اللي يعطيها علي الاقل حق الجهد اللي اكتب فيها
واحيانا بشوف ردود ... وبقول وبيني وبين نفسك يا ريتك مارديت اساسا هههه
بحس ان اللي بيرد غاضب علي نفسه انه بيرد
حقاا بدأت اشك انني كنت اكتب لتفسي فقط

وواحيانا لما كنت بقرأ بعض الردود
كنت بشعر ان كتير من اللي بيرد ماقرأش غير اول خمس سطور

ماشي .. انا متفهم ان مواضيع كتير ليا اطول من الليلة السودة
بس طالما فكرت ترد ... لازم تكون قريت
ما قريتش .. ماتردش ولو حتي هتجامل
لأن من جوايا بقول يا ريت الموضوع كان صفر ردود احسن ...

طبعا الكلام ده مالوش معني حاليا يعني ...
كدا كدا اللي انكتب انكتب ..
ووقت الشغف عدي وازف ...
بس هما كلمتين كدا فجأة جوم في زوري وانا بتصفح النهاردة
قلت اقولهم لنفسي هنا في المتصفح ولكل عابر سبيل عدي هنا
وافتكر انه دخل موضوع ليا ومادهوش حقه

وحابب اقولك من هنا كلمة اخير
انسي الكلام الي فات ده كله
بعد تفكير .... والله ما فاتك كتير
كلها كانت مواضيع هري وكلام مالوش لازمة
لا يغني ولا يثمن من جوع

[ahmed 22]

https://youtu.be/3Q6wv07Wc

[ahmed 22]

https://youtu.be/Qs0CfLzGOcU

[ahmed 22]

https://youtu.be/J161D6GuJ8c?t=163


Remember life and then your life becomes a better one

[ahmed 22]

اهو انا بقالي ساعة قاعد بحاول اكتب اي حاجة
الاقي نفسي بسمع حاجة
اقوم اعمل ليها لينك هنا
ماتفهمش ليه ..

فعلا
الحياة كل يوم بتمتص منا اهتمامتنا
طالما ماخترنهاش او ماطورنهاش
فنختار التهكم علي الحياة واحكامها بحالها

[ahmed 22]

الواحد بقا عاوز بس يستدعي فكرة الخروج من البانجو زون اللي قاعدين فيه ده
عشان نعرف مكاننا في الدنيا دي ..
تحس الناس واخدين بنج طبيعي كدا طول الوقت

[ahmed 22]

مش عارف
بس تحس ان افتقاد المجتمع لحد يمثل عنصر الابهار في الزمن ده
افقد الكتير من الناس دوافع الخروج من القواقع اللي عايشة فيها
كتير قافل علي قوقعته وخايف يخرج منها
كتير افتقد الجرأة للمحاولة
فكتير عايش في دواير طول الوقت بيلفها حوالين رقابته
فبتدفعه الي اللانهائية وما بعدهااااا

بفكر اعمل هاشتاج بعنوان
#باظ يطير